भक्ति सागर ग्रन्थ: सन्त चरनदास (अष्टांग योग, धर्म-संवाद एवं सम्पूर्ण भक्ति रस महाकोश)

५२२ श्रीस्वामीचरणदासजीकाग्रन्थ ।
इक ठाढ़ी तिह ठांव लाल घूंघट किये ।
अतिही ब्याकुल (चित्त) अंग बहुत चिन्ताहिये ॥
मन मेंअधिक उदास उसासें दुख भरी ।
भेद न काहू देत लखै सब तन खरी ॥
कहै एक इह भांति जो श्याम दिखावई ।
मेरे सबही अंगके भूषन पावई ॥
छोटी कहत सुनाय हमें उचकावहो ।
अपनो श्याम सुजान नेक दिखरावहो ॥
बड़ी बड़ी जे नार सोई सुख पावई ।
हम नान्हीं क्यों भई यही पछतावई ॥
लालता अति परवीन सखिन के संग में ।
आई छवि सोँरँगी प्रेम के रंगमें ॥
दरशन कर सुख पाय पाय कों गह रही ।
पुरातन प्रीति जनाय चुंहटिया भरलई ॥
ताकत नैन निहार धीर नाहीं धरे ।
कर ललचोहैं नैन लजोहैं रस भरे ॥ १५ ॥
चंद्रावलि तिंह भांति आई छवि धारकै ।
पाँयन लायो सीस सरूप निहार कै ॥
भाल चरन घस होठ लगाये पाय कै ।
चांपो हरि को पांय सुदांत लगाय कै ॥
मीठी काटन काट सनेह बढ़ाइया ।
पाछै तरवा चाट के प्रेम जनाइया ॥
तब श्रीराधा कुँवरि चली हरि दरसकों ।
मिल सखियन के झुण्ड श्याम घन परस कों ॥
राधा विरह वियोग तपत परबल भई ।

कुरुक्षेत्रलीलावर्णन । ५२३
लहुकत कँपत सब गात जु हरिके ढिग गई ॥
तस नीर दोऊ नैन ढुरै धरती परै ।
घूंघट में अकुलाय तरफ फटकी मरै ॥
ते अँसुवा की बूंद परी द्वे आय के ।
मानों चिनगी आग परी हरि पाय पै ॥
कीनों श्याम विचार कौन यह विरहनी ।
तस इतीतन माहिं विपता हिये घनी ॥१६॥
चरन छुवें हग नीर सीतल सलता वही ।
इन लछन जानी कुँवरि राधा यही ॥
दुरदुर हरि के पांय परै बल्हाइयां ।
मुरमुर बारम्बार वारनै जाइयां ॥
उतेरही गह पांय प्रीत अधिकार सों ।
सीस उठायों नांहिं न देह संभारसों ॥
मन में हरि तिय चरन कों सीस निवावई ।
मस्तक दे वाही ठोर न फेर उठावई ॥
जब इह भावना भाव श्याम मनमें धरो ।
तब हरि पगतें कुँवर शीस न्यारो करो ॥
अंतर जामिन कुँवर जान हरि जीय में ।
सोरह सहस रनिवास बिसारो हीय तें ॥
मन में निश्चय धार यही हरि जानियां ।
सब रानिन सिरमौर कुँवर उर आनियां ॥
अति व्याकुल सब अंग परी मुरझाय कै ।
यह गत देखी लाल लई उठि धाय कै ॥१७॥
अति अचेत सुध नाहिं बदन पियरी परी ।
अंग आवत परसेव होत सियरी खरी ॥

५२४ श्रीस्वामीचरणदासजीकाग्रन्थ ।

जब केहू सुध आय चेत तन जागिया ।
अति गहबर हिए होयके हुलकी लागिया ॥
सखियन यह गत देख उरहनौं बहु दियो ।
डरप सकुच मन माहिं कुँवरि घूंघट कियो ॥
योंही दाऊ बलदेव लैन हरि आइया ।
बाहन नाना भांति संगही ल्याइया ॥
जथा जोग सब लोग मिले अति चाइसों ।
आनँद उर न समाय प्रीति के भाइ सों ॥
नन्द जसुधा माय दोउ बिनती करें ।
अब हम दरशन पाय इहां तें ना टरैं ॥
पुत्रन एसो बिचारन और बिचारिए ।
चरनन संग जो लागन मार बिडारिए ॥
हम ह्याही रहजाहिं न तुम्हरो खांहिगे ।
तुम्हते न्यारे होत तभी मर जांहिगे ॥१८॥
गइयां हूं बिन दूध सूख भई दूबरी ।
आतुर हैं हरि दरस करन सेब ऊबरी ॥
कहै हमारी बात पशुन की को कहै ।
अन्तरगत की पीड़ हमारी को लहै ॥
क्यों हमकों गोपाल दयाल बिसारिया ।
काहे पशु की जौन में हमकों डारिया ॥
यह कह गइयां सिमट घरेराही दियो ।
जित तित तें मिल आय अरेराही कियो ॥
करकें ऊंची नार कान नोरावंही ।
आपन दौरत और बच्छन दौरावहीँ ॥
देखत हरि को रूप मचल सी सब गई ।

कुरुक्षेत्रलीलावर्णन । ५२५
मनमोहन कर प्रीत अंक में भर लई ॥
हित कै फेरत हाथ पीठ और देह पै ।
हेरत हरि को रूप सबै अति नेह कै ॥
लै लै उनको नाम जु श्याम बुलावई ।
देख दूवरो गात आंसू भर आवई ॥१९॥
गायन नांते कहत श्याम बहु प्रीति सों ।
हरषत सगरे लोग देख इह रीत को ॥
नांतिन घूमर गाय की यह खञ्जन भली ।
जिन सुख दीन्हो मोहिं बहुत हमसों हिली ॥
बेटी काजर गाय की धौरी जानिए ।
धौरी की सिरमौरी सुता पिछानिए ॥
ब्रजवासिन को प्रेम सबन सों आगरो ।
चरणदास भागोत में देख उजागरो ॥
कही न कैहूँ जाय श्याम की गुन कथा ।
जैसे सो त्यों मिले सकल जीवन जथा ॥
द्वारा बासी लोग सकल अचरज करैं ।
देखत रस संजोग हिये आनन्द भरैं ॥
बलदाऊ और श्याम चले आनन्द सों ।
ब्रजबासी ले संग सुतारे चंद ज्यों ॥
वाहन नाना भांत सब तहां आढ्या ।
राज तेज की चालसों ठाठ चलाइया ॥२०॥
हेम छरी कर मांहिं जुरत नजराइया ।
ते राजन के गात पौरयन लाइया ॥
ब्रजबासी सब लोग जु पहुंचे आय के ।
उतरे सबही जाय निकट जदुराय के ॥

३२६ श्रीस्वामीचरणदासजीकाग्रन्थ ।
अज्ञा दई घनश्याम न काहू रोकियो ।
भीतर गये ब्रज लोग अधिक हरषो हियो ॥
बिछै बिछौना बहुत जु नाना भांति के ।
तहां दीन्हें छुटकाय हितू जदुनाथ के ॥
देवी और बसुदेव जु मिलबे कों चले ।
नंदहु अरु बसुदेव दोऊ प्रीतम मिले ॥
नैनन नीर प्रबाह नही थांभोथमै ।
जसुमति देवी देख लोग रोवत सबै ॥
सुनो देवकी बात जु सांचीहों कहूँ ।
लाख करो नहीं जांव सदा ह्याईं रहूँ ॥
जथा जोग सब लोग मिले उठ धाइकें ।
मुदित भये मन मांहि दरस हरि पाइकें ॥२१॥
कहें श्री बसुदेव सुनो नंदराय जू ।
तुम्हें मिले सुख होय सकल दुख जाय जू ॥
कीन्ही कृपा अपार बहुत उपकार में ।
तुमतें उरन न होंहिं कभू संसार में ॥
राम कृष्ण अभिराम तुम्हीं हमकों दिये ।
तुम्हरेही परताप सों ए राजा भये ॥
सब गोपी ब्रजबाल देवकी पग परी ।
कुँवरि राधिका जान तभी अंकों भरी ॥
राधा अपनों सीस जु पायन पै धरो ।
देवी पकरी बांह करो सनमुख खरो ॥
ठोडी गह जब रूप - अनूपम देखिया ।
सब रानिन के रूप को राजा पेखिया ॥
अपने मन के मांहि तबे देवी कही ।

कुरुक्षेत्रलीलावर्णन । ५२७
हरिपै कैसी भांति सु यह छोड़ी गई ॥
तिंह ओसर सब बोल बहू देवी लई ।
जसमत मिलबे काज सबै धाई गई ॥ २२ ॥
श्रीरुक्मिन परबीन जु दुलहिन रस भरी ।
ब्रज दूलह सों आय यही बिनती करी ॥
हों करहों चितलाय हमारे मन यही ।
श्रीराधा सनमान श्याम सों यों कही ॥
आज्ञा दई घनश्याम संग ले जाइये ।
श्रीराधा संजोग सों आनंद पाइये ॥
श्रीरुक्मिन परबीन जु राधा ढिग गई ।
बांह पकर हंस भेट उठाकै संग लई ॥
अपनी ओट छिपाय राधकै ले चली ।
कापै बरनी जाय घूंघट की छबि भली ॥
रुक्मिन ऐसी भांत कियो रस प्रीत सों ।
ज्यों हरिजूं के साथ प्रेम परतीत सों ॥
रुक्मिन की किंह भांते बड़ाई को कहै ।
सुखदाई घनश्याम को सुखदाई वहै ॥
हरिजूं की रुचिजान बहुत ही सुख दियो ।
सखी सहेलिन सहित अधिक आदर कियो ॥ २३ ॥
एक एक ब्रजनारि रूपकी आगरी ।
निरख अचंभो थकित रही सब नागरी ॥
सुख देबे कों श्याम तहां पग धारिया ।
हरखत आये प्रेम प्रीति बिस्तारिया ॥
तब सतभामा आदि कहैं रानी सबै ।
हरिजूं हमहिं दिखाव कुँवरि राधा अबै ॥

' or 'व्र'?
Look at the loop: it is identical to the 'ब्र' in 'पतिब्रत' below it!
Wait! Does it have a slash inside?
YES! Look at the loop: there is a diagonal slash inside it!
And does it have a र-फला?
Wait, look at the bottom of the stem: there is a diagonal stroke pointing down-left, JUST LIKE 'ब्र'!
Wait, and what is next to it?
An 'ा' (aa-matra)!
Wait, so is it 'ब्रा'?
Wait, if it's 'ब्रा', what is before it? 'पति'!
"पतिब्रा"?
Wait! "पतिव्रता" -> "पतिब्रा"?!
In Braj poetry:
पतिब्रता is often shortened or poeticized as "पतिब्रता" or "पतिब्रा"?
Wait, rhyming with "जानियां" / "आनियां"?
Wait, no!
Is the next word "आनियां"?
Wait! Look at the word after it:
"आनियां" has:
आ (aa)
न + ि = नि
य + ा + ं = यां!
Wait, if the line ends in "आनियां", what is the word before it?
"जुपतिब्रा"? "जु पतिब्रा"?
Wait, what does "पतिब्रा आनियां" mean?
"पतिब्रता आनियां"?
Wait, what if the letter is NOT 'ब्रा'?
What if it is:
'जुवती'

• कुरुक्षेत्रलीलावर्णन । ५२६
  अपने पतिसों प्रीति सदा बिस्तारई ॥२५॥
  तब राधा यह बात सभी मन में लही ।
  अपनी प्रीत अधिकार सकुच नहीं कही ॥
  यह सुनके-जदुनाथ जु ऐसे बोलिया ।
  सबके नीकी भांत जु हिय दृग खोलिया ॥
  एकै टौना जान सकल जग माहि है ।
  इह सम टौना और दूसरो नांहिं है ॥
  ब्रज भूमि सें एक यहै टौना आइया ।
  सो मैं मूरतवंत तुम्हें दिखराइया ॥
  मनबच करकै मोहिं जु चाहै बस करै ।
  श्रीवृषभानुकुमारि की सेवा चित धरै ॥
  रुकमिन के मनमाहिं जु सुनके आइया ।
  यह टौना बड़भाग सों हमने पाइया ॥
  रुकमिन तन मन-आप कुवर राधै दियो ।
  राधाको मन मुदित प्रीत सों कर लियो ॥
  तबहीं भूषण सरस जु रुकमिन के हुते ।
  पहिरे राधा कुँवर जु मनमाने तबै ॥ २६ ॥
  रुकमिन अपने हाथ भूषण पहिराया ।
  इह बिध टौना डार कै प्रीत बधाइया ॥
  और सखी जे साथ सिंगार सिंगारिया ।
  सतभामा मन माहिं जु कुढ़ कुढ़ हारिया ॥
  अष्टि सुगन्धि मँगाय आपने हाथ सों ।
  ले रुकमिन सब लाये राधिका गात सों ॥
  अतिही शुद्ध संवार जबै भोजन भये ।
  नंद यसोधा पास तबै मोहन गये ॥

५३० श्रीस्वामीचरणदासजीकाग्रन्थ ।
रुकमिन नाना भांति करे बिञ्जन सबै ।
अनगिन स्वाद न जाहिं गिनाए तासमैं ॥
भोजन को जब बैठे हेम के थारही ।
एक और जदुकुलिन एक ब्रज नारही ॥
कपट बचन बहुभांति जु सतभामा कहै ।
मुख मीठी मनचोख अधिक हिये में लहै ॥
कही करो जिन और परोसो लायके ।
दूध दही बहु भाँति मही जु मँगायके ॥ २७ ॥
खोटी जियमें जानि कुढ़ी रानी सबै ।
श्रीराधा सुन बैन जु मुसुकानी तबै ॥
भोजन सुखद कराय कुँवर सुखरास को ।
पौढ़ाई ले सेज सु अधिक विलास सों ॥
अपने अपने गेह सबै रानी गईं ।
रुकमिन राधा साथ करत बातें रहीं ॥
निस भई एसी भांत हिलत और मिलतही ।
सिज्या जोगा जोग बिछाई ललितही ॥
तब हरि अपने आई मन्दर पग धारिया ।
सबको सुख अधिकाइके दुख निरवारिया ॥
रुकमिन राधा कुँवर कूं सेज सुवाइ ही ।
आई हरी के पास पलोटन पाइ ही ॥
पाय पलोटत नींद श्याम को ना परी ।
सुन्दर राधा सेज पै तरफत है परी ॥
रुर्कमिन से कहो श्याम काज इक कीजिये ।
राधा आवत नाहिं नीन्द सुन लीजिये ॥ २८ ॥
हौं तो वाको भेव जीय को ज़ानहूं ।

कुरुक्षेत्रलीलावर्णन । ५३१
बारेपन की टेव सभी पहिचान हूं ॥
जब सोवन की बेर वाह की आवई ।
बहु मेवन के ढेर सुमाय करावई ॥
पै राधा कों नींद नहीं कबहूं परै ।
जब लगही वह पान दूधको ना करै ॥
तातें वाको नींद न कबहूं आवई ।
मो बिन यह सुध और सु को हिय लावई ॥
पाय पलोटत माहिं तबै उठ धाइया ।
रुकमिन राधा सेज पै तरफत पाइया ॥
डार कटोरे माहिं जु दूध पिवाइया ।
हलबल में भली भांत न दूध सिराइया ॥
तातो दूध पिवाय कै आई रुकमिनी ।
दाबन लागी पाय श्याम के दुलहनी ॥
दावन चरन सरोज जभी कर में गह्यो ।
सीतकार कर पाय खैंच हरि जू लियो ॥२६॥
रुकमिन कह्यो तिहकाल कहा हमने कियो ।
सीजुखरी किहकाज खैंच क्यों पग लियो ॥
तातो हो वह दूध पिये तें पग जरे ।
हमरे पायन माहिं अबे छाले परे ॥
राधे पीवे दूध तुम्हारो पग जरो ।
हमसों ऐसी बात अटपटी जिन करो ॥
राधा हमरे ध्यान सदा अभिलाखई ।
निशदिन चरन सरोज हिये में राखई ॥
तातो पीवत दूध पगन ऊपर परो ।
रुकमिन तातें चरन हमारो ह्यां जरो ॥

५३२ श्रीस्वामीचरणदासजीकाग्रन्थ ।
रुकमिन मानी बात जु मनमोहन कही ।
ब्रजबासिन के प्रेम मगन मन ह्वै गई ॥
बहुरि कही हम नाहिं तुम्हें हरि भावई ।
मम हिरदै में चरन कमल नहिं आवई ॥
बोले हरि मम चरन नहीं तुम हीय में ।
निशदिन तो पग बसत हमारे जीयमें ॥ ३० ॥
बोली रुकमिन कुँवर सुनो घनश्याम जू ।
सब सुखदायक नाथ संपूरन काम जू ॥
मन्दर मन्दर भोग सदा भोगत रहो ।
व्याप न सकत बियोग सकल बिध सुख लहो ॥
रुकमिन कों कियो राजी खुसी बहु प्रीति सों ।
राधा की अब सुनों प्रेम की रीति कों ॥
सेज पै राधा कुँवर विरह की बावरी ।
कहत सखिन सों बोल लावरी लावरी ॥
मनमोहन घनश्याम कहां अबतक रहो ।
जो इक छिनहूं होत नहीं न्यारो भयो ॥
ऐसे कह उठ बैठ रही मुरझायकै ।
फिर गिररही इहि भांति तरफ दुख पाय कै ॥
बहुत भांति कही बात सखी समुझावई ।
मन में धारो धीर आवें तो - आवई ॥
इतनेही में आय श्याम पग धारिया ।
पायन खुरको सुनत विरह निरवारिया ॥३१॥
हिलत मिलत भुज मेल ग्रीव में प्रीत सों ।
बृन्दावन के केल करत वाही रीत सों ॥
लागे करन विलास कुँवर संग चावसों ।

कुरुक्षेत्रलीलावर्णन । ५३३
भूले सब रनिवास प्रेम के भाव सों ॥
प्रेम कथा दोऊ और की अस्तुति गावई ।
चरनदास बल जाय प्रेम कछु पावई ॥
भोरभये वह ठांव जु कुन्ती आइया ।
अपने सगरे पुत्र संगही लाइया ॥
तिह सों पूछत श्याम बहुत कुसरात है ।
पायन धारो सीस जु मिलबे की भांत है ॥
कुन्ती भाषत बैन सुनों भगवान जू ।
तुम सम याजग माहिं को चतुर सुजान जू ॥
इतने द्यौसन माहिं कभू नहीं सुध करी ।
दुरजोधन के बैर बिपत बहु हम भरी ॥
हौं यह अपने जीव विचारत ही रहूं ।
तुम भ्रातन को नाथ नहीं भूलत कभूं ॥ ३२ ॥
बोले तब बलराम मात तुम सत कही ।
दुख में होय सहाय हितू बंधू वही ॥
तोपै हमहूं चैन कभू नाहीं रहो ।
जरासन्ध के त्रास समंदबासा लहो ॥
बहुरो भीषम और विदुर ज्ञानी महा ।
बहुते और नरेश सबन दरशन लहा ॥
मिले परस्पर आय सबै घनश्याम सों ।
अस्तुति लागे करन श्याम अभिराम कों ॥
कहत धन्य जगमाहिं यह जादोंबंश है ।
इन सम और न कोय जु हरि को अंश है ॥
जनमें जिनके माहिं कृष्ण गोपाल हैं ।
दरस परस सुख देत सबन प्रतिपाल हैं ॥

५३४ श्रीस्वामीचरणदासजीकाग्रन्थ ।
फिर बोली ब्रजबाल श्याम सेती कहैं ।
आई दरशन काज न्हान सों ना हमें ॥
तुमको लख जदुराज सकल विध दुखगये ।
चार पदारथ आज हमैं प्रापत -भये ॥३३॥
पहिले ऊधो आय जोग समुझाइया ।
तब हमरे मन मांहिं कछू नहीं आइया ॥
अब मोहन मुख देख हिये निश्चै भयो ॥
ऋषिमुनि जोगीश्वरन यह सुखनाहीं लहो ॥
यह सुन बोले श्याम सुनों ब्रजनागरी ।
तुम हो परम सुजान सकल गुन आगरी ॥
जे सुख तुम्हरे साथ जो हमने पाइया ।
गृह वन बहुती भांतसों खेल मचाइया ॥
अब इह संपत माहिं प्रगट जो देखिये ।
सुपने हूं के माहिं न वहसुख पेखिये ॥
सर्व आत्मा रूप हमैं चित में धरो ।
सब जीवन को जीव हिये निश्चै करो ॥
तुम तो सुमरो मोहिं सदा चितलाय कै ।
हम रहिहैं तुम पास प्रीत के भाय कै ॥
आतमही सें रूप आत्मा देखिये ।
यह अध्यातम ज्ञान हिये अवरेखिये ॥ ३४ ॥
समझायो इह भांत सकल ब्रजबालको ।
सुफल जनम जग माहि भजें गोपाल को ॥
कूप रूप संसार सों बाहर ऊबरै ।
श्रीनन्दलाल कृपाल प्रीत डोरी गहै ॥
कहैं गुरु शुकदेव परिक्षत राजसों ।

कुरुक्षेत्रलीलावर्णन । ५३५
श्याम हुते उंही ठांव जु सुख के साज सों ॥
पांडौ पुत्र पवित्र और कौरौं जहां ।
आये दरशन पाय मुदित बैठे तहां ॥
जिनके सुमरन ध्यान सकल दुख भागई ।
आध व्याध कछु पीडन कबहूं लागई ॥
तिन को दरस सुखपरस जु कोऊ जन लहै ।
तिहकी महिमा अधिक रसन कैसे कहै ॥
जितने राजा भूप हुते वह ठाँव ही ।
अस्तुति लागे करन बहुत मन भावई ॥
पर्म हंस है नाम सकल संसार में ।
तुमतें चारों बेद प्रगट जु संचार में ॥३५॥
रक्षा करन धैन विप्र के तुम इहां ।
लीनों है औतार जगत के सांइयां ॥
आदि अन्त और मध्य संपूरन काम हो ।
तुमहीं को हम करत सदा परनाम हो ॥
इहविध अस्तुति करत हुते राजा सभी ।
पातक तज पग परस महा पदवी लही ॥
द्रौपदी रानी बहुर तहां जो आइया ।
जाकी महिमा अधिक सकल जग गाइया ॥
पटरानिन के बीच बैठी इक साथही ।
तिनसों लागी कहन बात इह भांतही ॥
हरि जू जैसी भांत ले आये ब्याह कै ।
सो सब हमरे पास कहो समझायकै ॥
रानी रुकपिन चतुर प्रथम बोली तबै ।
सुनहो द्रौपदीं जान बात हमरी अबै ॥
३६

५३६ श्रीस्वामीचरणदासजीकाग्रन्थ ।
धन्न हमारे भाग आजही लेखिये ॥
सहज ही तुम्हरो दरस नैन भर देखिये ॥३६॥
जो तुम हांसी करो नहीं इह बात सों ।
तो हम ब्याहकी बात कहें भली भाँत सों ॥
देस चंदेरो नगर सकल जग जानिये ।
तहां शिशुपाल नरेश सु प्रगट बखानिये ॥
भई सगाई मोहिं प्रथम ही वाह सों ।
साजी सगरी सोंज भली विध ब्याह कों ॥
आयो वह भूपाल साथ बहु भूपले ।
बांधो कंगन हाथ बहुत हुलसों हिये ॥
कुलकी सारी रीति करी बहु भांति ही ।
मम हिरदे में बसत श्याम दिन रातही ॥
अन्तरजामी लाल हिये की जानकै ।
कुन्दनपुर में आये दीनता मान कै ॥
रथ के ऊपर बैठ गरज कर धाइया ।
सब राजन के अग्रह में हरि लाइया ॥
हरि की सेवा मांहिं बहुत सुख मानियां ।
हम तो अपनो भाग धन्न कर जानियां ॥ ३७।
पुन सतभामा चतुर बात अपनी कही ।
मणि की सगरी कथा बखानी सब वही ।

• : बहुरो अपनो व्याह जामवन्ती कह्यो ।
  जामवन्ती की कथा सबै जिह बिध भयो ॥
  पुन कालिंदी कहत सभी निज काथको ।
  रानी द्रौपदी सुनो हमारी बात को ॥
  हरि चरनन की आशधरी निज हीय में ।

कुरुक्षेत्रलीलावर्णन । ५३७
जलमें कीनों बास प्रीतधर जीय में ॥
इकदिन अर्जुन सहित श्याम पग धारिया ।
पान ग्रहन कर मोहि सकल दुख टारिया ॥
बहुरों बोली चतुर मित्र बिंदा तभी ।
रानी द्रौपदी बात सुनों हमरी सभी ॥
जबतें सुध भई मोहि तभी मन में करो ।
हरिचरणनको ध्यान और चित ना धरो ॥
मम भ्रातन गत मोहि लखी इह रीतसों ।
हरि को दीन्ही व्याह भली विध प्रीतसों ॥ ३८ ॥
हौं अपने जिय मांहि यही इच्छा लहूं ।
औरहूं जन मनमांहिं मैं हरि चरनन रहूं ॥
पुन सीता इह भांति बचन उचारिया ।
सात वृषभ की कथा सकल विस्तारिया ॥
भद्रा कहत सुनाय सुनों रानी द्रौपदी ।
मैं हूं कृष्ण की बात सुनी सरवन सभी ॥
मन में कीन्हों नेम और नाहीं भजूं ।
निशदिन हरि को सेव सदा जिय में सजूं ॥
जान पिता यह बात ब्याह हरिकों दई ।
इच्छा मनके मांहिं सकल पूरन भई ॥
सेवें हरिके चरन सुमन चित लायकै ।
सुभग भाग जिहनार सुफल है आइकै ॥
पुन बोली इहभांत लछमना गुन भरी ।
अपने व्याह की बात सकल बरनन करी ॥
तात हमारे काज स्वयंबर ही कियो ।
मैं हरिचरनन ध्यान हिये में गह लियो ॥ ३६ ॥

५३८ श्रीस्वामीचरणदासजीकाग्रन्थ ।
आये तहां घनश्याम दीन पहिचान कै ।
पानग्रहन कियो मोहि आपनी जानकै ॥
हों दासी घनश्याम की वा दिन तें भई ।
आध व्याध तज सकल बिथा जी की गई ॥
अब तुम देहु असीस मोहिं भली भांतिसों ।
जनम जनम जगदीश सेवों दिन राति हों ॥
बोली राजकुमार बहुरि सुख पायकै ।
सोरह सहस सौ नार सुबचन सुनाय कै ॥
भौमासुर हो दइत हमें बहु दुख दियो ।
हम सबहुन को घेर आन इकठा कियो ॥
चित में गह हरिशरन यही मनसा धरी ।
चरनन को धर ध्यान बहुत बिनती करी ॥
तबहीं पहुंचे आय जगत के साइयां ।
भौमासुर को मार सभी जु छुटाइयां ॥
तबतें सेवा मांहिं नाथ हमकों लियो ।
सब दासिन की दासी हमें सब को कियो ॥ ४० ॥
जो पै कृपा अगाध श्याम हमपर करैं ।
हम रंचक अभिमान नहीं जिय में धरैं ॥
गर्ब करै जो नार कभू घनश्याम सों ।
दुखपावे बहुबार गोपिका बाम ज्यों ॥
प्रेम कथा अति गूढ़ की अस्तुति कहा करूं।
चरनहि दासा होय शीश चरनन धरूं ॥
ब्रजवासिन के भाग बड़े जिय जानिये ।
केहूं बरने न जाहि योंहीं सत मानिये ॥
गृह बन जिनके संगरहै दिन राति ही ।

कुरुक्षेत्रलीलावर्णन । ५३६
कीन्हे बालचरित्र उहां बहु भांति ही ॥
ब्रजबासी नर नारि सकल बिध सुख दिये ।
सकल मनोरथ काम श्याम पूरन किये ॥
पुन सतभामा बोल तभी पूछन लगी ।
सुनहो द्रौपदी बात एक रस में पगी ॥
हम तो अपनी व्याह कथा सबही कही ।
अब तुम भाखो बात हमारे चित यही ॥ ४१ ॥
पांच जनन किह भांति तुम्हें जु बिवाहिया ।
अद्भुत लीला सुनन हिये में आइया ॥
त्तब बोली इह भांति द्रौपदी गुन भरी ।
हमरे तात बिचार प्रतिज्ञा यों करी ॥
फिरत मत्सको बेध जु कोई जन करै ।
द्रौपदी पावै सोई बचन यह ना टरै ॥
देश देश के नृप सबै तहां आइया ।
अपने पुत्र बिचित्र संगही लाइया ॥
धनुष बान निज हाथ तहां सबहुन लियो ।
फिरत मत्स को वेध किहूं नाहीं कियो ॥
अर्जुन अपने हाथ धनुष जबही लियो ।
ताही छिन के मांहि मत्स बेधन कियो ॥
याविध मोहि विवाहि मुदित मन लाइया ।
अपनी कुंती मायकूं शब्द सुनाइया ॥
मात एके बस्तु भली हमने लही ।
बांट लेहु तुम पांच मात ऐसे कही ॥
तातें पांचों भ्रात मोहिं ब्याहो तहां ।
प्रगट देह कर पांच जीव एकै जहां ॥ ४२ ॥

५४० श्रीस्वामीचरणदासजीकाग्रन्थ ।
दोहा ॥
चरनदास बिसवास सों, कही कथा सुखरास ।
पढ़ै सुनै जो प्रीतसों, पावै परम हुलास ॥ ४३ ॥
अष्टपदी छन्द ॥
कहें गुरू शुकदेव परिक्षत राज सों ।
श्री बसुदेव के यज्ञ करन के काज कों ॥
रानी द्रौपदी पास हुतो रानी सबै ।
सुनी सकल की बात जु उन भाखी तबै ॥
गंधारी तिह संग सुभद्रा जानिये ।
कुंती तिनके बीच उहां मन आनिये ॥
सब गोपिन लिये संग जसोधा मायही ।
तिनहुं श्याम की बात सुनी मन लायही ॥
सुन अचरज की बात चक्रत मन में भई ।
हिय में बिसमै होय थकितसी है रही ॥
कहें धन्य ये नार सकल बड़ भाग हैं।
नितप्रत जिनके अंग श्याम संग लाग हैं ॥ ४४ ॥
और सकल ऋषराज सबै तहां आइया ।
मनमोहन घनश्याम को दरशन पाइया ॥
नारद वेदव्यास ऋषन के राजही ।
विश्वामित्र पुलस्त और भारद्वाजही ॥
गोतम और बशिष्ठ सतानन्द जानिये ।
पर्शराम अभिराम शिष्यन संग मानिये ॥
उत्रा अंगिरा और मारकंडे तहां ।
दत्तात्रेय बिचार सकल आये जहां ॥
बामदेव अरु जाग भाग भृगु आइया ।

कुरुक्षेत्रलीलावर्णन । ५४१'
गर्ग आदि बहु नावगिनें नहीं जाइयां ॥
हरि जू तिनकों आप बहुत आदर कियो ।
विध सो पूजा साज परम सुख ही दियो ॥
दोऊ करकों जोड़ जगत के साइयां ।
लागे अस्तुति करन बहुत मन भाइयां ॥
दुर्लभ दर्शन होहिं ऋषिन के जगत में ।
देवन प्रापत नांह बड़ा सी शक्त में ॥४५॥
जनम सुफल अब आज हमारो ही भयो ।
जो हम सहजके मांहि दरस तुम्हरो लह्यो ॥
हरि भगतन के दरस की महिमा को कहैं ।
जनम जनम के पाप छिनक में ना रहैं ॥
जो जन सेवा देव बहुत हितकै करै ।
तिनमें श्रीभगवान नहीं मनमें धरै ॥
महा अधम है सोइ यही मन आनिये ।
मूरख ताहि समान नहीं पहिचानिये ॥
नारायन सब बीच हिये में धारिये ।
सूरज चंद की सेव जु कुछ बिस्तारिये ॥
पृथ्वी जल और पवन अगन आकाश कों ।
देखै इनके बीच सु जगत निवास कों ॥
जो जन ऐसी भांत सों पूजा नित करै ।
सुफल कामना होय जु कुछ इच्छा धरै ॥
याही विध हरि भक्त सकल पहिचानिये ।
हरितें इनको भिन्न कभू नहीं जानिये ॥४६॥
यह नर देही जान अपावन है महा ।
जाको परथम बास नरकही में भया ॥