अभिधर्मकोश एवं भाष्य (आचार्य वसुबन्धु - स्फुटार्था व्याख्या सहित सम्पूर्ण बौद्ध दर्शन महाकोश)

निर्देशः ] प्रथमं कोशस्थानम् २१
मध्यपदलोपं कृत्वा¹ गोरथवत् ।
किं पुनरेक एव सर्वेषां सास्रवाणां धर्माणां प्रतिसंख्यानिरोधः ? नेत्याह ।
किं तर्हि ?
पृथक् पृथक् ।
यावन्ति हि संयोगद्रव्याणि तावन्ति विसंयोगद्रव्याणि । अन्यथा हि
दुःखदर्शनहेयक्लेशनिरोधसाक्षात्करणात् सर्वक्लेशनिरोधसाक्षात्क्रिया प्रसज्येत ।
सति चैवं शेषप्रतिपक्षभावनावैयर्थ्यं स्यात् ।
यत्तह्युक्तम्—“असभागो निरोधः” इति, अस्य कोऽर्थः ?
प्रतिसंख्यानिरोधः । मध्यपदलोपं कृत्वा इति । “शाकपार्थिवादीनामुपसंख्यानम्,
शाकप्रियाः पार्थिवाः शाकपार्थिवाः” ( पा० सू० २. १. ६० ) इतीष्ट्या
मध्यपदलोपः । यदि · प्रतिसंख्यानास्रवैव प्रज्ञा गृह्येत, लौकिकमार्गप्राप्यो
निरोधो न गृहीत इत्यव्यापि लक्षणं प्राप्नोति ? नाव्यापि; सर्वो हि त्रैधातुक-