अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

निर्देशः ] प्रथमं कोशस्थानम् ११
किं१ शास्त्रम् ? इत्याह—अभिधर्मकोशम् ॥ १ ॥
कोऽयमभिधर्मो नाम ?
प्रज्ञाऽमला सानुचराऽभिधर्मः
तत्र प्रज्ञा धर्मप्रविचयः । अमलेति अनास्रवा । सानुचरेति सपरिवारा ।
एवमनास्रवः पञ्चस्कन्धकोऽभिधर्म इत्युक्तं भवति । एष तावत् पारमार्थिको-
ऽभिधर्मः ।
साङ्केतिकस्तु—
क्षणिकत्वात् समूहानुपपत्तिरिति चेत्, न; तद्ग्राहकबुद्धिरूपसमूहकल्पनात् ।
शिष्यशासनाच्छास्त्रम् इति । किं शास्त्रम् इति । किं नामधेयमित्यभिप्रायः ।
अभिधर्मकोशम् इति । अस्य निर्वचनं वक्ष्यते । आस्तां तावदेतत् ॥ १ ॥
अवयवार्थविबोधपूर्वकः समुदायार्थावबोध इत्यवयवार्थं तावत् पृच्छति—
कोऽयमभिधर्मो नाम इति ?
“प्रज्ञामला सानुचराभिधर्मः” इति । धर्मप्रविचयकाले प्रज्ञा प्रधानमिति
मुख्यवृत्त्या प्रज्ञाग्रहणम् । अमलेत्यनास्रवा; मलानामास्रवपर्यायत्वात् ।
सानुचरेति सपरिवारा । राज्ञा समं चरन्नपि भृत्यो राजानुचर इत्युच्यते,
तदनुवृत्तिकारित्वात्; तथेहापि समकालं चरन्तोऽपि तत्सहभुवो धर्मा अनुचरा
एवोच्यन्ते । के पुनस्ते ? चित्तचैत्ता अनास्रवसंवरा जात्यादयश्च चित्तविप्रयुक्ता
इति । ननु च चित्तं चैत्तेभ्यः प्रधानम्, तथा हि—चित्तस्येमे चित्ते वा
भवाश्चैत्ता इति, तेन प्रज्ञैव चित्तस्य परिवारोऽर्हति, न तु चित्तं प्रज्ञायाः,
चैतसिकत्वात् ? अस्त्येतत्; अपि तु धर्मप्रविचयकाले प्रज्ञा चैत्तस्यापि सर्वस्य
कलापस्य राजायते । क्वचित् कश्चिद् धर्मः प्राधान्यमास्कन्दति, तद्यथा—अभि-
सम्प्रत्ययकाले श्रद्धेत्येवमादि ।
अनास्रवः पञ्चस्कन्धक इति । अनास्रवसंवरस्तस्मिन् कलापे रूपस्कन्धः,
या वेदना स वेदनास्कन्धः, या संज्ञा स संज्ञास्कन्धः, चेतनादिजात्यादयः
संस्कारस्कन्धः, विज्ञानं चात्र विज्ञानस्कन्धः ।
एष तावत् इति । तावच्छब्दः क्रमार्थः । पारमार्थिक इति । परमार्थ एव
पारमार्थिकः । परमार्थे वा भवः पारमार्थिकः । परमार्थेन वा दीव्यति चरतीति
वा पारमार्थिकः । साङ्केतिकस्तु सांव्यवहारिकः ।
१. कतमत्—का० ।

१२ भाष्यस्फुटार्थासहितेऽभिधर्मकोशे [ धातु-
तत्प्राप्तये यापि च यच्च शास्त्रम् ।
यापि च श्रुत-चिन्ता-भावनामयी सास्रवा प्रज्ञा, उपपत्तिप्रतिलम्भिका
च सानुचरा। यच्च शास्त्रम् अस्याः प्राप्त्यर्थमनास्रवायाः प्रज्ञायाः, तदपि
तत्सम्भारभावाद् 'अभिधर्मः' इत्युच्यते । निर्वचनं तु—स्वलक्षणधारणाद् धर्मः ।
तदयं परमार्थधर्मं वा निर्वाणं धर्मलक्षणं वा प्रत्यभिमुखो धर्म इत्यभिधर्मः ।
उक्तो' ह्यभिधर्मः' ॥
“तत्प्राप्तये यापि च” इति। प्रज्ञा सानुचरा सोऽभिधर्म इति चात्राधिकृतम् ।
तस्या अनास्रवायाः प्रज्ञायाः प्राप्त्यर्थं साक्षात् पारम्पर्येण वा या श्रुतमयी
चिन्तामयी च भावनामयी च प्रज्ञा सास्रवा, या चोपपत्तिप्रतिलम्भिका सानुचरा
सापि सांकेतिकोऽभिधर्मः । तत्र श्रुतप्रयोगजा

निर्देशः ] प्रथमं कोशस्थानम् १३
इदं तु शास्त्रं कथमभिधर्मकोशम् ?
तस्यार्थतोऽस्मिन् समनुप्रवेशात्
स चाश्रयोऽस्येत्यभिधर्मकोशम् ॥ २ ॥
स हि शास्त्रसंज्ञकोऽभिधर्म एतस्मिन्नर्थतो यथाप्रधानमन्तर्भूत इत्येत-
च्छास्त्रं तस्य कोशस्थानीयं भवति ।
अथवा—सोऽभिधर्म एतस्याश्रयभूतः शास्त्रस्य, ततो ह्येतन्निराकृष्टम्,
अतः स एवास्याभिधर्मः कोश इत्येतच्छास्त्रमभिधर्मकोशम् ॥ २ ॥
प्रादयः' ( पा० सू० २. २. १८ ) इति तत्पुरुषसमासः । ननु च “लक्षणेनाभिप्रती
आभिमुख्ये” ( पा० सू० २.१.१४ ) इत्यव्ययीभावः प्राप्नोति ? यदा ह्यभि-
लक्षणेन सह समस्यते तदाव्ययीभावः, तद्यथा—अभ्यग्नि शलभाः पतन्ति,
शलभपतनमग्निना लक्ष्यते, सोऽग्निरस्य लक्षणम् । न त्वयं धर्मोऽन्यस्य
लक्षणम्, किं तर्हि ? लक्ष्यः; स्वयमेवाभिमुख्यात् । शास्त्रार्थोऽपि सांकेतिको-
ऽभिधर्मः प्रापणाय अभिद्योतनाय वा निर्वाणं धर्मलक्षणं वा प्रत्युपनिप-
द्भावेनाभिमुखः, किमङ्ग पारमार्थिक इति ! ----------------न्तेनाभिधर्म इति
सिद्धं भवति ।
उक्तो ह्यभिधर्म इति । स्वभावप्रभेदनिर्वचनतोऽवयवार्थोऽवबुद्धः । समु-
दायार्थस्तु न तावदित्यतः समुदायार्थं पृच्छति—इदं तु शास्त्रं कथमभिधर्म-
कोशम् इति ।
“तस्यार्थतोऽस्मिन्” इति । तस्याभिधर्मसंज्ञकस्य शास्त्रस्यानन्तरोक्तत्वाद्
ग्रहणम् । अर्थत इति । न व्यञ्जनत इति । अर्थतोऽयमनुप्रवेशो न साकल्येन,
तस्माद् । यथाप्रधानमित्यव्ययीभावः । अन्तर्भूतः प्रविष्टः । इति एतच्छास्त्रं मदीयं
तस्य अर्थस्य कोशस्थानीयं भवति कोशसदृशम् । एतस्मिन्नर्थे षष्ठीतत्पुरुष-
समासः—अभिधर्मस्य कोशोऽभिधर्मकोश इति । यत्र ह्यसिः प्रविशति स
तस्य कोशः ।
अथवा—सः अभिधर्मो ज्ञानप्रस्थानादिरेतस्य मदीयस्य शास्त्रस्य आश्रय-
भूतः । ततो ह्यार्षादभिधर्मादेतन्मदीयं शास्त्रं निराकृष्टम् । अर्थत इत्यधिकृतम् ।
अतः स एवास्य अभिधर्मः कोश इत्येतस्मिन्नर्थे बहुव्रीहिसमासः—अभिधर्मः
कोशोऽस्येत्यभिधर्मकोशम् । यतो ह्यसिर्निराकृष्यते स तस्य कोश इति
एतच्छास्त्रमभिधर्मकोशमिति । समुदायार्थोऽप्यस्यावगमित इति सूचयति ॥ २ ॥

१४ भाष्यस्फुटार्थसहितेऽभिधर्मकोशे [ धातु-
किमर्थं पुनरभिधर्मोपदेशः, केन चायं प्रथमत उपदिष्टो यत आचार्यों-
ऽभिधर्मकोशं वक्तुमाद्रियत इति ? आह—
धर्माणां प्रविचयमन्तरेण नास्ति
क्लेशानां यत उपशान्तयेऽभ्युपायः ।
क्लेशैश्च भ्रमति भवार्णवेऽत्र लोक-
स्तद्धेतोरत उदितः किलैष शास्त्रा ॥ ३ ॥
किमर्थं पुनरभिधर्मोपदेशः । किं प्रयोजनमित्यर्थः । सप्रयोजनस्य हि
शास्त्रस्य प्रयासः साधुर्भवति, न निष्प्रयोजनस्य । केन चायं प्रथमत उपदिष्टः ।
केन चायमभिधर्म आदितो देशितः । आप्तोपदिष्टस्य हि शास्त्रस्य प्रयासोऽनु-
रूपः स्यादित्यभिप्रायः । ‘प्रथमतः’ इति विशेषणम् । भदन्तकात्यायनीपुत्रादीनां
पिण्डीकरणेन पश्चादुपदेशस्य सिद्धत्वात् । प्रथमत उपदेशे हि विवादः । यत इति
विस्तरः—यतः कारणात्, आचार्यः शास्त्रकारः, अभिधर्मकोशं प्रयासशास्त्रम्,
वक्तुं प्रणेतुम्, आद्रियते आदरं करोतीत्यर्थः ।
एवं कृते प्रश्नद्वयेऽभिधर्मशास्त्रस्य सप्रयोजनताम्, आप्तोपदेशतां च प्रदर्श-
यन्नाह—
“धर्माणां प्रविचयम्” इति । विस्तरः—यतो विना धर्मप्रविचयेन । ‘रूपं
वेदनानित्यं दुःखम्’ इत्येवमाकारेण । नास्ति क्लेशोपशमाभ्युपायः । अन्य इति
वाक्यशेषः । स एव तु क्लेशोपशमाभ्युपाय इत्यर्थादापन्नं भवति । तद्यथा—
‘नाहारेण विना प्राणसन्धारणोपायः’ इत्युक्ते ‘स एवाहारः प्राणसन्धारणोपायः’
इत्यर्थादापन्नं भवति, तद्वदेतत् ।
यदि क्लेशोपशमो न स्यात्, किं स्याद् ? इत्यत आह—“क्लेशैश्च भ्रमति
भवार्णवेऽत्र लोकः”इति । अनेन क्लेशोपशमस्यावश्यकर्तव्यतां दर्शयति । भवः =
संसार इत्येकोऽर्थः । भव एवार्णवो भवार्णवः, मज्जनस्थानसाधर्म्यात् समुद्र-
कल्पो भवः, एतस्मिन् भवार्णवे । अत्र प्रत्यक्षीकृतपञ्चोपादानस्कन्धलक्षणव्य-
तिरिक्तभवप्रतिषेधार्थम् अत्र-ग्रहणम् । अत्र लोको भ्रमति; तादात्म्यावस्थानात् ।
तादात्म्यावस्थानतोऽपि ह्यधिकरणनिर्देशो दृश्यते, तद्यथा—अन्यपादपानुष-
योगेन पलाशेष्वारामः स्थित इति । वृत्तौ तु हेत्वर्थतां तृतीयायाः सूचयता
हेतुमण्णिचा हेत्वर्थ उक्तः । क्लेशाश्च लोकं भ्रमयन्तीति । अत इति । उद्दिष्टहेतु-
प्रत्याम्नायः । यत एवम्, अत उद्दिष्टोऽभिधर्म इत्यर्थः । धर्मप्रविचयः क्लेशोपशमो-
पायो नान्यो धर्म इत्यभिधर्मोपदेशकः सम्बन्ध इति । अत उक्तम्—“तद्धेतोः”
इति । स एव हेतुस्तद्धेतुः, तस्य तस्माद्वा तद्धेतोरिति । तस्य धर्मप्रविचयस्यार्थे ।

" -> wait, it says "धर्मप्रविचयेनास्ति" with a matra on च? It looks like "धर्मप्रविचेयेनास्ति" with an e-mātrā on च, wait, let's zoom in on footnote 1:
"१-१. न विना धर्मप्रविचेयेनास्ति—का० ।" Yes, there is a stroke on च, printing error for च.

Now let's look at Kārikā 3 of Abhidharmakośa:
Wait, Kārikā 3 of Abhidharmakośa is:
धर्मप्रविचयो विना... NO!
Kārikā 3 is:
"धर्मप्रविचयादृते नास्ति क्लेशोपशमो यतः।
क्लेशैश्च भ्रमते लोको भवार्णवेऽतस्तदर्थम्॥" - NO, that's not it.
Wait! What is Kārikā 3?
Look at the text:
Kārikā 3 is in bold in lines 2 to 6!
Wait! In Narendra Dev's or Dwarikadas Shastri's edition of Abhidharmakośa:
Dwarikadas Shastri published the Bauddha Bharati edition of Abhidharmakośa & Bhāṣya with Sphuṭārthā!
THIS IMAGE IS FROM DWARIKADAS SHASTRI'S EDITION (Bauddha Bharati Series)!
Yes! Page 15, "प्रथमं कोशस्थानम्", "निर्देश

१६ भाष्यस्फुटार्थासहितेऽभिधर्मकोशे [ धातु-
कतमे पुनस्ते धर्मा येषां प्रविचय्यार्थमभिधर्मोपदेशः ? इत्याह--
सास्रवानास्रवा धर्माः
एष सर्वधर्माणां समासनिर्देशः ॥
तत्र कतमे सास्रवा धर्माः ? इत्याह—
संस्कृता मार्गवर्जिताः ।
सास्रवाः
मार्गसत्यं वर्जयित्वाऽन्ये सर्वे¹ संस्कृताः¹ सास्रवाः ।
किं कारणम् ?
आस्रवास्तेषु यस्मात् समनुशेरते ॥ ४ ॥
“सास्रवानास्रवा धर्माः” इति । सहास्स्रवैः सास्रवाः, न सन्त्यास्रवा एष्वित्य-
नास्रवाः, सास्रवाश्चानास्रवाश्चेति समासः । स्वसामान्यलक्षणधारणाद् धर्माः ।
एष सर्वधर्माणां समासनिर्देश इति । एतावन्तो धर्मा यदुत सास्रवा-
श्चानास्रवाश्च, नैतद्व्यतिरिक्ता धर्माः सन्ति, तस्मादाह—सर्वधर्माणामिति ।
समासनिर्देश इति संक्षेपनिर्देशः । विस्तरनिर्देशस्तु पश्चादा शास्त्रपरिसमाप्ते-
र्भविष्यति । अन्येऽपि समासनिर्देशाः सन्ति—संस्कृतासंस्कृताः, रूप्यरूपिणः,
सनिदर्शनानिदर्शना इत्येवमादयः, किमर्थमयमेव समासनिर्देश उक्तः ?
यस्मिन्नुक्ते न पर्यनुयोगः । अथ वा—सांक्लेशिकव्यावदानिकपक्षप्रदर्शनाथम्;
तदर्थत्वाच्छास्त्रस्य । तत्पक्षद्वयावबोधे हि संक्लेशपक्षमपहाय व्यवदानपक्षा-
सेवनान्निःश्रेयसावाप्तिर्भवेत् ।
“संस्कृता मार्गवर्जिताः सास्रवाः” इति । संस्कृता एव, नासंस्कृताः ।
हेतुप्रत्ययजनिता रूपादयः संस्कृताः । किं सर्वे ? नेत्याह—मार्गवर्जिताः ।
मार्गसत्येन वर्जिताः । मार्गसत्यस्य संस्कृतत्वात् प्रसङ्ग इत्यत एवं विशिनष्टि ।
एतदुक्तं भवति—मार्गसत्यं वर्जयित्वा सर्वे संस्कृताः सास्रवा इति ।
कथं पुनस्ते सास्रवाः ? यद्यास्रवसम्प्रयोगात् ? क्लिष्टा एव चित्तचैत्ताः
सास्रवाः स्युर्नान्ये; अथास्रवसहोत्पादात् ? एकस्यां सन्ततौ समुदाचरत्क्लेशस्य
सत्त्वस्य यथासम्भवं पञ्चोपादानस्कन्धाः 'सास्रवाः स्युः, नासमुदाचरत्क्लेशस्य,
नापि बाह्या धर्माः; अथास्रवाणां य आश्रयास्ते सास्रवा इति ? षडेवाय-
तनान्याध्यात्मिकानि सास्रवाणि स्युः; अथास्रवाणामालम्बनानि सास्रवाणि ?
निरोधमार्गसत्यमपि सास्रवं प्राप्नोति; ऊर्ध्वा च भूमिरूर्ध्वभूम्यालम्बनैरास्रवैः
१-१. संस्कृता धर्माः—का० ।

[निर्देशः ] प्रथमं कोशस्थानम् १७
कामं निरोधमार्गसत्यालम्बना अपि आस्रवा उपजायन्ते, न त्वनुशेरते तत्रेति
न तयोः सास्रवत्वप्रसङ्गः । यथा तत्र¹ नानुशेरते, तत् पश्चादनुशयनिर्देश
( अभि० को० ५.१८ ) एव ज्ञापयिष्यामः ॥ ४ ॥
उक्ताः सास्रवाः ॥
सास्रवा स्यादिति ? अत आह—"आस्रवास्तेषु यस्मात् समनुशेरते" इति ।
तस्मात् सास्रवा इति पूर्वमेवाध्याहार्यस्तस्माच्छब्दः । अनुशेरत इति पुष्टिं
लभन्त इत्यर्थः । प्रतिष्ठां लभन्त इत्यर्थो वा । पुष्टिलाभे प्रतिष्ठालाभे वा ते
रागादयः सन्तायन्ते ।
अपरे व्याचक्षते—यथा 'अनुशेते मनागमाहार.' इति पथ्योऽनुगुणीभवती-
त्यर्थः, तथा रागादयोऽपि तेषु धर्मेष्वनुशेते, अनुगुणीभवन्तीत्यर्थः । रागाद्य-
भिष्यन्दितकर्मनिर्वर्तिता हि सास्रवा धर्माः; "कर्मजं लोकवैचित्र्यम्" ( अभि०
को० ४.१ ) इति वचनात् । प्रत्ययानुगुणेनानुशेरते पुष्टिं लभन्त इत्यनुशयाः ।
अनुशेरते अनुगुणा वर्तन्त इति निर्वचनं यावत् । अनुशयनं चैषामालम्बनतः
सम्प्रयोगतो वा द्रष्टव्यम् ।
गुणमतिस्त्वाचार्य इह व्याचष्टे—"किं कारणं यत् सर्वधर्मेष्वास्रवाणामा-
लम्बनीभवत्सु संस्कृता एव मार्गवर्जिताः सास्रवा उच्यन्त इति ? सर्वे धर्मा
आस्रवाणामालम्बनम्" इति । अनाभिधार्मिकीयमेतत्; आकाशप्रतिसंख्यानि-
रोधयोरास्रवानालम्बनत्वात् । षडेव ह्यनुशया अनास्रवालम्बनाः पठ्यन्ते, ते च
निरोधमार्गालम्बना एव;
"मिथ्यादृग्विमतौ ताभ्यां युक्ताविद्या च केवला ।
निरोधमार्गदृग्घेयाः षडनास्रवगोचराः" ॥
( अभि० को० ५. १८ )
इति वचनात् । तस्मान्न सुलिखितमेतदिति पश्यामः ।
काममिति यद्यपीत्यर्थः । अथ वा—काममिति निपातोऽभ्युपगमार्थः ।
अभ्युपगम्यत एव निरोधमार्गसत्यालम्बना अपि आस्रवा उपजायन्त इत्यर्थः ।
तत्र निरोधमार्गसत्ययोः । अनुशयनिर्देश एव ज्ञापयिष्याम इति । "नानास्रवोर्ध्व-
विषया अस्वीकाराद् विपक्षतः" ( अभि० को० ५. १८ ) इत्यत्र ।
यदि वस्त्वात्मदृष्टितृष्णाभ्यां स्वीकृतं भवति, तत्राग्येऽप्यनुशया अनुशयितु-
मुत्सहन्ते; आर्द्र इव पटे रजांसि संस्थातुम् । न चैवमनास्रवम्, नाप्यूर्ध्वा भूमिः;
अतो न तदालम्बनास्तेष्वनुशेरते । विपक्षभूतौ च निर्वाणमार्गौ तदालम्बनानां
१. अत्र—का० ।
अभि० को० २

१८ भाष्यस्फुटार्थासहितेऽभिधर्मकोशे [ धातु-
अनास्रवाः कतमे ?
अनास्रवा मार्गसत्यं त्रिविधं चाप्यसंस्कृतम् ।
क्लेशानाम्, ऊर्ध्वा च भूमिरधराणाम्, अतोऽपि न तेषु प्रतिष्ठां लभन्ते; तप्त
इवोपले तलानि पादानामिति ॥ ४ ॥
“अनास्रवा मार्गसत्यं त्रिविधं चाप्यसंस्कृतम्” इति। अर्थापत्तिसिद्धत्वान्न
सूत्रयितव्यमेतद् ?—इत्येवं चोद्ये –“वक्तव्यमेवेदम्,
किं कारणम् ? द्विविधो हि मार्गः—लौकिकः, लोकोत्तरश्च। अतो विशेषार्थं
पुनरभिधीयते। अत एव चात्र मार्गसत्यग्रहणम्। प्रसिद्धं चार्थापत्त्या गम्यते,
नाप्रसिद्धम्। अप्रसिद्धं चासंस्कृतमिति।
उच्यते। यथा हि तिस्रो वेदना भवन्ति—सुखा, दुःखा, अदुःखासुखा चेति;
एवं धर्मा अपि सम्भाव्येरन्—सास्रवाः, अनास्रवाः, सास्रवानास्रवाश्चेति। अथ
वा–नैव सास्रवा नानास्रवाश्चेति। तेन येऽर्थापत्त्या निरस्ताः किं तेऽनास्रवा एव ?
उताहो सास्रवानास्रवा एव ? आहोस्विन्नोभयथा ? इति सन्दिह्येत। अस्ति हि
सास्रवानास्रवत्वविकल्पावकाशः। कथमिति ? वैभाषिकप्रक्रियया तावत् “द्विधा
सानुशयं क्लिष्टमक्लिष्टमनुशायिकैः।” (अभि० को० ५.३२) इति वचनाद् ये
चक्षुरादयो बाह्या वा रूपादयोऽक्लिष्टास्तेऽनुशयानैरेवास्रवैः सास्रवाः, नाननु-
शयानैः। प्रहीणैस्तैरननुशयानैरनैवं सास्रवाः। अप्रहीणैस्त्वन्ततः परसन्तान-
गतैरपि सास्रवा एवेति दार्ष्टान्तिकप्रक्रिययापि च चक्षुरादयोऽर्हत्सन्तानगता
बाह्याश्च रूपादयोऽनास्रवाः, आस्रवाणामनाश्रयत्वात्; सास्रवाश्च ते, आस्रवा-
णामप्रतिपक्षत्वात् इति पर्यायिकं सास्रवानास्रवत्वं चक्षुरादीनां कल्प्यत इति
सन्देहः। नन्वनेवंविनिवृत्त्यर्थनिराकरणार्थम्—“अनास्रवा मार्गसत्यं त्रिविधं चाप्य-
संस्कृतम्” इति। निष्पर्यायमनास्रवा एवामी, न सास्रवा यथोक्तमिति पुन-
र्वचनम्। ते तर्हि अर्हच्चक्षुरादयो वैभाषिकैः क्व पक्षे निक्षेप्तव्याः—किं सास्रवपक्षे,
अथानास्रवपक्ष इति ? सास्रवपक्ष इति त आहुः।
कथं प्रहीणैरास्रवैस्ते सास्रवा व्यवस्थाप्यन्ते ? येष्वास्रवा अनुशेरते,
अनुशायितवन्तः, अनुशायिष्यन्ते वा, ते सास्रवाः । त्रैकालिकार्थविवक्षायामपि
हि लोके वर्तमानकालप्रयोगो दृश्यते—यः प्रजा रक्षति स राजेति, योऽपि
रक्षितवान् योऽपि रक्षिष्यति स चापि राजेति गम्यत एवेति अत एवं
व्याख्यायते। अथ वा—यद्यपि ते प्रहीणैरास्रवैर्न सास्रवाः, अप्रहीणैस्त्वपरिनि-
ष्ठितसर्वैरन्ततः परसन्तानगतैरपि सास्रवा एव भवन्ति।'

निर्देशः ] प्रथमं कोशस्थानम् १९
कतमत् त्रिविधमसंस्कृतम् ?
आकाशं द्वौ निरोधौ च;
कतमौ द्वौ ? प्रतिसंख्यानिरोधः, अप्रतिसंख्यानिरोधश्चेति । एतदाकाशादि
त्रिविधमसंस्कृतं मार्गसत्यं चानास्रवा धर्माः ।
किं कारणम् ? न हि तेष्वास्रवा अनुशेरत इति ।
यदेतत् त्रिविधमसस्कृतमुद्दिष्टम्,
तत्राकाशमनावृतिः ॥ ५ ॥
अनावरणस्वभावमाकाशम्, यत्र रूपस्य गतिः ॥ ५ ॥

ननु च समासनिर्देशादेव “सास्रवानास्रवा धर्माः” ( अभि० को० १. ४ )
इति तृतीयराश्यप्रसङ्गः ? न; तत्रैकशेषनिर्देशसम्भवात् । सास्रवाश्चानास्रवाश्च
सास्रवानास्रवाश्चेति सास्रवानास्रवा इत्येकशेषः । असरूपाणामप्येकशेष इष्यते,
“गुणो यङ्लुकोः” ( पा० सू० ७. ४. ८३ ) इति यथा ।
अपरे पुनराहुः—अर्थापत्त्या सिद्धमेवैतत्, स्पष्टीकरणार्थं तु प्रपञ्च उच्यते ।
तद्यथा—“विशेषणं विशेषेण बहुलम्” ( पा० सू० २. १. ५७ ) इत्यनेनेव सर्वं
सिद्धम् “पूर्वकालैकसर्वजरत्पुराणनवकेवलाः समानाधिकरणेन” ( पा० सू०
२.

२० भाष्यस्फुटार्थासहितेऽभिधर्मकोशे [ धातु-
प्रतिसंख्यानिरोधो यो विसंयोगः
यः सास्रवैर्धर्मैर्विसंयोगः स प्रतिसंख्यानिरोधः। दुःखादीनामार्यसत्यानां प्रति¹
प्रतिसंख्यानं¹ प्रतिसंख्या = प्रज्ञाविशेषस्तेन प्राप्यो निरोधः प्रतिसंख्यानिरोधः,
यदि यन्नावृणोति नाव्रियते वा तदाकाशम्, अप्रतिघा अपि चित्तादयः
संस्कारास्तथैवेत्याकाशं प्राप्नुवन्ति ? न प्राप्नुवन्ति; परेषामावरणाभावात् ।
ऋद्धिमन्तो हि चित्तचैत्तबलेन परेषां गति चित्तादीन् वा विबध्नन्ति । प्रति-
संख्याऽप्रतिसंख्यानिरोधौ तर्ह्याविबन्धकत्वादाकाशं प्राप्नुतः ? न; तयोः संयोग-
द्रव्यानुत्पत्तिधर्माणां संयोगप्राप्तिनियतरोधभूतत्वेन, उत्पत्तिविघ्नरोधभूतत्वेन
चावरणभूतत्वात् ।
अथ वा—यस्यानावरणमेव लक्षणं नान्यल्लक्षणं तदाकाशम् । तयो-
श्चान्यल्लक्षणमस्तीति न तौ निरोधावाकाशं प्राप्नुतः । असर्वगतं तर्ह्या-
काशमनित्यं वा प्राप्नोति, आवरणाभावे भावात् तद्भावे चाभावात् ?
कुड्यादिषु ह्यन्यस्वरूपस्यावरणं भवतीति अत्राकाशलक्षणाभावप्रसङ्गः ।
कुड्याद्यपगमे च पुनस्तद्भवतीत्यनित्यं प्राप्नोति ? नानित्यं प्राप्नोति; तत्रापि
कुड्याद्यवकाशदानादाकाशमस्त्येव । यदि हि तत्राकाशं न स्यात्, तस्यैव
कुड्यादेरनवकाशत्वादवस्थानं न स्यात् । यत्तु तत्र रूपान्तरस्यानवस्थानम्,
तन् कुड्याद्यावरणात्, नाकाशाभावात् । उक्तं हि भगवता—"पृथिवी भो
गौतम, कुत्र प्रतिष्ठिता ? पृथिवी, ब्राह्मण, अब्मण्डले प्रतिष्ठिता । अब्मण्डलं
भो गौतम क्व प्रतिष्ठितम् ? वायौ प्रतिष्ठितम् । वायुर्भो गौतम, क्व
प्रतिष्ठितः ? आकाशे प्रतिष्ठितः । आकाशं भो गौतम कुत्र प्रतिष्ठितम् ?
अतिसरसि महाब्राह्मण, अतिसरसि महाब्राह्मण ! आकाशं ब्राह्मण अप्रतिष्ठि-
तमनालम्बनम्” ( ) इति विस्तरः । तस्मादस्त्याकाशमिति
वैभाषिकाः ॥ ५ ।
“यो विसंयोगः” इति । विशेषणेनानित्यता निरोधोऽप्रतिसंख्यानिरोधश्च
व्युदस्तौ भवतः । न हि विसंयोगलक्षणौ तौ निरोधौ । विसंयुक्तिः = विसंयोगः,.
क्लेशविसंयुक्तिलक्षणः, संयोगप्राप्तिनियतरोधभूतो वा यो धर्मः स प्रति-
संख्यानिरोधः । दुःखादीनामार्यसत्यानामिति विशेषणपरिग्रहात् प्रतिसंख्यानम्
अनास्रवैव प्रज्ञा गृह्यते । न हि लौकिकी प्रज्ञा दुःखसत्याद्याकारा, किं तर्हि ?
उत्तर्राधरभूमिशान्ताद्युदाराद्याकारा । प्रज्ञाविशेष इति विशेषग्रहणं क्लेश-
प्रहाणानन्तर्यमार्गप्रज्ञाग्रहणार्थम् । तेन प्रज्ञाविशेषेण प्राप्यो निरोध इति
१-१. प्रतिसंख्यानं—का० ।

निर्देशः ] प्रथमं कोशस्थानम् २१
मध्यपदलोपं कृत्वा¹ गोरथवत् ।
किं पुनरेक एव सर्वेषां सास्रवाणां धर्माणां प्रतिसंख्यानिरोधः ? नेत्याह ।
किं तर्हि ?
पृथक् पृथक् ।
यावन्ति हि संयोगद्रव्याणि तावन्ति विसंयोगद्रव्याणि । अन्यथा हि
दुःखदर्शनहेयक्लेशनिरोधसाक्षात्करणात् सर्वक्लेशनिरोधसाक्षात्क्रिया प्रसज्येत ।
सति चैवं शेषप्रतिपक्षभावनावैयर्थ्यं स्यात् ।
यत्तह्युक्तम्—“असभागो निरोधः” इति, अस्य कोऽर्थः ?
प्रतिसंख्यानिरोधः । मध्यपदलोपं कृत्वा इति । “शाकपार्थिवादीनामुपसंख्यानम्,
शाकप्रियाः पार्थिवाः शाकपार्थिवाः” ( पा० सू० २. १. ६० ) इतीष्ट्या
मध्यपदलोपः । यदि · प्रतिसंख्यानास्रवैव प्रज्ञा गृह्येत, लौकिकमार्गप्राप्यो
निरोधो न गृहीत इत्यव्यापि लक्षणं प्राप्नोति ? नाव्यापि; सर्वो हि त्रैधातुक-

२२ भाष्यस्फुटार्थसहितेऽभिधर्मकोशे [ धातु-
‘नास्य कश्चित् सभागहेतुरस्ति नासौ कस्यचित्’ इत्ययमस्य वाक्यस्यार्थः,
न तु नास्य कश्चित् सभागोऽस्तीति ॥
उक्तः प्रतिसंख्यानिरोधः ॥
उत्पादात्यन्तविघ्नोऽन्यो निरोधोऽप्रतिसंख्यया ॥ ६ ॥
अनागतानां धर्माणा-मुत्पादस्यात्यन्तं विघ्नभूतो विसंयोगाद् योऽन्यो निरोधः
सोऽप्रतिसंख्यानिरोधः । न ह्यसौ प्रतिसंख्यया लभ्यते, किं तर्हि ?
प्रत्ययवैकल्यात् ।
भवेदिति परस्याभिप्रायः । नास्य कश्चित् सभागहेतुरिति । सभागहेतुः सभाग
इत्येकोऽर्थः, हेतुशब्दलोपात् । दृश्यन्ते हि पदेषु पदैकदेशान् प्रयुञ्जानाः,
वाक्येषु च वाक्यैकदेशान् । तद्यथा—सत्यभामा, भामा; देवदत्तः, दत्तः;
प्रविश पिण्डीम्, प्रविश तर्पणमिति । नित्यः खलु प्रतिसंख्यानिरोधः, तस्य किं
सभागहेतुना प्रयोजनमित्यसभागहेतुः, असभागः । नास्ति सभागोऽस्येत्यसभागः,
बहुव्रीहिसमासः । नासौ कस्यचिदिति । नासौ प्रतिसंख्यानिरोधः कस्यचिद-
न्यस्य धर्मस्य सभागहेतुरित्यधिकृतम् । किं कारणम् ? संस्कृत एवेति सभाग-
हेतुरिष्यते । तत्र न सभागोऽसभाग इति तत्पुरुषः । न तु नास्य कश्चित्
सभागोऽस्तीति । न त्वस्य निरोधस्य कश्चिदन्यो निरोधः सदृशो न
भवतीत्यर्थः ॥
अनागतानां धर्माणा-मुत्पादस्यात्यन्तं विघ्नोऽत्यन्तविघ्नः=अत्यन्तनियतरोधः ।
अन्य इति । अप्रतिसंख्यानिरोधः । स हि प्रतिसंख्यानिरोधादनन्तरोक्तादन्यः ।
अप्रतिसंख्ययेति । प्रसज्यप्रतिषेधेऽयमकारः, न प्रतिसंख्यया प्राप्य इत्यर्थः ।
अथ वा पर्युदासे—प्रतिसंख्याया यदन्यत् प्रत्ययवैकल्यं सा प्रतिसंख्या, तया
प्राप्यो निरोधोऽप्रतिसंख्यानिरोधः, मध्यपदलोपात् । अयुक्तमेतत्; प्रत्ययवैकल्यं
ह्यभावः, कथमभावेन स निरोधः प्राप्यत इति ? औपचारिकत्वाददोषः ।
अथ वा—अप्रतिसंख्यानिरोध इति न प्रतिसंख्यानिरोधोऽप्रतिसंख्यानिरोधः ।
प्रतिसंख्यानिरोधादन्यत्वमात्रमेवोच्यते, न तु प्रत्ययवैकल्यस्य व्यापार इति ।
उत्पादग्रहणमनित्यता-निरोधव्युदासार्थम् । अनित्यता-निरोधो हि धर्मस्थितेर-
त्यन्तविघ्नः, न धर्मोत्पादस्य । अत्यन्तग्रहणमसंज्ञिनिरोधसमापत्त्यसंज्ञिकव्युदासा-
र्थम् । तानि ह्यनागतानां चित्तचैत्तानामुत्पादविघ्नः, न त्वत्यन्तम्; तावत्कालि-
कत्वात् तद्विघ्नभावस्य ।

निर्देशः ] प्रथमं कोशस्थानम् २३
यथैकरूपव्यासक्तचक्षुर्मनसो यानि रूपान्तराणि १ शब्दगन्धरसस्प्रष्टव्यानि
चात्यन्ते तदालम्बनैः पञ्चभिर्विज्ञानकायैर्न शक्यमुत्पत्तुम् २, न हि ते
समर्था ३ अतीतं विषयमालम्बयितुमिति । अतः स तेषामप्रतिसंख्यानिरोधः
प्रत्ययवैकल्यात् प्राप्यते ।
यथैकरूपव्यासक्तचक्षुर्मनस इति । विस्तरः—यथेत्युदाहरणकथनम् । यथै-
कस्मिन्नीले रूपे व्यासक्तं चक्षुर्मनश्च यस्य स एकरूपव्यासक्तचक्षुर्मनाः, तस्य
यानि रूपान्तराणि गृह्यमाणान्नीलादन्यानि नीलान्तरपीतलोहितावदातादीनि
वर्णरूपाणि संस्थानरूपाणि च शब्दगन्धरसस्प्रष्टव्यानि च सर्वाणि अत्यन्ते प्रत्यु-
त्पन्नमध्वानमतिक्रामन्ति । अतीतमध्वानं प्रतिपद्यन्त इत्यर्थः । तदालम्बनैरिति ।
तानि नीलान्तरादीन्यनन्तरोक्तान्यालम्बनान्तराणि येषां ते तदालम्बनाः ।
के ? पञ्च विज्ञानकायाः, तैः न शक्यमुत्पत्तुमिति भावसाधनमेतत् । न हि ते
समर्था इति । विस्तरः—न हि ते पञ्च विज्ञानकाया अतीतं विषयं स्वालम्बन-
मपि शक्ता ग्रहीतुम्; वर्तमानालम्बनत्वात् पञ्चानां विज्ञानकायानाम् । अथान्यदि-
दानीं नीलान्तरादिकं वर्तमानमालम्ब्य कस्मान्नोत्पद्यन्ते ? न शक्यमेवं भवितुम्;
सर्वधर्माणां चतुष्के नियतत्वात्—हेतौ, फले, आश्रये, आलम्बने चेति । यस्य
विज्ञानस्य यदालम्बनं तदेव तस्यालम्बनं भवेत्, भवेन्नान्यदिति आलम्बन-
प्रत्ययवैकल्यात् ते पञ्च विज्ञानकाया न पुनरुत्पद्यन्ते । अत आह—स तेषाम-
प्रतिसंख्यानिरोध इति । विस्तरः—तेषां पञ्चानां विज्ञानकायानां प्रत्यय-
वैकल्यात् प्राप्यत आलम्बनप्रत्ययवैकल्यात् । चतुर्भिरेव हि प्रत्ययैर्हेतुसमनन्तरा-
लम्बनाधिपतिप्रत्ययैश्चित्तचैत्ता उत्पद्यमाना उत्पद्यन्ते । तेषामन्यतरवैकल्ये-
ऽप्यनुत्पत्तिः; समनन्तरप्रत्ययवैकल्यादित्यपरे । समनन्तरप्रत्ययो हि तदानीं
चित्तचैत्तलक्षण एकस्यैव तस्य नीलविज्ञ स्योत्पत्ताववकाशं ददाति, नेतरेषां
नीलान्तरादिविज्ञानानाम्; युगपद्विज्ञानोत्पत्त्यसम्भवात् । उदाहरणमात्रं चैतत् ।
एवं क्षान्तिलाभ्यादीनां पञ्चानामप्यापायिकानामनागतानां स्कन्धानां तदु-
त्पत्तिविरुद्धप्रत्ययसम्मुखीभावेन प्रत्ययवैकल्यादप्रतिसंख्यानिरोधः प्राप्यत इत्यु-
दाहार्यम् । अप्रतिसंख्यानिरोधमेव वाभिसन्धाय स्रोतआपन्नं पुद्गलमधिकृत्योक्तं
भगवता—“निरुद्धा अस्य नरकास्तिर्यञ्चः प्रेताः” ( ) इति ।
तदेवञ्जातीयकानामनागतानां धर्माणां प्रत्ययवैकल्यात्प्रतिसंख्यामन्तरेणोत्पादस्य
नियतरोधभूतो यो धर्मः सोऽप्रतिसंख्यानिरोध इत्युच्यते । न हि प्रत्ययवैकल्य-
१. रूपाणि—का० । २. पुनरुत्पत्तुम्—का० ।
३. सस्या—का० ।

२४ भाष्यस्फुटार्थसहितेऽभिधर्मकोशे [ धातु-
चतुष्कोटिकं चात्र भवति—१. सन्ति ते धर्मा येषां प्रतिसंख्यानिरोध एव
लभ्यते, तद्यथा अतीतप्रत्युत्पन्नोत्पत्तिधर्माणां सास्रवाणाम् । २. सन्ति येषाम्-
प्रतिसंख्यानिरोध एव, तद्यथा अनुत्पत्तिधर्माणा मनास्रवसंस्कृतानाम् । ३. सन्ति १
येषामुभयम्, तद्यथा सास्रवाणामनुत्पत्तिधर्माणाम् । ४. सन्ति येषां नोभयम्,
मात्रादत्यन्तं तदनुत्पत्तिरुपपद्यते; पुनस्तज्जातीयप्रत्ययसान्निध्ये तदुत्पत्ति-
प्रसङ्गात्, को हि तदा तदुत्पत्तौ विबन्धः स्यादिति वैभाषिकाः ।
चतुष्कोटिकं चात्रेति । विस्तरः—अत्र प्रतिसंख्याऽप्रतिसंख्यानिरोधलक्षणनिर्देशे
चतुष्कोटिकं चतुष्प्रकारं प्रभविसर्जनम् । किमर्थम् ? व्युत्पादनार्थम् । तद्यथातीत-
प्रत्युत्पन्नोत्पत्तिधर्माणां सास्रवाणामिति सास्रवत्वात् प्रतिसंख्यानिरोध एव लभ्यते ।
अतीतप्रत्युत्पन्नानामुत्पादस्य कृतत्वादुत्पत्तिधर्माणां वावश्यम्भावान्नाप्रति-
संख्यानिरोधो लभ्यते । उत्पादात्यन्तविघ्नलक्षणो ह्यप्रतिसंख्यानिरोधः ।
तद्यथानुत्पत्तिधर्माणामानास्रवाणां संस्कृतानामिति । अत्यन्तविघ्नितोत्पादत्वादेषामनु-
त्पत्तिधर्मत्वम् । अतश्च तेषामप्रतिसंख्यानिरोधो लभ्यते । तद्यथा षड्भूमिका-
नामनागम्यध्यानान्तरध्यानभूमिकानां श्रद्धानुसारिमार्गाणामेकस्मिन् सम्मुखी-
भूते शेषाणां पञ्चानामप्रतिसंख्यानिरोधो लभ्यते, न तु प्रतिसंख्यानिरोधः;
अनास्रवत्वात् । न हि निर्दोषं प्रहाणार्हं भवति । अनुत्पत्तिधर्मग्रहणमतीत-
प्रत्युत्पन्नोत्पत्तिधर्मनिरासार्थम्, अनास्रवग्रहणं सास्रवनिरासार्थम् । संस्कृत-
ग्रहणमसंस्कृतनिरासार्थम् । असंस्कृतमपि हि स्वभावतोऽनुत्पत्तिधर्मकम् ।
अतस्तत्प्रसङ्गो मा भूदिति तद्विशेषणम् ।
केषाञ्चिदेवं पाठः—तद्यथानुत्पत्तिधर्माणा मनास्रवाणामिति । तेषां कथम-
संस्कृतानां ग्रहणाप्रसङ्गः ? न भवति । येषां धर्माणां प्रतिसंख्यानिरोधोऽप्रति-
संख्यानिरोधो वा सम्भवति तेषामधिकारः, न चासंस्कृतानां तौ निरोधौ
सम्भवतः । उत्पादात्यन्तविघ्नो ह्यप्रतिसंख्यानिरोधः, न चासंस्कृतानामुत्पा-
दोऽस्ति । किञ्च—अनुत्पत्तिधर्माणामिति पर्युदासेन नञ्समासः । उत्पत्तिधर्मेभ्यो
येऽन्ये तत्सदृशाश्च धर्मास्तेऽनुत्पत्तिधर्माणः । के च तादृशाः ? संस्कृता एव
नासंस्कृता इत्यप्रसङ्गोऽसंस्कृतानामिति ब्रुवते ।
सन्ति येषामुभयमिति प्रतिसंख्यानिरोधश्च, अप्रतिसंख्यानिरोधश्च । तद्यथा
सास्रवाणामिति । विस्तरः—सास्रवत्वात् तेषां प्रतिसंख्यानिरोधः प्राप्यते ।
अनुत्पत्तिधर्मत्वादप्रतिसंख्यानिरोधोऽपि प्राप्यते यदा, तदानयोः प्राप्तिर-
भिप्रयेते । नावश्यमनयोर्युगपत् प्राप्तिर्भवति । केषाञ्चिद्धि पूर्वं प्रतिसंख्यानिरोधः
१. सन्ति ते—का० ।

[निर्देशः ] प्रथमं कोशस्थानम् २५
तद्यथा अतीतप्रत्युत्पन्नोत्पत्तिधर्माणामनास्रवाणामिति ॥ ६ ॥
उक्तं त्रिविधमसंस्कृतम् ॥
यदुक्तम्¹—“संस्कृता मार्गवर्जिताः सास्रवाः” इति (अभि० को० १. ४),
कतमे ते संस्कृताः ?
ते पुनः संस्कृता धर्मा रूपादिस्कन्धपञ्चकम् ।
रूपस्कन्धः, वेदनास्कन्धः, संज्ञास्कन्धः, संस्कारस्कन्धः, विज्ञानस्कन्धश्चेति,
प्राप्यते, पश्चादप्रतिसंख्यानिरोधः, तद्यथा-अर्हत् एकरूपव्यासक्तचक्षुर्मनसस्त-
दन्यरूपाद्यालम्बनानां पञ्चानां विज्ञानकायानाम् । केषाञ्चित् पूर्वमप्रतिसंख्या-
निरोधः प्राप्यते, पश्चात् प्रतिसंख्यानिरोधः, तद्यथा—क्षान्तिलाभिनोऽपायगती-
नाम् । केषाञ्चिद् युगपत्, तद्यथा—दृष्टिप्राप्तस्याधिमात्राधिमात्रक्लेशप्रतिपक्षो-
दये तेषामधिमात्राणामनागतानां क्लेशानां प्रतिसंख्यानिरोधश्चाप्रतिसंख्या-
निरोधश्च युगपत् प्राप्यते । एवमन्येषामपि संभवतो योज्यम् ।
तद्यथातीतप्रत्युत्पन्नोत्पत्तिधर्माणामनास्रवणामिति । अतीतादीनामेषामुत्पा-
दस्य विघ्नयितुमशक्यत्वादप्रतिसंख्यानिरोधो न लभ्यते । अनास्रवत्वाच्चैषां
प्रतिसंख्यानिरोधोऽपि न लभ्यते । असंस्कृतानां तूत्पादाभावाच्चाप्रतिसंख्या-
निरोधोऽस्ति । 'उत्पादात्यन्तविघ्नो ह्यप्रतिसंख्यानिरोधः'—इत्युक्तं प्राक् ।
अनास्रवत्वाच्च प्रतिसंख्यानिरोधोऽपि नास्ति ॥ ६ ॥
एवमसंस्कृतस्याल्पवक्तव्यत्वात् पुरस्तात् तत्प्रभान् परिसमाप्य संस्कृता-
न्निर्देष्टुकाम उपोद्घातमुत्थापयति—यदुक्तम् “संस्कृता मार्गवर्जिताः सास्रवाः”
(अभि० १. ४) इति, कतमे ते संस्कृता इति ।
“ते पुनः संस्कृता धर्माः” इति । पुनःशब्दः प्रभेदान्तरप्रदर्शनार्थः । उक्तः पूर्व-
प्रभेदः—“सास्रवानास्रवाः” इति । अयं तु पुनःप्रभेद इति । असंस्कृतनिर्देशेन
व्यवहितत्वात् पुनः संस्कृतग्रहणमसंसकृतनिरासार्थम् । ‘ते’ इति तच्छब्दः पूर्व-
प्रकृतापेक्षः । के च पूर्वप्रकृताः ? अवर्जिताश्च ये सास्रवाः, वर्जिताश्च ये मार्गसत्य-
स्वभावाः, उभये ह्यपेक्षिताः । कथं गम्यते ? “ये सास्रवा उपादानस्कन्धास्ते”
(अभि० १. ८) इत्यनास्त्रवेभ्यः सास्रवनिष्कर्षवचनात् । यत् “रूपादिस्कन्ध-
पञ्चकम्” वक्ष्यमाणलक्षणम्, तेऽमी संस्कृता द्रष्टव्याः । अन्योन्यमेषां संग्रहः ।
रूपादिग्रहणं शीलादिस्कन्धनिरासार्थम् । अन्येऽपि हि पञ्च स्कन्धाः सन्ति—
शीलस्कन्धः, समाधिस्कन्धः, प्रज्ञास्कन्धः, विमुक्तिस्कन्धः, विमुक्तिज्ञानदर्शन-
१. यत्तूक्तं—का० ।

एते संस्कृता धर्माः। समेत्य = सम्भूय प्रत्ययैः कृता इति संस्कृताः। न ह्येक-
प्रत्ययजनितं किञ्चिदस्तीति तज्जातीयत्वादनागतेष्वविरोधः, दुग्धवत्¹।
त एवाध्वा कथावस्तु सनिःसाराः सवस्तुकाः ॥ ७ ॥
त एव संस्कृता गतगच्छद्गमिष्यद्भावादध्वानः, अद्यन्तेऽनित्यतयेति वा।
कथा = वाक्यम्, तस्या वस्तु नाम। सार्थकवस्तुग्रहणात् तु संस्कृतं कथा-
वस्तुच्यते। अन्यथा हि प्रकरणग्रन्थो विरुध्येत—“कथावस्तून्यष्टादश-
स्कन्धश्चेति। स्कन्धग्रहणं रूपादिविषयनिरासार्थम्। समेत्य सम्भूयेति पर्याया-
वेतौ। अथवा—समेत्य = समागम्य, अन्योन्यमपेक्ष्येत्यर्थः। सम्भूय, सङ्गत्येत्येवं
संशब्दस्यार्थं दर्शयति। न ह्येकप्रत्ययजनितमिति सर्वाल्पप्रत्ययत्वेऽप्यवश्यं द्वौ
प्रत्ययौ स्तः।
“चतुर्भिश्चित्तचैत्ता हि समापत्तिद्वयं त्रिभिः।
द्वाभ्यामन्ये तु जायन्ते” (अभि० ४.६५)
इति वचनात्। दुग्धवदिति। संस्कृतशब्दस्य निष्ठान्तत्वान्निष्ठान्तशब्देनैव
दृष्टान्तं दर्शयति। दुग्धवदिति दुग्धं नाम क्षीरम्। यत् स्तनान्निष्कासितं तद्
दुग्धमिति न्याय्यम्, यत्तु निष्कासिष्यते यच्च नैव निष्कासिष्यते धेनुस्थमेव
वर्तते तद् दुग्धमिति न प्राप्तम्, उच्यते च लोके। एवमिहापि ये संस्करिष्यन्त
उत्पत्तिधर्माणोऽनागताः, येऽपि न संस्करिष्यन्तेऽनुत्पत्तिधर्माणस्तेऽपि संस्कृता
इत्युच्यन्ते; तज्जातीयत्वात् स्वलक्षणसादृश्यात्।
“त एवाध्वा” इति। विस्तरः—सर्वाभिधर्मः सूत्रार्थः=सूत्रनिकषः, सूत्रव्या-
ख्यानमिति। सूत्रोक्तानामप्यध्वादीनां स्कन्धपर्यायरूपाणामिह वचनम्।
गतगच्छद्गमिष्यद्भावादिति। लोके प्रसिद्धमध्वानमपेक्ष्यायमध्वा व्याख्यातः।
तथा हि लोके कथ्यते—अयमध्वा ग्रामं गतः, अयमध्वा गच्छति, अयमध्वा
गमिष्यतीति। एवमिहापि गतोऽध्वा योऽतीतः, गच्छति यो वर्तमानः, गमिष्यति
योऽनागत इति। अद्यन्तेऽनित्यतयेति वा वा। अध्वान इत्यधिकृतम्। नैरुक्तं
विधानमपेक्ष्यायमर्थो दर्शितः। अद्यन्ते=नित्यतया भक्ष्यन्त इत्यध्वान इति
संस्कृता एवाध्वशब्देन भगवता देशिताः।
“कथावस्तु”—शब्देनापि त एव संस्कृता भगवता देशिताः। “त्रीणीमानि
भिक्षवः कथावस्तून्यचतुर्थान्यपञ्चमानि, यान्याश्रित्यार्याः कथाः कथयन्तः
कथयन्ति। कतमानि त्रीणि? अतीतं कथावस्तु, अनागतं कथावस्तु, प्रत्युत्पन्नं
१. दुग्धेन्धनवत्—का०।

निर्देशः १ प्रथमं कोशस्थानम्
भिर्धातुभिः संगृहीतानि” ( ) । निःसरणं निःसारः = सर्वस्य संस्कृतस्य
निर्वाणम्, तदेषामस्तीति सनिःसाराः । सहेतुकत्वात् सवस्तुकाः । हेतुवचनः
किल वस्तुशब्द इति वैभाषिकाः । इत्येते संस्कृतधर्मपर्यायाः ।
त एव पुनः संस्कृता धर्माः—
कथावस्तु” (अं० नि० ३.७.७) इति । कथा वाक्यमिति । विस्तरः—कथा =
वाक्यम्, वर्णात्मकः शब्द इत्यर्थः । तस्या वस्तु नाम विषय इत्यर्थः । नाम्नः
पुनरर्थोऽभिधेयः । तथा हि वक्ष्यति—“वाङ् नाम्नि प्रवर्तते नामार्थं द्योतयति”
इति । यदि नामैव कथावस्तु, नामैव संस्कारस्कन्धैकदेश एवेति, कथं कृत्वा
कथावस्तुशब्देन संस्कृता एवोक्ताः ? इत्यत आह—सार्थकवस्तुग्रहणात् तु
संस्कृतं कथावस्तूच्यत इति । अन्यथा हीति । विस्तरः—यदि सार्थकं
वस्तु न गृह्येत, प्रकरणग्रन्थो विरुध्यंत—कथावस्तून्यष्टादशभिर्धातुभिः
संगृहीतानीति । कया पुनरुक्त्या सार्थकं वस्तु गृह्यते ? द्विविधः कथाया
विषयः—साक्षात्, पारम्पर्येण च । साक्षाद्विषयो नाम, पारम्पर्येणार्थः । स हि
स्वविषयभूतस्य नाम्नो विषय इति । अतस्तस्यापि विषयो व्यवस्थाप्यते ।
असंस्कृतं कस्मान्न कथावस्तुत्वेनोक्तम् ? अध्वपतितस्य नाम्नोऽनध्वपतितेन
सहार्थायोगात् । विषयो हेतुरिति वा । अर्थद्वयवाचकवस्तुशब्दपरिग्रहाद् वा ।
यदि कथाया विषयो हेतुः प्रत्ययश्च भवति, तत् कथावस्तु । असंस्कृतं तु न
हेतुप्रत्ययः कथाया इति न कथावस्तु । अथवा—अतीतादीनां संस्कृतानामति-
बहुरूपत्वेनाख्यातकरणयोग्यत्वात्—‘एवं चैवं च दीपंकरस्तथागतोऽभूत्’, ‘एवं
चैवं च मैत्रेयस्तथागतो भविष्यति’, ‘एवं चैवं च राजा कप्पिणो भवति’ इति ।
अतः संस्कृता एव कथावस्तुत्वेनोक्ताः, नासंस्कृताः ।
सर्वस्य संस्कृतस्य निर्वाणमिति निरुपधिशेषनिर्वाणम् । यद्येवम्, सास्त्रवस्य
तदस्तीति भवति सास्त्रवस्य सनिःसारत्वयोगः, मार्गसत्यस्य तु कथम् ? “कोलो-
पमं धर्मपर्यायमाजानद्भिर्धर्मा अपि प्रहातव्याः प्रागेवाधर्माः” (वज्र० प्र०) इति
मार्गसत्यस्यापि निःसरणं कल्पत एवेति सर्व एव संस्कृता सनिःसारा भवन्ति ।
“सवस्तुकाः” इति । वसन्त्यस्मिन् प्राक् कार्याणि पश्चात्तत उत्पत्तिरिति
वस्तुहेतुरित्यर्थः, स एषामस्तीति सवस्तुकाः । प्रवचने हि वस्तुशब्दः पञ्चस्वर्थेषु
दृश्यते—स्वभावे, आलम्बने, संयोजनीये, हेतौ, परिग्रहे च । स्वभावे तावत्—
यद् वस्तु प्रतिलब्धं समन्वागतः स तेन वस्तुनेति तेन स्वभावेनेति गम्यते ।
। आलम्बने—ज्ञेया धर्माः । कतमे ? आह—सर्वे धर्मा ज्ञानेन ज्ञेया यथावस्तु,
यथालम्बनमित्यर्थः । संयोजनीये-यस्मिन् वस्तुन्यनुशयसंयोजनेन संयुक्ताः प्रतिघ-

२८ भाष्यस्फुटार्थसहितेऽभिधर्मकोशे [ धातु-
ये सास्रवा उपादानस्कन्धास्ते,
अतः किं सिद्धम् ? 'ये उपादानस्कन्धाः स्कन्धा अपि ते स्युः स्कन्धा एव,
नोपादानस्कन्धाः, अनास्रवाः संस्काराः' इति। तत्र उपादानानि = क्लेशाः,
तत्सम्भूतत्वादुपादानस्कन्धाः, तृणतुषाग्निवत्। तद्विधेयत्वाद्वा, राजपुरुषवत्।
उपादानानि वा तेभ्यः सम्भवन्तीति उपादानस्कन्धाः पुष्पफलवृक्षवत्।
त एव सास्रवा धर्मा उच्यन्ते—
संयोजनेनापि तस्मिन्निति। हेतौ—सवस्तुका धर्माः। कतमे ? सर्वे संस्कृता
धर्मा इति। परिग्रहे—क्षेत्रवस्तु, गृहवस्तु, आपणवस्तु, धनवस्तु। परिग्रहं प्रहाय
ततः प्रतिविरतो भवतीति। इह हेतौ वस्तुशब्दो वेदितव्यो हेतुवचनः। किलेति
किलशब्दः परमतं¹ दर्शयति। स्वमतं त्वस्य लक्ष्यते। सवस्तुकाः सस्वभावाः
संस्कृताः। असंस्कृतास्त्ववस्तुकाः, प्रज्ञप्तिसत्त्वादिति॥ ७॥
त एव पुनः संस्कृता इति ये सास्रवा अनास्रवाः पूर्वमुक्ता इति दर्शयति—
“ये सास्रवा उपादानस्कन्धास्ते” इति। 'तेषाम्' इत्यत्राध्याहार्यम्। किं सिद्धमिति।
यदर्थापन्नं तद्विचारयति। उपादानस्कन्धादयः सूत्रेषूक्ताः, तेनेह ते न व्याख्या-
यन्ते। सर्वोऽभिधर्मः सूत्रार्थ इति विस्तरेणोक्तमेतत्। तत्सम्भूतत्वादुपादान-
स्कन्धा इति। उपादानसम्भूताः स्कन्धा उपादानस्कन्धाः, मध्यमपदलोपात्।
यथा तृणसम्भूतोऽग्निस्तृणाग्निः,। उपादानानां
स्कन्धा उपादानस्कन्धा इति षष्ठीसमासेनेव मध्यमपदलोपमकृत्वाऽन्ये साधयन्ति,
एवं च निदर्शयन्ति—यथा तृणानामग्निस्तृणाग्निरिति। युक्तम् ये सत्त्व-
संख्यातास्त उपादानस्कन्धाः, क्लेशाभिस्यन्दितकर्महेतुकत्वात्; बाह्यास्तु
भावाः कथमुपादानस्कन्धाः ? तेऽप्युपादाननिर्वृत्ताः, “कर्मजं लोकवैचित्र्यम्”
(अभि० को० ४. १) इति सिद्धान्तात्।
तद्विधेयत्वाद्वा राजपुरुषवदिति। यथा राज्ञो विधेयः पुरुषः, एवमुपादानानां
विधेयाः स्कन्धाः, तद्वशेनालम्बनगत्यन्तरप्रवृत्तेः। उपादानानि वा तेभ्यः सम्भ-
वन्तीति। अर्थकथनमात्रमेतत्। पदानि त्वेवं वक्तव्यानि—उपादानानां सम्भवा
हेतवो वा स्कन्धा उपादानस्कन्धाः। पुष्पफलवृक्षवत्। यथा पुष्पाणां फलानां
वा सम्भवो हेतुर्वृक्षः, पुष्पवृक्ष इति वा, तद्वत्। अर्हत्स्कन्धा अपि पारसान्ता-
निकोपादानविधेयाः, विक्रियापादनात्। तेभ्योऽपि पारसान्तानिकान्युपादानानि
सम्भवन्तीत्यविरुद्धमेषामुपादानस्कन्धत्वम्।
१. वैभाषिकमतमित्यर्थः।

― निर्देशः ] प्रथमं कोशस्थानम् २९
सरणा अपि ।
रणा हि क्लेशाः; आत्मपरव्याबाधनात् । तदनुशयितत्वात् सरणाः,
सास्रववत् । पुनः—
दुःखं समुदयो लोको दृष्टिस्थानं भवश्च ते ॥ ८ ॥
आर्याणां प्रतिकूलत्वाद् दुःखम् समुदेत्यस्माद् दुःखमिति समुदयः ।
लुज्यत¹ इति लोकः । दृष्टिरस्मिंस्तिष्ठत्यनुशयनादिति दृष्टिस्थानम् । भवतीति
भवः । इत्येते सास्रवाणां धर्मांणामन्वर्थपर्यायाः ॥ ८ ॥
रणा हि क्लेशा आत्मपरव्याबाधनादिति । ये ह्यात्मानं परांश्च व्याबाधन्ते
ते रणाः, युद्धानीत्यर्थः । तथैव च क्लेशा रणा उच्यन्ते । तदनुशयितत्वा-
दिति । तैरनुशयिता उपसेविता इत्यर्थः । अथ वा—अनुशयिनः कृतास्तैरनु-
शयिनः, तद्भावस्तदनुशयितत्वम्, तस्मात् = तदनुशयितत्वात् । अथ वा—
तेषामनुशयितत्वम्, तस्मात् । सरणाः सास्रववत् । सास्रवत्वे यद्व्याख्यानं
तदेवास्य वक्तव्यम् । आर्याणां प्रतिकूलत्वाद् दुःखम् इति । संस्कारदुःखतयार्याणां
तन् प्रतिकूलम् । समुदेत्यस्मात् दुःखमिति समुदय इति । हेतुभूताः स्कन्धाः
समुदयः, फलभूताः स्कन्धा दुःखमिति वर्णयन्ति । लुज्यत इति लोकः इति ।
“अस्मिन्नेव रोहिताश्व व्याममात्रे कलेवरे लोकं प्रज्ञापयामि लोकसमुदयं च”
( अं० नि० २. ४८ ) इति सूत्रम्, “लुज्यते प्रलुज्यते तस्माल्लोकः” ( सं०
नि० ४. ५२ ) इति च भगवतैवोक्तम् । लुज्यते विनश्यतीत्यर्थः । लुजिरिह
गृहीतः, न लोकिः । नैरुक्तेन तु विधानेन गकारस्य स्थाने ककारः कृतः,
तस्माल्लोक इति भवति । दृष्टिरस्मिंस्तिष्ठतीति । “ये केचिद् भिक्षव आत्मत
आत्मीयतश्च समनुपश्यन्ति न इमानेव पञ्चोपादानस्कन्धानात्मत आत्मीय-
तश्च समनुपश्यन्ति” ( ) इति वचनादुपादानस्कन्धाः दृष्टिस्थानम् ।
भवतीति भवः इति । सास्रवा एव धर्मा भवशब्देनोक्ताः; “भवः कतमः ?
पञ्चोपादानस्कन्धाः” ( ) इति वचनात् । एते च दुःखादयः शब्दा
मार्गसत्येऽपि प्रसज्यन्ते, मार्गसत्यमपि हि संस्कारदुःखतया दुःखम्, समनन्तर-
प्रत्ययादिभावेन चास्मात् सास्रवं वस्तु समुदेति, लुज्यते च, दृष्टिश्च तदालम्बते,
भवति च तदुत्पद्यत इत्यर्थः ? नैष दोषः; रूढिं ह्यपेक्षते शब्दप्रवृत्तिः । ये धर्माः
१. लक्ष्यत—का० ।

“पञ्च रूपादयः स्कन्धाः” ( अभि० को० १.७ ) इत्युक्तम्, तत्र—
रूपं पञ्चेन्द्रियाण्यथाः पञ्चाविज्ञप्तिरेव च ।
पञ्चेन्द्रियाणि चक्षुः-श्रोत्र-घ्राण-जिह्वा-कायेन्द्रियाणि, पञ्चार्थास्तेषामेव
चक्षुरादीन्निन्द्रियाणां यथास्वं ये पञ्च विषयाः रूपशब्दगन्धरसस्प्रष्टव्याख्याः,
अविज्ञप्तिश्च—इति एतावान् रूपस्कन्धः ।
तत्र य एते पञ्च रूपादयोऽर्था उक्ताः,
तद्विज्ञानाश्रया रूपप्रसादाश्चक्षुरादयः ॥ ९ ॥
संस्कारदुःखतया आर्याणां प्रतिकूला दुःखानिरोधिनः तदुत्पादकाः प्रसिद्धा दृष्टि-
पुष्टिजनका अनादिमति च संसारे विनश्यन्ति, भवन्ति तेष्वेवामी दुःखादय
आर्यैः सङ्केतिताः, न मार्गसत्ये । तस्मात् सास्रवा एव धर्मा दुःखशब्दाद्य-
भिधेया भवन्ति, नानास्रवाः । न हि ‘गच्छतीति गौः’ इत्य