कबीर सागर (11 भाग संपूर्ण)

( ६ )

बोधसागर

सोरठा-अंजन ज्ञान है सार, रहै नहीं अज्ञानता ।
तेहि गुरुकी बलिहार, मेरी सदा प्रणाम है ॥

चौपाई

प्रथमैं बन्दों सतगुरु पाया । बंदी छोर करहु तुम दाय। ॥
धर्मदास बिन्ती अनुसारा । दया करो दुख भञ्जनहारा ॥
अविगतिकी गतिजाइन जानी । अही दयाल सो कहौ बखानी ॥
वेद शास्त्र सब जगत बखानै । गुप्त तत्त्व कोइ कर्म न जानै ॥
जब लगि वेद भेद नहिं जाने । तब लगि शब्द न हितकर मानै ॥
वेद विचारि भेद जो जाने । सत्य शब्दमें मोहि पहिचानै ॥
जीव जन्तु माया लपटाना । ताते वेद भेद नहिं जाना ॥
करवा चौथ औ होरी पूजै । परम तत्त्व कैसेहु नहिं बूझै ॥
देवी देव बहु पूजा ठानै । सार शब्द हृदय नहिं आने ॥
तीरथ व्रत महाँ तन मन पागै । सद्गुरु शब्द न कबहु लागै ॥
तेहिते सब जग गयो विगोई । जनम काल धरि सबही खोई ॥
तुम सद्गुरु हो मुक्ति के दाता । अगम अपार कहौ विख्याता ॥
सद्गुरु मोहि कहौ समुझाई । जाते मनकी संशय जाई ॥
श्रीकृष्ण गीता जो भापा । सो समर्थ सुनबे अभिलापा ॥
केहि विधि अर्जुन रणमहाँ नयऊ । केहि विधि ताहि मोह पुनि भयऊ ॥
केहि विधिकृष्ण ताहि समझाये । सो समर्थ कहौ भेद बताये ॥

दोहा-हे दयाल बिन्ती करौ, रहौ चरण चितलाय ।
गीता अर्थ भेद सब, मोहि कहौ समुझाय ॥

चौपाई

कहै कबीर सुनहु धर्मदासा । तत्त्व भेद है गुप्त निवासा ॥
वेद भाव संसार पसारा । ताते सृष्टि रच्यो व्यवहारा ॥
बहु व्यवहार रच्यो बहु भांते । जगत सकल भर्मत है ताते ॥
वेदतत्त्व तुम सुनौ सुजाना । अर्जुनगीता कृष्ण बखाना ॥

उग्रगीता

( ७ )

सो मैं तुमसन कथा सुनावों । तत्त्व भेदका मता बुझावों ॥
शास्त्र वेद पुराणन माँहीं । गीता मता तत्त्व जो आहीं ॥
तत्त्व मता जो कृष्ण सुनाया । सद्वर तो कछु अगम बताया ॥
तत्त्व निरतत्त्व दो होते न्यारा । धर्मदास तुम करहु विचारा ॥
जो संशय गीताके होही । सो अब सकल सुनावों तोही ॥
गीताका अब गम्य बतावों । सार शब्दका भेद सुनावों ॥
जहाँ देखौ तहाँ आप निवासा । सबते न्यारा सबमें बासा ॥

समै-तत्त्व मता है गीता, वेद पुराणमें सार ।

ताते अगम अपार है, पूरण शब्द हमार ॥

अथ श्रीभगवद्गीताप्रथमोऽध्यायप्रारम्भः

कवीर उवाच

अब गीता मैं कहौ बखानी । कृष्ण कहा सो अर्जुन मानी ॥
ताते न्यारा शब्द बतावों । तत्त्व माँहि निहतत्त्व लखावों ॥
जब यह सृष्टि भई महि भारा । तेहि मारण हरि मता विचारा ॥
बंधु विरोध कियो हरि जबहीं । कौरों पाण्डु जुरे दल तबहीं ॥
अर्जुन रथ चढ़ि आये तहवां । दोउ दल युद्ध रचो है जहवां ॥
कृष्ण सारथी रथ जब हांका । तासों अर्जुन ऐसो भाषा ॥

अर्जुन उवाच

दोऊ दलमें लै रथ राखों । दूनों देखौ अपनी आँखों ॥
सुनिकै कृष्ण ऐसे ही कीन्हा । दोउ दल बिच रथ राखै लीन्हा ॥
रथ जब दोऊ दलमें राख्यो । भयो मोह अर्जुन अस भाख्यो ॥
ये सब बन्धु हमारे आही । हे प्रभु मैं मारौं कहु काही ॥
भाई चचा भतीजा सारा । कैसे मारौं कुल परिवारा ॥
जहाँ लग देखों दोऊ सेना । आपन कुल मारौं केहि लेना ॥
विधवा होय है सकला नारी । ऐसो दोष लेत को भारी ॥
राज पाट मैं कछू न चाहों । सुखसम्मति कुलधर्म निबाहों ॥

( ८ )

बोधसागर

तीन लोकका राज जो देई । हत्या बंधु तबहु नहिं होई ॥
जो तुम कहो उन अवगुन कीन्हा । छवहु प्रकार भारऊ लीन्हा ॥
तिन्द प्रकारन मारा चाही । तौ यह मोहि दोष नहिं आही ॥
छौमें एक प्रकार जो होई । ताके मारे दोष न सोई ॥

धर्मदास उवाच

तब धर्मदास विनय अनुसारी । छौ प्रकार कवन कह भारी ॥
तेहि प्रकारन मारा चहिये । सो सब स्वामी मोसे कहिये ॥

कवीर उवाच

देखो हत्या को अब बरना । बहु संग्राम किये का सैना ॥
प्रथमें अग्नि देई घर कोई । मारत तासु दोष नहिं होई ॥
दूजे औरको जहर खवावै । हने ताहि कछु दोष न पावै ॥
तिसरे छत्र जो लेई छुड़ाई । राज काजमें पाप न भाई ॥
चौथे नारि पराई लेही । मारे ताहि पाप नहिं तेही ॥
पंचये धन चोरावन आवै । तेहि मारे कछु दोष न आवै ॥
छठये शस्त्र लै मारन धावै । मारे ताहि विलम्ब न लावै ॥
यह अपराध मारिये जोई । मारत हत्या कबहु न होई ॥

अर्जुन उवाच

छ अपराध हमहिंकू लागै । तऊ न हतों कर्म सब त्यागै ॥
मोसों यह अपराध न होई । जो मोकहैं इहि मारि विगोई ॥
अर्जुन धनुष बान गहि डारा । सबका अपने बंधु बिचारा ॥
सब कह कुल परिवार निहारा । उपजो मोह अस्त्र गहि डारा ॥
मुनहु सन्त अर्जुनको विखादा । इह लगि कीन्हो वाद विवादा ॥
अर्जुन मोह सम्पूर्ण भयऊ । कृष्ण अपन मनमत जो ठयऊ ॥
कीजै छल यक मता विचारा । अर्जुन बुद्धि हतौ यहि वारा ॥
ब्रह्मज्ञानते यहि समुझावउ । काल रूप अपने देखलावउ ॥
तब यह मानै कहा हमारा । मारौ फोरि सकल परिवारा ॥

उग्रगीता

( ९ )

कबीर उवाच

धर्मदास यह काल सुभावा । जाके जपन सृष्टि मन लावा ॥
सुर नर मुनि सब छलि २ मारा । कोई न छूटो यह संसारा ॥
ताते सतगुरु शब्द पुकारा । चीन्हो तत्त्व भेद टकसारा ॥
मूरख सत्य शब्द नहि जाने । झूठहि झूठ सदा सुख मानै ॥
परपंजी यह जग को रचना । बिन सतगुरु कोई नाहीं बचना ॥
छन्द-यहि भांतिकै हरि युद्ध ठानो भाव कोई ना लहै ।
सकल बंधु विरोध करिकै तासु को मारन चहै ॥
ज्ञान औ अज्ञान करि भरमाइ डारो चित्तको ।
तबहु मूरख नहीं बूझै देख फंदि उस बरतको ॥
सोरठा-सुन धर्मदास सुजान, शब्द एक संसार है ॥
हंस होइ निरवान, मन बच कै निश्चय गहै ॥

इति श्रीउग्रगीताब्रह्मज्ञानयोगमतकबीरधर्मदाससंवादे

अर्जुनविषादो नाम प्रथमोऽध्यायः ॥ १ ।

अथ द्वितीयोऽध्यायः

श्रीभगवानुवाच

कृष्ण जो मन में मता विचारा । अर्जुन सो पुनि बचन उचारा ॥
तुम काहे मोहै गहि लीन्हा । केहि कारण तुम होहु अधीना ॥
क्षत्री धर्म लाज बढि होई । तुम कह दोष न लैहै कोई ॥
जो तुम जानु सदा ये जीहैं । येई तौ जन्म फेरि फेरि लेहैं ॥
अमर तुमहु मैं नाहीं कोई । फिरि २ आवागवन समाई ॥
मैं हूँ अमर नहीं हौं भाई । हम तुम यहिविधि फिरि २ आई ॥
जब २ पाप प्रगट मोहि होई । धरि अवतार करौं क्षय सोई ॥
जब २ द्रापर आवै भाई । हमतुम यहि विधि फिरि २ आई ॥
कौरव पाण्डव फिरि २ लडि हैं । आपहि आपु मारि कै मरिहैं ॥

( १० )

बोधसागर

तुम्हरो कीन्ह कछु नहिं होई । देखौ ब्रह्म ज्ञान करि सोई ॥
मनमें अहं कबहु नहिं कीजै । को मारै कहु को कह छीजै ॥
आपु जो करता काल कहावै । सोई यह संघार करावै ॥
मनमहँ मोह कबहुँ नहिं कीजै । इच्छा प्रभुकी गहि कर लीजै ॥
शस्त्र लेहु तुम हाथ उठाई । कारण करण करै प्रभु आई ॥
तुम शिर कछु न लागे भारा । अपु ते आप जाय सब मारा ॥
जो तुम कहो जीव सब मरिहैं । जीव अमर फिरि२ अवतरिहैं ॥
मारे मरै न जारे जरई । ताको मोह कहा तैं करई ॥
जो काया सो मन चितलाया । मृतक सदा बनी यह काया ॥
मृतक रूप सदा रहै काया । तेहि कारण तुम करत हो माया ॥
तुम हो अहो युद्ध अति आगर । यहि जगमें तुमही हो उजागर ॥
जो तुम युद्ध करो नहिं भाई । जगमें होइ है तुम्हरी हँसाई ॥
कहि है सबै युद्ध सो डरई । क्षत्रि धर्म तेरो नहिं रहई ॥
अपने कुलको धर्म जो हारै । नर्कवासको सो पगु धारै ॥
जो कुल धर्म सदा प्रतिपालै । स्वर्गवास में सो सुख चालै ॥
अपने धर्म न छाड़िय भाई । काहेको तुम करहु हँसाई ॥
लोग पंच जो निंदा करई । धिग जीवन तोको अनुसरई ॥
तब तो भली बात नहिं होई । महा दोष पुनि लागे सोई ॥
पाप होय मनमें पछिताई । नर्कवास तब रहै समाई ॥
कर्म योग तोहि वाक्य सुनावौ । स्वर्गवास ताते पहुँचावौ ॥
ब्राह्मण क्षत्री वैश्य औ शूद्रा । प्रभु कह छांड़ि भरै सब बोद्रा ॥
नरनारायण देह सवौरा । तबहु न चीन्है मूठ गवौरा ॥
ब्राह्मण कर्म सुनो चितलाई । प्रातः स्नान जपै प्रभु राई ॥
नेम धर्म शुचि संयम करई । सन्ध्या गायत्री चित धरई ॥
ठाकुर सेवा मन चितलावै । कथा कीर्तन करै करावै ॥
मनमें सेवा फल नहिं मांगे । स्वर्गवास पहुँचे सब आगे ॥

उग्रगीता

( ११ )

क्षत्री धर्म कर्म बहु करई । स्नान करै प्रभुको चित्त धरई ॥
यज्ञदान निज धर्म निवाहै । सूरानन नहिं दलहि सकाहै ॥
वैश्यवर्ण व्यापार व्योहारा । नेम धर्म जप तप व्रत धारा ॥
शूद्र वर्ण सेवकाई करई । मन वच कर्म इहै चित्त धरई ॥
सेवा फल है अगम अपारा । आवागमन ते होइ नियारा ॥
एते कुलके धर्म जो कहिये । सदा सर्वदा जो निर्वहिये ॥
यह मारग जो लागा रहई । स्वर्ग वासमें सो सुख लहई ॥
मारग छाँड़ि कुमारग लगै । काम कोधमें तन मन पागै ॥
नर्कवास तेहि कारण पावै । जन्म २ वह योनी आवै ॥
निंदा सकल ताहिकी करई । वाउर वेद ताहि परिहरई ॥
ताते अर्जुन ज्ञान विचारो । ब्रह्म ज्ञान मनमें संभारो ॥
मोह लाजकै वंदन छांड़ो । लैकै अक्ष कुटुम सब वाड़ो ॥
तुम कह पाप पुण्य नहिं होई । कारण करण करावै सोई ॥
साधु संत जो परम सनेही । पाप पुण्यते लिप्त न देही ॥

अर्जुन उवाच

कहैं अर्जुन सुनु पुरुष पुराणा । तिन साधुन कर करौ बखाना ॥
कैसी रहनि रहै वै बोलैं । कैसे बैठै कैसे डोलैं ॥
बोले कृष्ण तब चतुर सुजाना । यहि विधि रहै साधु निर्वाना ॥
स्थिर मन बुद्धि निहकामी होई । पांच पचीसौ रहें समोई ॥
बोले सत्य असत्य न भारै । अभ्यन्तर गति प्रभु कह राखै ॥
सो तो कह दुख सुख नाहिं मानै । दृष्टि माह प्रभु पूर्ण जानै ॥
तत्त्व प्रकृति चापि करि बैठै । जैसे कछुआ पाउ समेटै ॥
सीतल सत्य सहज पगु धारै । बाहर भीतर ब्रह्म निहारै ॥
यह लक्षण संगति कै भाई । इंद्री जीतै साधु कहाई ॥
पूर्ण पक्ष जो अर्जुन करेऊ । रोगी मूर्ख भाव जो धरेऊ ॥

( १२ )

बोधसागर

निह इच्छा रोगी है भाई । मूरख इच्छा नाही पाई ॥
ताकर मैं विरतान्त सुनाऊँ । सकल कामना तोरि मिटाऊँ ॥
मूरख सुगध कछू नहिं जानै । काम क्रोध मन कछू न आने ॥
पुरइन सम वासा है वाको । लिस अंग कछु होइ न ताको ॥
निशिवासर फिरिनाम भुलाई । तेहि कारण भर्मै सब ठाई ॥
रोगी इंद्री जीत कहावै । काम क्रोध नहिं क्षुधा सतावै ॥
पै इच्छा जो अब उठि लैहै । काम क्रोधमें बहु चित दैहै ॥
नाम विहीन दुखी बहु तलफै । खान पान आगे बहु कलफै ॥
ताते पटतर भक्त न भाई । बाधा यम पाटनको जाई ॥
साधु संत की रहनि बतावौ । करनी साखि जो वाक्य सुनावौ ॥
ऐसो रहनि साधु जो होई । जाकी महिमा वरनि न जाई ॥
ताते अर्जुन ज्ञान विचारौ । मनते लोभ मोह गहि डारौ ॥
दुतिय अध्याय इहां लगु कहेऊ । आगे भेद और कछु लहेऊ ॥

कवीर उवाच

कहैं कवीर सुनौ धर्मदासा । यतना कृष्णकीन्ह केहि आसा ॥
छल छिद्रहि कै ज्ञान सुनावै । अर्जुन कह तम गुण उपजावै ॥
जाते धनुष बान संधारै । सब परिवार चुनीचुनि मारै ॥
करता आप जो युद्ध करावै । शिर पाण्डों के भार चढावै ॥
छन्द-काल कर्ता करम करई समुझि देखि विचारिकै ॥
सत शब्द एक सार निर्मल ताहि लेह संभारिकै ।
तीनि गुण सब राखिकै जब जाइकै चौथे मिले ॥
शब्द सुरति लै लोक पहुँचै तबहि हंसा उठि चले ।

सोरठा-ऐसी रहनी हंस, धर्मदास सो अमर है ।

रहै न कबहुं संश, जो नामी नामै गहै ॥

इति श्रीमद उग्रगीतात्रब्रह्मज्ञानयोगमतकवीरधर्मदाससंवादे

अर्जुनकृष्णअशंकयोगो नाम द्वितीयोऽध्यायः ॥ २ ॥

उग्रगीता

( १३ )

अथ तृतीयोऽध्यायः

अर्जुन उवाच

अर्जुन पूछे सुनु भगवाना । निर्मल ज्ञान सुनावो काना ॥
तुम तो कहौ कि युद्ध मचावौ । सब पलको तुम मारि गिरावौ॥
ज्ञान कही कहि मोहि समझावौ । फिरि कुलधर्म मोहि बतलावौ॥
जेहि ते मोर अकाज न होई । मोहि ज्ञान प्रभु दीजै सोई ॥

श्रीभगवानुवाच

कहै कृष्ण सुनु अर्जुन बीरा । तुम तौ क्षत्रिय हो रणधीरा ॥
मारग दोइ ज्ञान हैं भाई । ताते तेहि कहौ समुझाई ॥
निवृत्ति मारग आहि निरासा । सदा ब्रह्ममें रहैं निवासा ॥
तत्त्व प्रकृति लित नहीं होई । सदा रहै निलेपी सोई ॥
नाम विना कछु बात न बोले । मन वच क्रम अंतरपट खोले ॥
निष्कर्मो निर्मल निर्माही । नहिं इच्छा मननाम समोई ॥
जगमें रहै कमल सम भाऊ । ऐसे लित होइ नहिं काऊ ॥
दान पुण्य जो यह कछु करई । ताकर फल मनमें नहिं धरई ॥
दाता भुक्ता प्रभु कह जानै । कर्म धर्म कछु मनहिं न आनै ॥
मारग निवृत्ति साखि जो अहई । महाकठिन मारग तेहि कहई ॥
कठिन विहंगम मारग होई । पहुँचै कोटिन्ह महाँ पुनि कोई ॥
तेहि मारग कोइ चलने न पावै । काम क्रोध मद लोभ भुलावै ॥
पूरण सिद्ध हुवा नहिं जाई । ताते तोहि प्रवृत्ति दृढाई ॥
कुलके कर्म सदा चित धारै । कबहु न छोड़ै लोकाचारै ॥
दान पुण्य जप तप व्रत करई । संध्या तर्पण मन चित धरई ॥
नियम धर्म औ करै जो स्नाना । सवा सुमिरन धारै ध्याना ॥
उद्यम अपने कुलको करई । यह मारग जौ लागा रहई ॥
सो तो कर्मके कश्मल धावै । धीरा तन मन मैल जो खोवै ॥

१४)

बांधसागर

यह पिपील मत कहिये भाई । हरे हरे वह मार्ग जाई ॥
तेहि मार्ग कोइ विघ्न न लागै । कमहि कम धर्म तब जागै ॥
स्वर्गवास पावै सो प्राणी । कबहीं ताको होय न हानी ॥
तासों मैं बहु प्रीति जनावौं । संशय दुख सब दूरि बहावौं ॥
धनसम्पति सुख बहु विधि देऊँ । आपन करि मैं ता कह लेऊँ ॥
ताते प्रवृति अधिक फल भाई । लोकाचार समीप बताई ॥
तुम क्षत्री रणपति हो आगर । गहो धनुष तुम जक्त उजागर ॥
ऐसो कहो जब कृष्ण सुजाना । अर्जुन पुनि पूछो भगवाना ॥
कैसे कर्म लिप्त नहिं होई । कर्म धर्म तुम थापेउ सोई ॥
कहै कृष्ण अर्जुन सुन लीजै । सेवा सुमिरण मैं चित दीजै ॥
करि करि कर्म मोहि सब अपै । कबहुँ न पाप दोष सो डपै ॥
ताके शिर नहिं लागै भारा । सत्य भाव मो ऐसे विचारा ॥
पांच हत्या नित गेही करई । अंध भावते गेही फिरई ॥
नित नित हत्या शिर पर लेही । बांचे जन कोइ परम सनेही ॥
कहै अर्जुन यह हत्या कैसी । गेहीको तिन लागै सौसी ॥
सो तो वनिकै मोहि सुनावौं । दुविधा भावसो मोहि मिटावौं ॥
कहै कृष्ण अर्जुन सुनु वैना । हत्या पंच निरखि कै लेना ॥
प्रथम हत्या जो पीसेपिसाना । दूसर कुट्टे आनि जो धाना ॥
तिसरै बढ़नी जो घर देई । चौथे कलशा भरै जो कोई ॥
पंचये रसोई चूलहा वारै । हत्या पांच जीवहुँ मारै ॥
कहै अर्जुन यहि विनु को रहई । यह पातक कैसे परिहरई ॥
यह पातक जो देह सनेही । कैसे उधरनी इनसो लेही ॥
सुनु अर्जुन जिव कर्म न लगै । नित नित करि प्रभु चरणन पागै ॥
जो कछु करै सो प्रभुके कारण । ताहक दोष न कछु विचारण ॥
करै रसोई प्रभुके नामा । पुनि अपै जल लै सब सामा ॥

उग्रगीता

( १५ )

अंत कार काहैं परसादा । दीन दुखित जो पोषै सादा ॥
ता पाछे ब्रसाद जो पावै । ताको हत्या निकट न आवै ॥
ऐसे कारज प्रभु सनमानै । ताहि दोष नहि वेद बखानै ॥
त्रै अध्याय तोहि सन कहेऊं । कर्म योग परकट कै सहेऊं ॥
कहै कबीर सुनु धर्मसुनि आगर । सत्य सुकृतको ज्ञान उजागर ॥
यह तौ कर्म ज्ञान दृढ़ावै । फल भोगै फिरि योनिहि आवै ॥
निवृति कहै त्रिवृति ले आवै । फिरि फिरि लेके कर्म दृढ़ावै ॥
ताते मैं संसारहि आवा । सत्य शब्द कहि बहु गोहरावा ॥
बूझेगा कोइ सन्त विवेकी । ज्ञान दृष्टि ते सब कछु छेकी ॥
हम तौ तीनि लोकते न्यारा । जो बूझैं सो हंस हमारा ॥
यह रीझै तौ स्वर्ग देह वासा । कर्म भोगि मृतुलोक निवासा ॥

छन्द-धर्मदास मैं कहौं तोसौं सार शब्द जो भेद है ।
हंस मन बच गहैं ताकु पालक ना विछुरार है ॥
विश्वास देखो प्रीति करि मैं निकट प्रकटो तासुको ।
यम फंद शंसा भटी चौथो लोक देख निवासको ॥

सोरठा-अगम भेद है सार, भेद कोइ नहीं पावई ।
उत्तरे भव जल पार, शब्द गहै विश्वास कै ॥

इति श्रीमदुग्रगीताब्रह्मज्ञानयोगमते कबीरधर्मदाससंवादे

कर्मयोगारूढ्यानां नाम तृतीयोऽध्यायः

अथ चतुर्थोऽध्यायः

श्री कृष्ण उचाव

अर्जुन सो अस कहेउ भगवाना । अगम भेद बतावै ज्ञाना ॥
यह गीता काहू नहिं पाई । सो मैं तोसों वाक्य सुनाई ॥
प्रथम मैं गीता सूर्य सुनावा । उन वैवस्वत पुत्र पढ़ावा ॥

( १६ )

बोधसागर

ताकर सुत देवसि जो भयऊ । अपना सुतहि पढ़ाया लयऊ ॥
उन्ह लै सुत इक्ष्वाकुहि दीन्हा । प्रगट फिर काहू नहि कीन्हा ॥
यतिक दिवस जो रहेउ समाई । अब तुम कहैं मैं आनि सुनाई ॥
और ज्ञान यहि सम नहि होई । सुरति लौरति लै देखहु सोई ॥
तब अर्जुन पूछेउ अस बाता । तुम तौ भये यहि युग उतपाता ॥
सूर्य को आदि युग गयऊ । तुम सो गयउ उन्ह ज्ञान पयऊ ॥

श्रीभगवानुवाच

कहै कृष्ण सुनु वचन प्रमाना । जो मैं तोहि सुनावों ज्ञाना ॥
मैं तो सदा रहों जगमाहीं । तुमहु रहौ हमारे पाहीं ॥
जन्म अनेक तेरो चलि गयऊ । जन्म अनेक मेगे पुनि भयऊ ॥
तैं अचेत माया में बंधा । मैं निर्मल जस पूरण चन्दा ॥
जन्म जन्म के गुण मैं जानौ । अपनो तेरो गुण पहिचानौ ॥
आदि अंत सकलौ मैं जानौ । ताते यतना भेद बखानौ ॥
तै है काम क्रोध अधिकारा । नहि बूझै तैं चरित हमारा ॥

अर्जुन उवाच

पुनि अर्जुन अस पूछन लयऊ । कारण कवन जन्म तुम धरेऊ ॥
निह इच्छा तुम अंतर््यामी । काहे आवागमन समानी ॥
तुम्हारे दुष्ट मित्र नहि कोई । कारण कवन जन्म धर लेई ॥

श्रीभगवानुवाच

कहै कृष्ण सुनु परम पियारे । धरणी माँह पाप होइ भारे ॥
बहुत अधर्म होन जब लागे । वसुधा भार मही उठि लागे ॥
जब जब देखौं महि पर भारा । तब तब आनि लेउं अवतारा ॥
जन्म कर्म लै खेलौं जगमें । करि संहार जो रहौं अलग में ॥
मेरी गति मति कोइ न जानै । महिमा चारौ वेद बखानै ॥
होइ निष्कपट जो मोहक ध्यावै । महा अनंद परम निधि पावै ॥

उग्रगीता

( १७ )

जो मोसों कोइ अंतर राखै । कै २ दंभ भक्ति मन भाखै ॥
ता कई काल बहुत दुख देई । दंभी भार बहुत शिर लेई ॥
मैं हूँ तासों अंतर राखौं । कबही तासों निकट न भाखौं ॥
ताते तुम मोहक पहिचानौ । मेरो कहा सदा तुम मानौ ॥
तब अर्जुन बोले अस बानी । मर्म तुम्हार न काहू जानी ॥
करन करावन तुमही स्वामी । केहि कारण पृथ्वी अकुलानी ॥
तुम काहेको मारण आवौ । केहि कारण तुम भार चढ़ावौ ॥
तब अस बोले कृष्ण सुजाना । मर्म आपनो कहौं बखाना ॥
तीनि लोक जो राज हमारा । ताते रचौं खेले विस्तारा ॥
बहुत भांतिकै ख्याल बनावौं । खेलि ख्याल पुनि ताहि मिटावौं ॥
तीनि लोक मैं आवौं जावौं । निर्गुण सगुण जु नाम धरावौं ॥
जो जन भक्ति हमारी करई । मन वच कर्म मोहि चित धरई ॥
तेहि कह महु सहायक होऊँ । उन्हके दुष्टहि मारि बिगोऊँ ॥
सदा रहौं भक्तन हितकारी । तारण तरण है नाम सुरारी ॥
अर्जुन बहुरि जो पूछन लागे । इंद्री जीति सबै गुण त्यागे ॥
करन करावन कहवौ स्वामी । तुम पूरण हौ अंतर््यामी ॥
काहे सेवा पूजा लावै । देवि देवता बहुत मनावै ॥
देव पितरको पिण्ड जो भरई । केहि कारण बंधनमें परई ॥
तीरथ व्रत बहुतै तुम धावै । केहि कारण तुम नाम धरावै ॥
सुनु अर्जुन मैं कहौं बखानी । मेरी मति गति विरले जानी ॥
जग रचना स्थिर नहि पावै । ब्रह्म अज्ञान विराग उठावै ॥
कोइ काहूकी शंक न मानै । आपु आपुमें ब्रह्म बखानै ॥
सब व्यवहार जगतके चाहौं । राज काजमें वोर निवाहौं ॥
तब यह कर्म दृढावौ आई । तौन सृष्टि तुम कस उरझाई ॥

( १८ )

बोधसागर

चारि चरण तब परकट कीन्हा । कर्म धर्मपुनि ता कह दीन्हा ॥
ताते पूजा हम ही थापो । देवन महाँ हम ही आपो ॥
पूजत मोहि देखै संसारा । बहुते भाँति तब पूजा धारा ॥
तीर्थ व्रत जप तप गहि लीन्हा । ताकर फल संसारहि दीन्हा ॥
फल कारण सब जग अरुझाना । देवी देव रहे लपटाना ॥
जैसा करै तैसा फल पावै । दान पुण्य बहुते मन लावै ॥
ब्रह्म ज्ञान विनु मोहि न जानै । ताते चौरासी अरुझानै ॥
आवै जाई जगत मझारा । पशुवा शूकर श्वान सियारा ॥
चौरासी योनीमें फिरई । बडे भाग नर देही धरई ॥
जो कोइ भक्त मोहि न चितलावै । मोक्ष मुक्ति परम पद पावै ॥
मन संकल्प विकल्प ते त्यागै । तब यह पूरण तंतुहि लागै ॥
यज्ञ कर्म सब विधि व्यवहारा । ताते भव जल उत्तै पारा ॥
द्रादश यज्ञ कर्म है भाई । जेहिते महा परम सुख पाई ॥
सो अब तुमसों कहौ बखानी । यज्ञ कर्म करै जो प्राणी ॥
प्रथमें ब्रह्म यज्ञ है भाई । ब्रह्म सउज लै ब्रह्म अपराई ॥
ब्रह्म अग्नि होम ब्रह्म देई । सब विधि ब्रह्म जानिके लेई ॥
दुतिया यज्ञ देव यज्ञ करावै । देवि देवता बहुत मनावै ॥
सब साउज लै होम करावै । यहि विधि जन्म सफल सो पावै ॥
तीसर यज्ञ संयम करु इंद्री । साधै भूख प्यास औ निंद्री ॥
पांच पचीश गुप्त लिये खेले । मनुवा निशि दिन प्रभु सो मेलै ॥
चौथ यज्ञ संयम औ आतम । अभ्यंतर चीन्है परमातम ॥
आतम परमातम जब जानै । यहि विधि भेटै श्री भगवानै ॥
पँचयें द्रव्य यज्ञ जो होई । करि महि रक्षा साधु रसोई ॥
बहुत भांतिकै साधु जेवावै । तेहि पीछे वह भोजन पावै ॥
जस कीरत होवै संसारा । ताकी गति वैकुंठ सवारा ॥

उग्रगीता

( १९ )

छठये यज्ञ तपस्या भाई । आगिल जन्म राज कर पाई ॥
सतयें यज्ञ योग जो साधै । आसन मूल पवन अपराधै ॥
पूरण योग होइ जो कोई । काल त्रास कह जाने सोई ॥
जब लगि चाहे काया राखै । फिरि जन्मै तो योग अभिलाषै ॥
अठयें योग यज्ञ अधिकाई । गीता कथा पाठ करै भाई ॥
पोथी पढ़ि गुरु मारग गहई । सो भवसागरते निर्वहई ॥
नवयें ज्ञान यज्ञ है भाई । ज्ञान ध्यानमें रहै समाई ॥
दशयें यज्ञ जो प्राण पयाना । यह नारम जो रहै लपटाना ॥
एकादश है संयम सारा । सूक्ष्म भोजन करै जेवनारा ॥
देहीको मिथ्या करि जाने । प्रभु पूरण अन्तर पहिचानै ॥
द्वादश यज्ञ विधि नाम कमावै । योग युक्ति सब जानि जो पावै ॥
यहि विधि द्वादश यज्ञ हैं भाई । जो कोई करै परम हित लाई ॥
सो भावसागरते तरि जाई । विष्णुलोकमें जाइ समाई ॥
अर्जुन तुम तौ भक्त हमारे । बहुत उजागर प्रेम पियारे ॥
माया मोह चितते तुम डारो । धनुष बाण तुम वेगि सम्हारो ॥
चतुर्थाध्याय कहेउ तुम संगा । यज्ञ योग नाम सब अंगा ॥

कबीर उवाच

धर्मदास तुम संत सुजाना । सत्य शब्दका मर्म जो जाना ॥
यह तो धर्म कर्म व्यवहारा । कहा करै जिन शब्द संभारा ॥
शब्द इमार भेद टकसारा । जो बूझै सो उत्तरे पारा ॥
मुक्ति होइ सत्यलोक सिधावै । तीनि लोक बंधन मुक्तावै ॥
तीनि लोक जग आवागवना । अधर लोक है सतगुरु भवना ॥
इच्छा रूप फिरै जन मुक्ता । जहाँ पुरुष समीप संयुक्ता ॥
तहैं कर वर्णन कहा बखानों । गूँगेको सपना सम जानों ॥

( २० )

बोधसागर

छन्द-लोक उपमा कहा दीजै जगतमें कछु नाहिं हो ।
पुरुष पटतर कहा दीजै ससृजियों मन माहिं हो ॥
नदी अठारह गण्डका रेणुका भरिपूर हो ।
पुरुष शोभा अग्र आभा एति सूर्य झूर हो ॥

सोरठा-पुरुष रूप अपार, कहतै शोभा ना बने ।
चीन्हो शब्द हमार, जेहिते पुरुष परसि हो ॥

इति श्रीमदुग्रगीताब्रह्मज्ञानयोगमते कवीरधर्मदाससंवादे

द्वादशयज्ञव्याख्यानो नाम चतुर्थोऽध्यायः ॥ ४ ॥

अथ पञ्चमोऽध्यायः

श्रीकृष्ण उवाच

अर्जुन तुम हो भक्त हमारा । तुम्हरो काज करौ मैं सारा ॥
ज्ञान ध्यानमें मन तन देहू । निशिवासर सुमिरनकै लेहू ॥
ज्ञानवन्त जो है तत्त्वज्ञानी । तिनकी महिमा अवर न जानी ॥
हर्ष शोक जाके नहिं होई । काम क्रोध सो लिप्त न सोई ॥
कर्म करै करता न कहावै । अभ्यन्तर मारग चितलावै ॥
इंद्री आपु आपु सुख चाहै । ताके कबहुँ निकट न बाहै ॥
इंद्री कर्म सदा होय भाई । ताके लिप्त न होवे भाई ॥
तिनसों कर्म करै जो कोई । परमात्म कह लाग न सोई ॥
सम दृष्टी होय सर्व निहारै । सर्व योनिमें ब्रह्म विचारै ॥
ऐसो जो कोइ प्राणी होई । जीवन मुक्त कहावै सोई ॥
काम क्रोधमें यह जग बंदा । ज्ञान न उपजै मूरख अंधा ॥
निशिदिन ताहि मोह भरमावै । बहुरि बहुरि पाछे पछितावै ॥
नारी सुत हित बन्दन लाया । धनसो मन जो बहुत लगाया ॥
अंतकाल कोइ काम न आवै । होइ बिछोह पाछे पछितावै ॥
अन्तकाल जब संकट आवै । कालके हाथ सो कौन बचावै ॥

उग्रगीता

( २१ )

रोवै बहुत भांति तेहि कारण । सुये न जीवै बहुत पुकारण ॥
प्रभु हिरदय नहिं सूरख जाने । मृतक आशा लागि भुलाने ॥
मृतक रोवैं भला न मानै । फिर यमराजा संकट ठानै ॥
लोगन घरतै बाहर कीन्हा । की जारै की माटी दीन्हा ॥
मृतक रूप बनी यह देही । करि ले प्रीतम प्रेम सनेही ॥
जगके बन्धन जगमें छूटै । बहुत त्रास तेहि यम धरि लूटै ॥
इन मों कहा मोह चितलाया । प्रभु इच्छा नहिं सूरख पाया ॥
काकर पिता पुत्रको होई । नारी सुत हित लागे सोई ॥
ता कारण यह दुख सुख मानै । अज्ञानी नहिं प्रभुको जाने ॥
कबहु न सुमिरण प्रभुका करई । निशिदिन ज्ञान ध्यान परिहरई ॥
ताते बहुत भांति दुख पावै । प्रभुकी शरण न कैसेहु आवै ॥
यह तौ लक्षण जग व्यवहारा । ताते बूड़े मूढ गवौरा ॥
अर्जुन कर्म योग है नीका । संशय मेटो सकलौ जीका ॥
कर्म करै शिर अपने लेई । कारण करतामें चित देई ॥
आपन कर्म धर्म नहिं छोडै । दुख सुख प्रभु इच्छा शिर वोडै ॥
सदा अनन्द रहै सुख बासा । अन्तकाल वैकुंठ निवासा ॥
क्षत्रिय धर्म तोहार जौ होई । करौ संहार शत्रु पुनि सोई ॥
तुम्हारे लरे सबै कोइ लगि हैं । ना तो निंदा तुम्हरी करि हैं ॥
धर्म छांड़ि जनि पातक लेहू । युद्ध करनको मन चित देहू ॥
कर्म संन्यास पञ्च अध्यायी । अर्जुन सुनि मन दुविधा आयी ॥
युद्ध करो की ज्ञान विचारौ । केहि विधि अपनो जीव उबारौ ॥

कबीर उवाच

धर्मदास यह काल तमासा । तासो चाहै मुक्ति निवासा ॥
ज्ञानी अज्ञानी भरमावै । धर्म अधर्म दोष ठहरावै ॥
धर्म अधर्म काल की पाशा । ताते न्यारा शब्द प्रकाशा ॥
कर्म अकर्म मध्य है सोई । तुम जाने जाने सब कोई ॥

( २२ )

बोधसागर

सद्गुरु संधि लखै को पारा । निराधार है अधर अधारा ॥

छन्द-गमि अगमि सद्गुरु लखायो निअक्षर सो पास है ।

कली फूलैं बास धावै ऐसो शब्द निवास है ॥

फूल तिल जब संग कीन्हों सुवस बासा तब भई ।

हंस बासा शब्द लीन्हो शब्द रूपी सो सही ॥

सोरठा-शब्द मता है सार, सुर नर सुनि जानैं नहीं ।

अंधा अध अचेत, अंधेरे न सुरति आने नहीं ॥

इति श्रीमदुभगीताब्रह्मज्ञानयोगमते कबीरधर्मदाससंवादे

कर्मसंन्यासग्याख्यानो नाम पंचमोऽध्यायः ॥ ५ ॥

अथ षष्ठोऽध्यायः

श्रीकृष्ण उवाच

छठे अध्याय ध्याय है योगा । सुनु अर्जुन मैं कहौ संयोगा ॥

जब लगि ध्यान योग नहिं करई । तब लगि निर्मल चित नहिं करई ॥

ध्यान योग योग निजु साधै । मन वच कर्म नाम अवराधै ॥

मन संकल्प विकल्प न जाके । दीन वचन कठोर न ताके ॥

निस्तरंग कछु उठै न इच्छा । सबमें पारब्रह्म उत पेच्छा ॥

पांच पचीश न कबहूँ धावै । निशिबासर प्रभु संग रहावै ॥

पांचौ इंद्रिय लिप्त न होई । ऐसे साधु विरले कोई ॥

गृहस्त जीवन में बासा लेई । उत्तम ठौर कुटी कर देई ॥

मानुष तहां दृष्टि नहिं आवै । आसन उत्तम तहां बिछावै ॥

प्रथम धरणी पर धरे मृगछाला । तापर कुश साथरी रसाला ॥

तेहि पर बैठे हठ करि आसन । कैसो भांति न होइ उदासन ॥

खंभा सम आसब हठ आसन । सुरतिनिरति ले नाम संभारन ॥

जो यतने में आतम दरसइ । सो ज्ञानी प्रभु पूर्ण परसइ ॥

ऐसे जो कोई ध्यान लगावे । बहुरि योनि संकट ना आवे ॥

उग्रगीता

( २३ )

साधै निद्रा हार व्यवहारा । बहुत न मूदे नैन उघारा ॥
संयम कै सो साधन करई । सो साधू आपहि निस्तरई ॥
मन कह ज्ञान ध्यान में राखै । सुरति निरति सो अमृत चाखै ॥
जो मन अन्त न धावा चाहे । घेरि घेरि अभ्यन्तर बाहे ॥
तब अर्जुन अस पूछन लागे । यह मन चञ्चल पल पल भागे ॥
यह तौ काहू जाइ न पकरा । कौन उपाय जाइ मन जकरा ॥
गगन वाइ जो गर्जत आवै । कैसे गगरी माहि समावे ॥
यहि विधि मन चञ्चल यह भाई । तौ कैसे यह पकरन पाई ॥

श्रीभगवानुवाच

कृष्ण अर्जुन सो कहेउ बुझाई । ऐसे चञ्चल अस्थिर भाई ॥
जो यह मनको साधन करई । अभ्यन्तर लै फिरि २ धरई ॥
चारों दिशा चलन नहि पावै । जबै चलै तब माह समावे ॥
पारब्रह्म देखै तब नेता । दोई अनन्द परम सुख चैता ॥
दीन दुखित कह दाया करई । अपनासा दुख चितमें धरई ॥
दया भावसो हितकर बोले । तूस करै साधुन कह सो ले ॥
परका दुःख नेवारै सोई । ऐसी भक्ति परम गति होई ॥

अर्जुन उवाच

अर्जुन कहै सुनु कृष्ण सुरारी । तारण तरण भक्त हितकारी ॥
ऐसा साधु कोइ ना देखा । आपनसा दुख सब कहपेखा ॥
आपन सुख चाहे सब कोई । औरन दुःख होय सो होई ॥

श्रीभगवानुवाच

अर्जुन जो है परम सनेही । आप निकरि नहि जानहिदेही ॥
पर सुख कारण आपु निरासा । दुख सुख देखै सकल तमाशा ॥
भक्ति करै जो मन चित लाई । ताते परम पदहि में जाई ॥
निर्गुण साधु जो पूर्ण ज्ञानी । ताकी महिमा वेद बखानी ॥
वेद पुराण ते अधिक है सोई । ताकी पटतर वेद न होई ॥

( २४ )

बोधसागर

वेद भाव संसार पसारा । परमभक्ति है अगम अपारा ॥
तुम हू भक्ति करौ मन लाई । छांड़ौ माया मोहहि भाई ॥
छठौ अध्याय इहां लगु कहिया । आतम संयम योग जो रहिया ॥

कबीर उवाच

कहै कबीर यह आतम जानी । इतने अधिक बखानों ज्ञानी ॥
धर्मदास तुम ज्ञान उजागर । तुम तौ बसि हौ सुखके सागर ॥
यह करनी जो कृष्ण बखानी । यह विधि धरै आतम ज्ञानी ॥
मैं तो ज्ञान अगम तोहि दीन्हा । काल कर्मको पापउ चीन्हा ॥
ताते हंसा हट करि लेऊ । अगम अगोचर दीन्हेट भेऊ ॥
यह मन चञ्चल थिर नहि होई । कैसिहु विधि जो चाहे कोई ॥
ताकी विधि मैं प्रगट सुनाऊँ । मनुवां इस्थिर करि दिखलाऊँ ॥
यह मन पानी रूप सरूपा । बुद्धि धाम पृथ्वी कर रूप ॥
चित जो वाइ सरूपी होई । अहं अज्ञानी रहै समोई ॥
पानी मही बराबरि भाई । चित्त पवन लै आहु उठाई ॥
ज्यों २ पवन चले झक झोलै । त्यों२ मनुवाँ चहुँ दिशि डोलै ॥
ताते यह उपचार सुनाऊँ । मनुवाँ कह अंतर ठहराऊँ ॥
मनु पावना लै त्रिकुटी लेखै । अक्षर सुरति अमीरस चारै ॥
जौ लौ पवन रहित नहि होई । तबलगिमनअस्थिर नहि सोई ॥
गगने पवन रहै पुनि भाई । त्रिकुटी गागरि लेइ समाई ॥
पानी पवन संच जब होई । ब्रह्म अग्नि उपजावै सोई ॥
मन औ पवन होइ जब मेल । परम पुरुष ते होइहि मेल ॥
ना कहुँ आवै ना कहुँ जाई । तब यह मनुवां सहज समाई ॥
छन्द—चलत मनुवाँ अचल कीन्हो पवन अस्थिर जब भई ।
मन पवन जब मला भया अमृत धारा बर्षही ॥

उग्रगीता

( २६ )

जिन्है सतगुरु शब्द मिलिया अमी सो हंसा पिया ।
अजर अमर शरीर पायो बास सुख सागर लिया ॥
सोरठा-संत करो विवेक, शब्द सार गहु बूझिकै ।
सुरति निरति सो देख, सतगुरु शब्द अपार जो ॥

इति श्रीमदुग्रगीताब्रह्मज्ञानयोगमते कबीरधर्मदाससंवादे

आत्मसंयमयोगो नाम षष्ठोऽध्यायः ॥ ६ ॥

अथ सप्तमोऽध्यायः

श्रीकृष्ण उवाच

कृष्ण कहैं अर्जुन सुनि लीजै । भक्ति हमारी मन चित दीजै ॥
सतये अध्याय जो तुमसों कहउँ । भक्तनमें हितकारी रहउँ ॥
मैं ही करौं करावौं भाई । तीनि लोक जहँ लगि निर्माई ॥
मैं संधारौं मैं प्रतिपारौं । चौदह भुवन पलकमें टारौं ॥
जहँ लगि पशु पक्षी जिव होई । मैं सबही मैं रहौं समोई ॥
दानपुण्य आदिक सब माहीं । बनज व्यापार करै सब पाहीं ॥
देवी देव सकलौं मैं सब ही । भवसागर सकलौं जग हम ही ॥
तीनि लोकमें विजय मैं सारौं । जब चाहौं तब बेर संधारौं ॥
करौं संधार सृष्टि पुनि सोई । रहौं अलेप निरंजन होई ॥
सगुणते निर्गुण मैं होइ जाऊं । फिर चाहौं सगुण होइ जाऊं ॥
सगुण औ निर्गुण रूप हमारा । जहिंते सृष्टि रच्यो व्यवहारा ॥
अर्जुन सबमें मोही जानो । कहा हमारा निजकै मानो ॥
चारि प्रकार भक्ति जो होई । तामें ज्ञानी अधिक सो होई ॥
रोग दुःखमें भक्ति जो करई । दुख कारण जो मोहि सुमिरई ॥
दीन दुखी निशिदिन लव लावै । कब प्रभु मोकहैं भोग भोगावै ॥
द्रव्य चहै जो द्रव्यहि स्वारथ । ज्ञानी चाहै मुक्ति पदारथ ॥