कबीर सागर (11 भाग संपूर्ण)

( ११२ )

कबीरबानी

उनकी छाया सबको भाई । तौन छांह घटहि सब समाई ॥
दो सरूप आदि सहेदानी । दो सरूप काया बन्धानी ॥
तिसरा रूप रहित हैं आपै । भेद लखो तिहिगुरु प्रतापै ॥
तेहि प्रतिमा दोय हैं भाई । एक नारि एक पुरुष कहाई ॥
जिसका भेद कहो समुझाई । एक नाद एक बिंदु कहाई ॥
नाद सनेही सुरति हमारी । बिंदु सनेही शब्द बिचारी ॥
माया नारि सुरति है नादा । चार नाम है एक समादा ॥
नरमन शब्द और कहि बिंदा । चार नाम भये कहि बिंदा ॥
नरही नाम मनुष्य बिचारां । मन नाम काल अवतारां ॥
शब्द नाम सूर्यको दीन्हां । बिंदू नाम नीरको लीन्हां ॥
मेदी नाम इक्षीको चीन्हां । माया नाम भूतक जो कीन्हा ॥
सुरति नाम चन्द गहि दीन्हा । याहि सूरती मम करि लीन्हा ॥
रज्जु नाम श्वासाघट राज्यो । पुरुषहिं एक सुरतिको साज्यो ॥
शब्दको धातू जाही थापा । बनावन हारौ आपै आपा ॥

खुद होई कहैं कबीर

जहां तहां हमही है भाई । दुविधा छोड़े काल भगाई ॥
दुविधा काल बढ़ो अन्याई । तन छूटेते लेह धरि खाई ॥
पिंडका लेखा दीन्ह चिन्हाई । पिंड ब्रह्माण्ड लेहु अर्थाई ॥
अनंत पंखुरीका कमल है भाई । शुक्ल हंस तेहि माहि समाई ॥
आपै कमल उत्पत्ति पसारा । तेहिमें जीवकीन्ह विस्तारा ॥
दुसरो कमल सहज है स्थाना । तिन्हते सृष्टि भई बन्धाना ॥
तृतीय कमल इच्छा उत्पानी । चौथा मूल ले बोले बानी ॥
पांचये सुरति सोहंग बँधाना । आठ अंश तिनके परवाना ॥
छठो कमल आर्चन्यको बासा । निसवासर जहैं प्रेम विलासा ॥
ताते कमल अक्षर ठहराई । तिनकी तो अस्तुति वेदन गाई ॥

बोधसागर

( ११३ )

अठवें कमल कैल को वासा । नाम निरञ्जन तहाँ निवासा ॥
नौमे कमल तीन लोक बनाई । तीनि देव तहाँ रहे भुलाई ॥
पिंड ब्रह्मांडको लेखा सारा । ज्ञानी पंडित करौ विचारा ॥

साखी-कहै कबीर

पिंड ब्रह्माण्डको लेखा, हम दियो प्रकट बताय ।
कहै कबीर धर्मदाससों, तुम निर्भय लोक जाय ॥

धर्मदास वचन-चौपाई

धर्मदास पूछे चित लाई । सदगुरुसे उठि विनती लाई ॥
सांचे साहबकी बलिहारी । कैल पुरुषकी जुगति विहारी ॥
पन्थ विकट कोइ भेद न पावै । जो नहिं सदगुरु आप लखावै ॥
प्रपंची है कैल अपारा । मोसो चलै न पन्थ तुम्हारा ॥
कैसे कै गुरुवाई करहुँ । कैल पुरुषसो मैं बहु डरहुँ ॥
जम्बुद्वीप है यम को देशा । कैसे चलिहै मुक्ति उपदेशा ॥
चार वेदमें सब जीव राचै । कैल फांसते कोइ न बांचै ॥
हम सेवक हैं आज्ञाकारी । सोइ करों मोहिं लेहु उबारी ॥

साखी-कहैं धर्मदास

हमसो पन्थ चलै नहीं, काल अपरबल बीर ।
घाट बाट सब रोक है, जिय कस लागे तीर ॥

चौपाई-सदगुरु कबीर उवाच

धर्मदास तुम्हें सांच न आवा । अन्तर खोली मैं तुम्हे बुझावा ॥
का पुनि करिहै काल तुम्हारा । सिरपर समरथ है रखवारा ॥
मारहु कैल रसातल जाई । केती कै हमही निर्माई ॥
केतिक कैल भये मम आगे । केति सृष्टि उत्पत्ति प्रलै भागे ॥
सत्य वचन सुनिये चितलाई । कैल जुगति मैं देहुँ लखाई ॥
सत् चल्ला है सबते न्यारी । तीनहि लोक प्रपंच पसारी ॥

नं. ७ कबीर सागर - ५

( ११४ )

कबीरबानी

कैल सकल युग डारो खाई । एकौ जीव लोक नहिं जाई ॥
ताते समरथ मोहिं फरमाई । सांचै जीव आतु मुक्ताई ॥
कर्म काल है बहुत अपारा । तुमसों धर्मनि कहौं विचारा ॥
तीन सुरतिका खेल नियारा । भिन्न भिन्न तिनको विस्तारा ॥

चार प्रकारके ज्ञान

अचित अंश समरथको भाई । बारा पलंग राज तिन पाई ॥
ताते ब्रह्म सृष्टि भई भाई । ब्रह्म ज्ञाति नहीं उपजाई ॥
ब्रह्महि लरनि ब्रह्मकी वानी । एके मारग एक रहानी ॥
तिनको चिह्न चले संसारा । अक्षर अतीत नाम है सारा ॥
जो कोई येहि मारगको ध्यावे । अचित लोकमें जाय समावे ॥
प्रेम सुरति उहाँ मंगलचारा । तिनके सँग सखि बार हजारा ॥
अब अक्षरको कहूँ विचारा । अक्षर कीन्हा अविगतिविस्तारा ॥
जीव सृष्टिको कीन्ह पसारा । अनभै ज्ञान कीन्ह विस्तारा ॥
अनभै करनी अनभै बानी । अनभै चाल है अनभै रानी ॥
तिनके चार अंश हैं भाई । आठहि सुरति नहीं ठहराई ॥
नी पवन दोउ गहो निसानी । सुरतियोग अनहद सहिदानी ॥
यह प्रकार जो ध्यान लगावै । अक्षर लोकमें जाय समावै ॥
सुरति योग है महा हितकारी । बीस हजारतिन जीव उबारी ॥
तिसरे कैल निरञ्जन गई । तिन पुनि माया सृष्टि उपजाई ॥
माया सृष्टि है तीस हजार । त्वचा ज्ञानको कीन्ह विचारा ॥
तीर्थ व्रत जप तप है करनी । क्रिया कर्म आचार है रहनी ॥
इच्छा वाञ्छित जो करनी कही । सो फललेहि जन्म जब धरही ॥
जोगहि दान यज्ञ मन लावै । चारिहुँ वेद साखी ससुझावै ॥
कोउ राजा कोउ पंडित भाई । कोउ सिद्ध कोउ साध कहाई ॥
चार अंश चारों फल पाई । माया सृष्टिको धरधर खाई ॥

बोधसागर

( ११६ )

ताके संग सखी बारा हजार । तहाँ महंमद गये सुखसारा ॥
तेहि सुखको उन्ह लहे भाना । आगे ओहं सोहंके स्थाना ॥
चौथी सृष्टि त्रिगुण परकासा । जो उपज्यो अक्षरकी श्वासा ॥
तिनके ज्ञान क्षुद्र है भाई । जन्त्र मन्त्र औ वेद भनाई ॥
राग रँग पूजा चतुराई । अहंकार मद गर्भ भुलाई ॥
जीव भोजते करे अहारा । नौलाखजीव सँग तिनके धारा ॥
तैंहिके ज्ञान जग रहे समाई । घर घर आये कुल बरन दड़ाई ॥
कोई उग्र कोइ क्षुद्र कहावै । कोइ जीवकोइ नारियर खावै ॥
कोई रोगी औषध भावै । कोई देवी कोई देव कहावै ॥
कोई प्रेत होय बोले आई । इह विधि सकल जीव भरमाई ॥
त्री देवा गुण रूप निवासा । इन सब भेद कीन्ह परकासा ॥
पाहन पूजा तिन ठहराई । कई विष्णु तहैं शम्भु कहाई ॥
ब्रह्मा तहाँ वेद धुन करहीं । विष्णु रूप तहैं पूजा धरहीं ॥
शम्भु भये फलके अधिकारी । तीन देव यह युक्ति विचारी ॥
इहि प्रपंच पांच मुख बानी । तेहि प्रपंचमें जीव भुलानी ॥
शुक्लहि पांच काल सहेदानी । जाये ले देह नर्ककी खानी ॥
धर्मदास तुम विन राचौ । सत्य चाल उहिकैलसों बांचौ ॥

चारि सुरतिका लेखा

चार सुरतिका भेद निन्यारा । सो सब खोलि कहूं भण्डारा ॥
तिनकी सनद एक है भाई । तेहि सनद ले जाय लेवाई ॥
यह ज्ञान ताकी चारों बानी । पांचे समर्थक पांच प्रमानी ॥
चारों गुरु चारी हैं बानी । पांचे शब्द सुरति सहिदानी ॥
पांचों भेद हैं अगम अपारा । इह पांचों सर्वांग विचारा ॥
चार अंश चार अण्ड प्रमाना । एके सनद एक बन्धाना ॥
चारों गुरु है जगमें आवा । तिन भवसागर पंथ चलावा ॥

( ११६ )

कबीरबानी

चारों गुरुकी पेडी

प्रथम धर्मदास तुम्हैं भाई । वंश बयालिस है अधिकाई ॥
दुसरे सत्त्व बंकेजी राजा । सत्ताइस अंश तेहसंगबिराजा ॥
तिसरे गुरु चतुर्भुज हैं भाई । सोरा अंश तेहि संग समाई ॥
चौथे गुरु सहतेजी भाई । सात अंस मत तत्त्व बनाई ॥
चारहि गुरु मता अर्थावा । जीव सरूप है जगमें आवा ॥

चार बानी

चार बानि ले तुम्हें समुझावा । प्रथमहि कोटिज्ञान कहि आवा ॥
धर्मदास तुम करो विचारा । कोटिबान है ज्ञान पसारा ॥
दुसरे है टकसारकी बानी । रायबंके जैसे निरणय ठानी ॥
टकसार भेद चढ़ि हारी लेखा । जो पेखे सो सत्यलोकहि देखा ॥
नीर पवनको कीन्ह विवेका । तिसरे मूल ज्ञानका एका ॥
राय चतुर्भुज लीन्ह प्रमानी । चारों गुरु मुक्ति फलदानी ॥
चारि गुरु मुक्ति कडिहारा । बहु जीवनको करिहैं उबारा ॥
सारखी-कहे कबीर चारि बानि, खानी चार ज्ञान निधान ।
चारि पदारथ चारि वेद, चारि गुरु प्रमान ॥

धर्मदास उवाच

हम चारोंको गुरुकर थापै । पांचे अर्चित राजा है आपै ॥
तीन अंश वे कहाँ रहे छाई । तौन भेद गुरु कहो समुझाई ॥
तिन्हकी कला कहो गुरु सांचै । औ पुनि कौन खेलमें रांचै ॥
साखी-सत्य सत्य मोसो कहो, कछु ना राखै गोंय ।
सुर नर मुनि ऋषि सबही ठगे, रीते चले सब रोय ॥

चौपाई-सद्गुरु कबीर

धर्मदास घटभय उजियारा । ताते आगम्य मुर्ति विचारा ॥
आठ अंश सब जमा है भाई । चारि अंश सब ठाँव बनाई ॥
अविगति मोसन कहा न जाई । मैं जो कहों तुम धरौ समाई ॥

बोधसागर

( ११७ )

पाँचों सुत पाँचों अण्ड पाईं । दोईं अंश लै गुप्त बैठाईं ॥
अर्चित वृंद तब तिनहीं दियऊ । तिनको नाम अक्षर तिन ठयऊ ॥
पांच अंश नहीं पावत लेखा । और अंशको कहूँ विवेखा ॥
चार अंश अक्षर सेहेदानी । जिनते उपजी चारों खानी ॥
देखि अंश मोह तब आवा । दूसर अंश घट आय समावा ॥
त्रिगुण शक्ति घट गई समाईं । तब अक्षरको निद्रा आईं ॥
सोरा चौकड़ी सोये सिराईं । आठवो अंश जलमाँहि समाईं ॥
अंडजरूप जो जलमाँ दीन्ह। यह अविगति सब समरथ कीन्ह।
अक्षर जग्यौ निद्रा गई भाई । देखि अंड व्याकुलता आईं ॥
तेहि अंडमें एक निशानी । सो अक्षर पाईं सहिदानी ॥
अक्षर दृष्टिसों अंड बिहराना । तिहिंते कैल भयो अभिमाना ॥
तिन्हके चार वेद भये बंशा । चौथे अंश कलानिधि तंसा ॥
मनमें अक्षर संख्या आईं । यह तो काल समर्थनिरमाईं ॥
तेहिंते शक्ति कीन्ह तिवाना । श्वाससुरति अन्तर बिलखाना ॥
आठों अंश घट रहे समाईं । स्वास संग घट बाहर आईं ॥
सोरा कला अष्टांगी अंगा । रूपकला वाही सब सुख संग। ॥
अक्षर कन्या दीन्ह पठाईं । तिनते तीन पुत्र भये भाईं ॥
अविगति गति काहु नहीं पावा । समरथ सत्य प्रपंच बनावा ॥

सारखी-कहे कबीर

इहविधि सब रचना करी, काहु न जाने भेद ।
जैसे है तैसे तब हती, अब कोकरै निखेद ॥

सारखी-अविगति निषेदकी-धर्मदास उवाच ।

धर्मदास बिनती अनुसारी । साहब बिनती सुनौ हमारी ॥
आठ अंशको भेद हम पावा । गति अवगति दूनों हम गावा ॥
चारि अंश एके मत ठाना । चारि अंश भिन्न भिन्न मत ठाना ॥

( ११८ )

कबीरबानी

तेहि कारण सबमोहि बतावहु । केहि कारण प्रपञ्च उर लावहु ॥

सारखी-चार सुरति सब मूल है, तुम समरथ परवान ।

तुमरे अंगते उपजि कहु, चारहुको अनुमान ॥

सारखी-बीजके कलसाकी-कीसा सतगुरु उवाच ।

धर्मदास मैं कहु न छिपाऊँ । तुमको सकलहि भेद बताऊँ ॥
प्रथमहि समरथ आप हते, दूसरो कोई न हुए । तब समरथके
मुखते, सहजहि सुरति भये ॥ सोह सुरति स्वरूप धरि सहजहि
बुन्ददयो । तेहिते सहजहि सुरतिका सहज अंकूर भयो ॥ तेहि
अंकुरते सप्त करि भए ॥ दूसरे समर्थके अंशते क्षमास्वरूप सुरति
भये ॥ तब स्वाती सरूप बूँद दियो जौन कारन सुनो ॥ जैसो
सांचो तैसो स्वरूप जैसो घात तैसो अनूप ॥ एतो ठेका बँधे
जब भयऊ इच्छासात । ७ ) अंड पांच ( २ ) चारी अंड एक
सिद्धके ॥ ४ ॥ १ ॥ चारों स्वरूप भिन्न भिन्न हैं ॥ पांचो अण्ड
प्रचण्ड भयो । दोउ करीमें अण्ड ना भयो ॥

ताहिकरीमें दो अंशहते । एक करीमें अक्षर हतो एक करीमें माया
हती । एहि मता अवगति हतो । आगे तिसरी सुरतिको लेखासु-
नो अविवगति सुरत अशून्य । तीसरी सुरतिका लेखा सो सुरति सखन
उपजाई । तेहिको नाम मूल सुरति है ताह सुरतिको अंगल बूँद
दीन्हाँ तेहि पांच ब्रह्म भये तिनको आज्ञा दर्ई एक एक ब्रह्म
एक एक अंडन में आए, एते ब्रह्मते पांच अंश भये । तेही तत्त्वके
घर भये । अण्ड फूटो पांच तत्त्व प्रगट भये । ६ । चौथी सुरती
श्वासाते भये । ४ । तेहिको नामसोहं दियो । तेहिसोहंके ओहं बुद
कन्हहाँ तेहिमें आठ अंस भये । सो एती रचना चारिकीरति कियो

बोधसागर

( ११९ )

प्रथम अंगते भए आगे सब निकास कई । सात इच्छा सातहीं अंश । अनइच्छाते आठों अंश भए । आठवाँ अंश भए । ते लोक भयो सर्व सृष्टिका संहार करे ।

बीजक सारकी साखी-कहैं कबीर ।

सात इच्छाके सात अंश भए, अपने अपने भाव ।

आठवा अंश विन इच्छा उपजै, ताको धर्म लखाव ॥

धर्मदास उवाच-एह धर्मदास ने पूछी ।

आहो साहेब काहेते समर्थ कहत हैं ? काहेते अचिन्त कहत हैं ॥
काहेते अक्षर कहत हैं ? काहेते जोगमाया कहत हैं ॥
काहेते कल कहत हैं ? इतना भेद कहो समुझाई ॥
भिन्न गुरु देह बताई । एहिकी शास्त्र गुरु कहैं ॥
सुनो धर्मदास तखतके धनी । तासो समर्थ कहत हैं ॥
तिनते आठ अंश भए । आठमें जेठ अचिन्त भये ॥
तिनके चिन्ता नाहीं । ताहिते अचिन्त कहाये ॥
तिनके प्रेम सुरति भई । तेहि प्रेममें अक्षर आनिसमानो ॥
तब मोह तत्व उपज्यो । तेहि मोहते चार अंश भए ॥
तेहिते चौरासी लक्ष्य जोनी भई । ८४००००० । तेहिते अक्षर ॥
कहाये । अब कैलकी हकी कत सुनो । तब अक्षरके मोहतत्त्व ॥
उपज्यो तेहि कारणते कैल भयो । मनसाते बुन्द पैदा कियो ॥
सो जहाँ अक्षर बैठो हतो । तहाँ जल तत्त्व हतो ॥
तेहि जलमें एक बुन्द आनिपडो । तेहि बुन्दते एते एक अंड भयो ॥
तब अक्षरने देखा उठिके । तब अण्ड लंगि आयो ॥
एक हकीकत लिखी हती । अंडके मुख ऊपर छाप हतो ॥
कहैं सृष्टिकी रचना करौ । और एक अंश हम पठायो है ॥
सो तुमते दूसरी करी है । सो तुम जिन पतियावो । जहाँ लंगि

( १२० )

कबीरबानी

आवै तहां लगि जिन रोको । आवने दीजो जिन काहु भेद ॥
बतावो । आगे सत्रासौ तीस हजारा युग कैल युगका प्रमाण है ॥
युग सो भुगति लेहे तेहि पीछे । हमारी आठै सुरती आई है ॥
तब हमारो महातम होई है । तब कालसों जीव छुड़ाई है ॥
तब कैलको महातम घटि जैहै । एती सनद अक्षर भेदकी ॥

साखी-कहैं कबीर

सात इच्छाके सात अंश भए, सातहि सुरति प्रकार ।
अन इच्छाते कैल भए, जीवको करै अहार ॥

चौपाई-धर्मदास उवाच

धर्मदास जिव शंका आई । उठि सदगुरुसों विनती लाई ॥
धन्य भाग्य मोहि मिले गुसाई । अपना करि मोहि लीन्ह मुक्ताई ॥
इच्छा सातके समरथ कर्ता । अत इच्छा वहां कहांते बरता ॥
सो निजु भेद बतावो मोही । इह सनद गुरु पूछौ तोही ॥
सात करी अंकुर बन्धाना । सात इच्छा तेहि माँहि समाना ॥
सात सुरतिमें थांका राखा । सात अंश तहां बोली भाखा ॥
आठवाँ अंश वह कहाते आवा । कौन भाँति वो अंश निमाँवा ॥

साखी-अविगति भेदकी धर्मदास पूछे ॥

अविगतिकी गति सब कहो, मैं बलिहारी जाऊँ ।
मेटि अँदेशा जीवका, पल पल परसो पाऊँ ॥

चौपाई-सदगुरु कबीर उवाच

कहैं कबीर सुनो धर्मदासा । वहिसमर्थ गति अजब तमासा ॥
इतना तत्त्व जिन पूछौ भाई । और सकल शब्द देहों बताई ॥
इच्छा सात शक्ति उत्पानी । स्वाति सनेह भए परमानी ॥
एक अंकुरते सब कछु कीन्हां । सब भण्डार तिहि माहे दीन्हां ॥
तिहि अंकुरकी सात भै करी । सात इच्छा तेहि माँहि लै धरी ॥

बोधसागर

( १२१ )

सेहजंकर तिह नाम कहाई । सात सुरैति तिहि मांहि रहाई॥
टेकाज्ञान कहतहों भाई । जेहि सुनि हंमा लोके जाई ॥
धर्मदास सुनिये चितलाई । यहि कलसा सब ज्ञानके भाई ॥
बीजक ज्ञान सब कहूँ निशानी । तेहिपर बीजक निश्चय ठानी ॥
सात करीके निर्णय सुनिहौ । बिना भेद तुम कछु न गुनिहौ ॥
भेदमें भेद हम राखौ गोई । सो पर सून्य लखो ना कोई ॥
इच्छा सीप स्वरूप उतपानी । सोवाती स्नेह भये परसानी ॥
बुंद एक आनंद स्वरूपी । इच्छा सात भये भिन्न स्वरूपी ॥
इच्छा सात रुचि अपने भाई । तेहि प्रमान बुंद तिन्ह पाई ॥
तेहिते पाँच अंड निर्माई । दोए करी तहाँ गुप्त छिपाई ॥
तेहिमें गुप्त अंश रहे वासा । प्रथम करीने बुंद निवासा ॥
तेज अण्ड तहाँ भयो प्रकाशा । तेहिमें सब है जीव निवासा ॥

इच्छाके नाम

मुख्य इच्छा तेहि इच्छाको नामा । आदि बुंद तिहि बुन्दको धामा ॥
दूसरी इच्छा नेत्र भरी हरे । सुकृत अण्ड भए तेहि केरे ॥
नेत्र इच्छाते नेत्र बुन्द पावा । तेहिमें सुकृत अंश निरमावा ॥
तिसरी इच्छा अविगत बानी । श्रवण इच्छामें आनि समानी ॥
श्रवन बुन्द अंश तिन्ह लीन्हा । अबोलनाम तेहि बुन्दको दीन्हा ॥
चौथे अण्डमें सत्य पसारा । चौथी इच्छा सो वास उच्चार ॥
स्वाती इच्छा तेहि करिको नामा । स्वाती बुन्द स्वाति सब धामा ॥
स्वतिते क्षमा अण्ड निरमाई । अण्ड पाँचमों कहुँ समुझाई ॥
पाँचही इच्छा निमिष ठेहेराई । करा एकमें जीवन पराई ॥
स्वाति प्रसन इच्छा उपजाई । जलहि अंड तहाँ उपज्यो भाई ॥
पाँच इच्छाके पाँच अण्ड निरमाई । दोये इच्छा वेही गुप्त रहाई ॥
छठि इच्छा है करता भाई । करति बुन्द तेहि मांहि समाई ॥

( १२२ )

कबीरबानी

सातें इच्छा सर्वत्र रहाई । सात बुन्द सब कला है भाई ॥
सातों इच्छा के करता अंकूला । सात करी सब दृष्टिको मूला ॥
तिनके सोरा अंश प्रमाना । एक वचनके सबही बंधाना ॥
आनंद बुन्द है सदा समीपा । तेहि अंकुरको भिन्न है दीपा ॥
एक सुरति एक अंकुर कहाई । तिहिको नाम सहजश्रुति भाई ॥
सात करी मो थाका बनाई । ताकी गतिमति काहु न पाई ॥
दो सुरति इच्छांकुर निर्माई । आठ इच्छा तेहि माँहि उपजाई ॥
सात इच्छा करि सात समानी । आठमी इच्छा काल उत्पानी ॥
तिसरी सुरति मूल प्रकाशा । मूलकीर्ति मूलअंकुर निवासा ॥
सुरतिमूल तिहि माँहि समानी । पांच ब्रह्म तहाँ भये उत्पानी ॥
सहजब्रह्मके पांचतत्त्व भये भाई । तरव सनेही सर्व उत्पन्न आई ॥
दुसरी इच्छा ब्रह्मको चीन्हा । सुकृत चिन्ह उत्पन्न कीन्हा ॥
तिसरो ब्रह्म मूल परवानी । मूल सुरति सब सृष्टि उत्पानी ॥
चौथे सोहं ब्रह्म कहावा । तेहि अण्डमों सर्व समावा ॥
पाँचों ब्रह्म जलाहल भयऊ । चौदह अंश गुप्त निर्मयऊ ॥
तीनि सुरतिकी एती रचना । चौथे सोहं कठे अमृत बचना ॥
सुरति अभयबुन्द तिन्ह पावा । तेहमें आठ अंस निरमावा ॥
चार गुप्त चार प्रगट पसारा । आपसहूपमिल आठों अमी अपारा ॥
तिनके भिन्न भिन्न परमाना । चार अंश भये सृष्टि बंधाना ॥
चार अंश भये मुक्त प्रमाना । तिन्हको भेद न काहु जाना ॥
अंशाहि अंश काहु नहीं देखा । शब्द स्वरूपी सबको पेखा ॥
तेहिके सनद अब कहां समुझाई । जेष्ठो अंश अचित्त है भाई ॥
तिनके प्रेम सुरति घट आई । तेहि प्रेममें मोह समाई ॥
तेहि मोहमें अक्षर उत्पानी । अक्षर जारि वेद सहेदानी ॥
अक्षर तेहि ते चारे भये दीपा । चार अंशने रहे समीपा ॥

बोधसागर

( १२३ )

चार अंश अक्षरते भयञ्ज । सर्वं सृष्टि भंडार ते ठयञ्ज ॥
प्रथम अंशते माया भयञ्ज । शुद्ध बीज पृथ्वी महँ ठयञ्ज ॥
दूसरे अदल अंश निर्माए । रसना सहस्र तिनते निरमाए ॥
तिसरे कुर्म भये अवतारा । जिनसर्वं पृथ्वीको लीनो भारा ॥
चौथे अंश भये धर्मराई । जिन्हें पाप पुण्यको लेखा पाई ॥
चार अंशको देखि भुलाना । तब अक्षर घटमाहिँ समाना ॥
तब समर्थ एक युक्ति बनाई । सातवाँ अंश तब आनि समाई ॥
तेहिंते निद्रा उपजी भाई । सत्तर निमिष युग गयो सिराई ॥
जब लगि निद्रा अक्षरकूँ आई । तब कछु दृश्य रहै ना भाई ॥
सब समर्थ मन शब्द उचारा । तेहिंमो कैल अण्ड भयो भारा ॥
तेहि अण्डमें उत्पति भूपा । नाम निरञ्जन ज्योति सरूपा ॥
तिनते तीन देव भए भाई । यहाँ सब लेहु लखि भाई ॥
सर्वं सृष्टि काल धरि खाई । काल देवको कोई न पाई ॥

साखी-टीकाका

सात सुरति तब मूल हैं, उत्पत्ति सकल पसार ।
अक्षरते सब सृष्टि भई, कालते भये तिछार ॥

चौपाई-धर्मदास उवाच

सांचे सदगुरुकी बलिहारी । धर्मदास विनती अनुसारी ॥
और भेद सर्व हम पावा । आठमी इच्छा कीन्ह निर्मावा ॥
केहि कारणते इच्छा कहाई । अनइच्छा किमि कारण आई ॥
किमिकारणस्वरूपजोकालबनाई । यहाँ अविगति गति कहो समुझाई
साखी-सत्य पुरुष तुम आदि हो, बोलो शब्द रसाल ।
अन इछाको मर्म कहां, जेहिंते उपज्यो काल ॥

( १२४ )

कबीरबानी

चौपाई-सदगुरु उवाच

कहे कबीरसुनो धर्मदासा । सत्य शब्द है हमरे पास॥ जेहिते बुद्ध होय सो इच्छा कहावै । जेहिते नास्ति होय ऐसी अनइच्छा कहावै॥ इच्छा अंकुरकी तन इच्छा हमारी । ते गुणकाल अंश अवतारी॥ बिना कालजीव नहीं डराई । तेहि वर काल रचाहम भाई॥ इच्छामें दया अंश है भाई । अनइच्छा निर्दया कहाई ॥ जीवन सुक्ति कहौ समुझाई । वचन न माने ताहि काल धरिखाई ॥

साखी-कालअंश क्या जन करौ, ताते जीव कालको खेले ।
ऐसेका खेले समान है, ज्यों तिछीमें तेल ॥

चौपाई-धर्मदास वचन

धर्मदास बहुते सुख पावा । उठि सतगुरुसों बिनती लावा॥ उत्पति कारण हम सब देखा । पांजी भेदका कहौ विवेका ॥ पांजी सुरति गुरु देहो लखाई । जेहि मारग हंसा चलि आई ॥ नामप्रताप कहौ समुझाई । जेहिके बल हंसा घर जाई ॥

साखी-धर्मदास विनती करै, जिवरा भयो अनंद ।

आप अपुनको लखि परचो, जब कटे कालको फन्द॥

चौपाई-सतगुरु कहै पांजी भेद

सुनो धर्मदास पांजी भेद प्रकासा॥ जिनसे सुनै है हंस निशवासा॥ पांजी तीन आश है ओगाहा । जो कोई जीव पहुँचे वाँहा ॥ प्रथम पांजी आश है भाई । तहाँ अग्रशब्द चढ़िलोक जाई ॥ सात शून्य दश लोक प्रमाना । अंश जो लोक लोकको शाना॥ नौ स्थान दशमो घर साँचा । तेहि चढ़ि गए जीव सब बाँचा॥ सोरा असंख्यपर लागी तारा । तेहि चढ़ि हंस गए लोक दरबारा॥ दूसरी पांजी लोक कहै भाई । तेहि पांजी त्री देव रहाई ॥ अष्टम दीप बावीसमें अकाशा । तहाँ विष्णु चलिगए तेहि पास॥

बोधसागर

( १२६ )

तिसरी पांजीका भेद अपारा । तुमसो धर्मनि कहों विचारा ॥
पाताल पांजी है जीव उबारा । भजन प्रतापसों उधरे दूबारा ॥
वाचा बंधको द्वार बनावा । तेहि पांजी गुरु भेद बतावा ॥
पांच भेद पाताल विनाशी । ताते काल करै नहिं हाशी ॥
तेहि पांजी जलरंग गुसाई । चौदह मुनि है तिनके ठाई ॥
जलरंग पासको भेजदो पावै । लोकै जात बार नहिं लावै ॥
सोरा लोक सोरा दरवाजा । सोरा अंश तेहि माँहि बिराजा ॥
सोरा अंश चिह्न जो पावै । जाके सद्गुरुनिज भेद लखावै ॥

साखी-तीनि पांजीके निर्णय, तुमसों कहो समुझाय ।

सार शब्द जो पाए तो, छिनमें हंस घर जाय ॥

धर्मदास पूछे मंत्र जो शुद्धा

सत्य सत्य मुख दयाजो कीजै । अपनोके मोहि निज कर लीजै ॥
तुम समर्थ गुरु जत्त के कर्ता । सकल भेद जो निर्णय वार्ता ॥
हम चीन्हा तुम बरन छिपाए । बरन छिपाये तुम जगमां आए ॥
आए तुम समर्थ हो अंतर्जानी । सत्य कहौ हम निश्चय मानी ॥
जो अपना कर जानो मोहीं । तो अपना तत्व बताओ सोहीं ॥
अब तुम कहो कैसे जग आये । कैसे तुम जोलहा कहाये ॥

साखी-एहि सब कारन भाखिहो, सब संशय मिटिजाय ।

अपनो कै प्रतिपाल हो, हंस लियो मुकताय ॥

चौपाई-सतगुरु खुदा होय प्रकटे साखी-खुदबानीकी
सतगुरु बचन बिहँसिके बोले । सत्य सत्य तुम अन्तर खोले ॥
तुमसो अंतर कछू न राखों । सकल भेदकी निर्णय भाखों ॥
कहत बचन प्रतीत न आवै । तजत देह जीव ठौर न पावै ॥
तुम युग बंध होए कोई सेवकाई । तेहि पीछे हम भेद लखाई ॥
धर्मदास करनी निज करिहो । सीस उतार निज आगे धरिहो ॥

( १२६ )

कबीरबानी

बातो साटे वस्तु जो आई । तौ एको जीव विनशि नाजाई॥
चौका करिहो लेहो प्रवाना । तब पुनि कहूँ आप बंधाना ॥
तब नहीं हते खंड ब्रह्मंडा । तब नहीं नदी अठारह गण्डा ॥
तब नहीं सात सुरत उतपानी । तब नहीं कीन्ह सकल सहिदानी॥
तब नहीं कहते अंश और बंसा । तब नहिं कालत्रिगुणको संशा ॥
तब नहिं पांच अण्ड निर्माण । तब नहिं लोकहिं दीप बनाए ॥
अविगतिकी गति काहु न पाई । आप बरन हम रहे छिपाई ॥
तब हम हते हैता नहिं कोई । हमरे मांहे रहे सब सोई ॥
इस पारस सब सुर्त वट दीन्हा । एक बुन्दते सब कछु कीन्हा ॥
नाम बड़ाई अंशको दीन्हा । शुक्ल प्रकार रची हम लीन्हा॥
चारि सुरति हम प्रगट पसारा । पाँचवीं सुरतिहम गुप्त विचारा॥
तुम जिन शंका मानो भाई । हमते करता दूसरे न आई ॥
बरन छिपाय हम जगमें आये । युगन युगन हम जीव मुक्ताये ॥
चारों युग हम पंथ चलावा । सात सुरति काहु भेद न पावा॥
अब हम कीन्हा प्रगट पसारा । सातों सुरती पाय टकसारा ॥
आठे सुरति सुकृत अवसारा । ताते तुमते ज्ञान पसारा ॥
नौतम तरति घरमें राखी । तिनके भेद हम कबहूँ न भाखी॥
तुम बोधन हम जगमें आये । जाते काल तुम्हें भरमाये ॥
तब हम लोकते दीन्ह पियाना । तुमकारनहमअक्षय अछिपाना॥

मारग भेद सदगुरु कहे

प्रथम सहज सुरति लगि आए । नौतम सुरति हम नाम धराये॥
उन्हसों कहयोहमसत्य संदेशा । सहज अंकुर मानो उपदेशा ॥

सहज पूछ

तब उन पूछा तुमको आज । सत्य वचन तुम कहों कहाऊ ॥

बोधसागर

( १२७ )

सद्गुरु कहैं

तब मैं कह्यो मोर नाम कबीर । मैं समर्थ श्रुति नौतम शरीर ॥
पौन प्रवाना तुम लेहो भाई । समरथ हुकम लेहो शिर नाई ॥
प्रथम चौका सहज दीपमें कीन्हा । सहज सुरतिका अंकपर लीन्हा ॥
तब हम चले इच्छा सुरतिलाए । सत्य शब्द उन्हहीं समुझाए ॥
तौन अंकपर जीव चढ़ावा । मूल सुरतिके दीप चलि आवा ॥
सत्य शब्द तहाँ बोले बानी । मूल सुरतिसों निर्णय ठानी ॥

मूलसुरति पूछै

कहो तुम अस कहाँते आए । के तुम समरथ बरण छिपाए ॥

सद्गुरु कहैं

नाहम समरथसमरथनिशानी । नौतम सुरति पुरुषकी बानी ॥
जीवकाज संसार पठावा । तुमकोसिखाबनपुरुषकोआवा ॥
लेहु पान तुम तजो बड़ाई । पान लेख गुरु होवै सहाई ॥
मूल सुरति का चौका कीन्हा । चले सोहंग दीप पग दीन्हा ॥
तहाँ शब्द बोले निर्वाना । सत्य सन्देशै पुरुष प्रमाना ॥
चौथे चौका सोहंको कीन्हा । सोहं सुरत अंकेपर लीन्हा ॥
चौका चारि अधरपर कीन्हा । चले अचित दीप पग दीन्हा ॥
अचित अंश है रूप उजागर । मानि दीपमणिके आगर ॥
कंचन चरण भूमि उजियारी । मणि आगर मणीन विस्तारी ॥
वहाँ सत्य हम बोले बानी । अंश अचित करो पहिचानी ॥

अचित पूछो

पूछै अचित कहाँ आये । कौन चितावर इहाँ सिधाये ॥

सद्गुरु कहैं

तब हम कह्यो समर्थ पठावा । जीवकाजवरइहाँहमचलिआवा ॥
तुमते समरथ कह्यो सन्देशा । ज्ञान गम्य अरुवच उपदेशा ॥

( १२८ )

कबीरबानी

कौल पान दीन होए लेहौ । तन मन चित समर्थकूँ देहौ ॥
तब अचित लीन्हा परवाना । सत्य शब्द हिरदे हित माना ॥
तब आए अक्षर अस्थाना । महा शून्य माहे होत ठिकाना ॥

अक्षर पूछै

तब अक्षर पूछै विहसाई । कौन अंश तुम कहाँ सिधार्द ॥

सद्गुरु कहैं

तब हम कह्यो मोहे समरथपठावा । जीवकाज इहाँ हम चलि आवा ॥
तुमते समरथ कह्यो संदेशा । ग्यानगम्य गुरु वचन उपदेशा ॥
कौल पान दीन होए लेहौ । तन मन चित समर्थकूँ देहौ ॥
तब अक्षर लीन्हा प्रमाना । सत्य शब्द हिरदे हित माना ॥

अक्षर पूछै

तब आए अक्षर अस्थाना । महाशून्यमाहे ताहि ठिकाना ॥
तब अक्षर पूछै विहसाई । कौन अंश तुम कहाँ सिधार्द ॥

सद्गुरु कहैं

तब हम कही कहाँते आए । जिन एहि सब उत्पानि रचाये ॥
जिन इच्छापर मृष्टिरचि दीन्हा । छाप वचन कौल जिन्ह कीन्हा ॥

अक्षर उवाच

तब अक्षर घट कीन्ह विचारा । तुमतौ आपै सिरजन हारा ॥
इतना भेद हमीं पुनि जान्हा । सोइ निज भेद तुम कहेउ बखाना ॥
सोई छापकी कहाँ निशानी । तब हम जाने सत्तकी बानी ॥

सद्गुरु उवाच

सुनो अक्षर मैं कहूँ समुझाई । वस्तु सिखापन तुमको आई ॥
प्रथममें सृष्टि रचौ फुरमाई । दुसरे कालको लीन्ह बचाई ॥
तिसरे बचन दर्शनको कीन्हा । इतना वचन समर्थ तुम्हें दीन्हा ॥

बोधसागर

( १२९ )

अक्षर उवाच

तब अक्षर दोनों कर जोरी । तुम निश्चय जीवन बंध छोरी ॥
एक वचन मैं पूछो अर्थाई । तुम समर्थको अंश हो भाई ॥

सद्गुरु उवाच

तब अक्षरते कहो ससुझाई । कौल तुम्हारे देन हम आई ॥
तब दिलदया जीवनकी आई । वरणबोधकर छिपि जग आई ॥
समर्थस्वरूपसवजग शिर जाए । गुरुसरूप मुक्ता बनि आए ॥
बचन गहे सो उतरे पारा । बिना वचन डूबै संसारा ॥

अक्षर विनती करै

तब अक्षर निज विनती ठानी । समरथ देहो पान परवानी ॥
हम चीन्हा तुम पुरुषपुराना । जब आए तुम एहि ठिकाना ॥

सद्गुरु कहें

तब अक्षरका चौका कीन्हा । अक्षर सुरत अंकपर लीन्हा ॥
तब चलि दीप झंझरी आए । सत्य शब्द तहाँ बोल सुनाये ॥
गरजै झंझरी पग धरत न जाई । कैल पुरुष बैठो तिहिं ठाई ॥
दोह पालँग सुन्य है अंधारा । चारि कोटि ज्योति उजियारा ॥
झंझरी दीप हम गए मझारी । गर्भित कैल नहीं बिदै बिचारी ॥

निर्जर कहें

को तुम अज धरहोवरियारा । क्यों हम झंझरीमहँ पगधारा ॥
कौन हो अंश कहाँते आए । अपुनो नाम कहो ससुझाये ॥

सद्गुरु कहें

तब हम कही सुनोतुम बानी । योग जीत नाम मोर ज्ञानी ॥
समरथ मांग जीव मुक्तार्ई । तेहि कारण आए तुम्हरे ठाई ॥
इतना कहत कैल दुख पावा । कोधवंत होइ सन्मुख धावा ॥

( १३० )

कबीरबानी

कैल अनन्त भेष धरि लीन्हा । हम सन्मुख बहुयुद्धते कीन्हा ॥
गजसरूप होइ सन्मुख धावा । गही दंत चहुँ बाजु फिरावा ॥
तट फटकार लै पड़े सुंड डारा । भागे कैल तब पैठ पताला ॥
गयो पताल जहाँ कूर्म अवतारा । तब हम चाल तहाँ पग धारा ॥

कैल कहे

विनती करै कूर्म सों जाई । राखो कूर्म मैं तुम शरणाई ॥

कूर्म कहें

तबै कूर्म उठि विनती लाई । को तुम्ह आहु कहाँते आई ॥

सद्गुरु कहें

तब हम कह्यो नाम मोरा ज्ञानी । योग जीत हम अंश प्रमानी ॥
समरथ हुकम जीव उबरण आये । काल फांसते जीव सुत्ताये ॥
झँझरीमाहैं बहुयुद्ध हमसों कीन्हा । भागिके शरण तुम्हारी लीन्हा ॥
जो सिखवन समरथका लेहो । तो कैल हमार आगेकरि देहो ॥

कैल कहे

तबही कैल पुनिसन्मुख आये । आइ ज्ञानी सों वचन सुनाये ॥
सुनो ज्ञानी मोर वचन कोलेखा । अपने हृदय तुम करौ विवेका ॥
समरथ वचन दीन्ह मोहे हारी । मैं पायो लोक संसारी ॥
तबकी बात रहित भइ भाई । अब कसउटी अदल चलाई ॥
सबै अंश भुगते मध्यानी । हम पर कोप भये तुम ज्ञानी ॥
सत्तर युग हम सेवा कीन्हाँ । चौदह भवन बकस मोहिँ दीन्हाँ ॥
जैसी निर्णय हम सुनावो । तैसी सिखावन जानि चलावो ॥

कूर्म उवाच

कूर्म अंश तब बोले बानी । अपनी अपनी करो रजधानी ॥
इतना वचन सुनि लेहु हमारा । माहिँ माहिँ मतिकरो विगारा ॥

बोधसागर

( १३१ )

चौका पानको जीव तुम्हारा । लोक वेदको कैल पसारा ॥
जो कोई करै जोर बरियाई । ताको संग हम नहि है भाई ॥
तब ज्ञानी बहुते सुख पावा । कैल उलटि झँझरिसे आवा ॥

सद्गुरु उवाच

तब मैं धर्मनि संसारहि आवा । तीन देवसों टेर सुनावा ॥
एहि भूले माया अभिमाना । सत्य शब्द उनहु नहि जाना ॥
सुर नर सुनि कोई नहि माने । वेदहि किया सबै लपटाने ॥
युगन युगनमें शब्द पुकारा । जिन चिन्हें भए हंस हमारा ॥
बहुतेक हंस लोकको गयऊ । सत्य प्रती जाके धन भयऊ ॥
खोजत खोजत तुमपे आये । सर्व भँडार तुम्हें खोल बताए ॥
अब तुम कहा हमारो करहू । सोरा सतको चौका विस्तरहू ॥

साखी-सोरा सुतका चौका, एक अंग गुरु सिख होय ।

सदा हजुरी वे रहैं, मिले बिछुरे कोय ॥

सोरठा-जाने संत सुजान, बरंगीके रंगको ॥

समुन्दर बुन्द समान, मर्म कोइ जाने नहीं ॥

छन्द-ज्ञान प्रकासे दीपका, जुगति नाम जिन पाइया ।

सोइ दीप आदि साजिके, सोइ सुरु शीस चढ़ाई ॥

साखी-ब्रह्मज्ञानकी

अगम कोइ चीन्हें नहीं, लोभे ज्योति प्रकाश ।

रसवस जिव बांधे कालसों, फिरि फिरि बांधे आश ॥

चौकाविधि धर्मदास उवाच

धर्मदास तब सोंज मँगाये । कर जोरे उठि विनती लाये ॥

चौका जुगति बतावो सोही । पाँन प्रवाना देहो गुरु मोही ॥

सद्गुरु सम्मुख आसनकीन्हा । चौका पूरि प्रदक्षिण दीन्हा ॥

पान मिठाई नारियर सोपारी । लौंगएलची कपूर विचारी ॥