सन्त दादू दयाल वाणी (सन्त दादू दयाल जी - सम्पूर्ण साखी एवं पद सटीक)

श्री दादूवाणी-दया निर्वैरता का अंग 29
दादू मंदिर काँच का, मर्कट सुनहाँ जाइ ।
दादू एक अनेक है, आप आपको खाइ ॥ 17 ॥
आत्म भाई जीव सब, एक पेट परिवार ।
दादू मूल विचारिये, तो दूजा कौन गँवार ॥ 18 ॥
दादू सूखा सहजैं कीजिये, नीला भानै नांहि ।
काहे को दुख दीजिये, साहिब है सब मांहि ॥ 19 ॥
दया निर्वैरता
घट घट के उनहार सब, प्राण परस है जाइ ।
दादू एक अनेक है, बरतैं नाना भाइ ॥ 20 ॥
आये एकंकार सब, साँई दिये पठाइ ।
दादू न्यारे नांम धर, भिन्न भिन्न है जाइ ॥ 21 ॥
आये एकंकार सब, साँई दिये पठाइ ।
आदि अंत सब एक है, दादू सहज समाइ ॥ 22 ॥
आतम देव आराजिये, विरोधिये नहिं कोइ ।
आराधे सुख पाइये, विरोधे दुःख होइ ॥ 23 ॥
ज्यों आपै देखे आपको, यों जे दूसर होइ ।
तो दादू दूसर नहीं, दुःख न पावै कोइ ॥ 24 ॥
दादू सम कर देखिये, कुंजर कीट समान ।
दादू दुविधा दूर कर, तज आपा अभिमान ॥ 25 ॥
अदया हिंसा
दादू अर्श खुदाय का, अजरावर का थान ।
दादू सो क्यों ढाहिये, साहिब का नीशान ॥ 26 ॥
दादू आप चिणावै देहुरा, तिसका करहि जतन ।
प्रत्यक्ष परमेश्वर किया, सो भानै जीव रतन ॥ 27 ॥
मसीत संवारी माणसाँ, तिसको करैं सलाम ।
ऐन आप पैदा किया, सो ढाहैं मुसलमान ॥ 28 ॥

• 273 -

श्री दादूवाणी-दया निर्वैरता का अंग 29
दादू जंगल मांही जीव जे, जग तैं रहैं उदास।
भयभीत भयानक रात दिन, निश्चल नाहीं वास ॥ 29 ॥
वाचा बंधी जीव सब, भोजन पानी घास।
आत्म ज्ञान न ऊपजै, दादू करहि विनास ॥ 30 ॥
काला मुँह कर करद का, दिल तैं दूर निवार।
सब सूरत सुबहान की, मुल्लां मुग्ध न मार ॥ 31 ॥
गला गुस्से का काटिये, मियाँ मनी को मार।
पंचों बिस्मिल कीजिये, ये सब जीव उबार ॥ 32 ॥
वैर विरोधे आत्मा, दया नहीं दिल मांहि।
दादू मूरति राम की, ताको मारन जांहि ॥ 33 ॥
दया निर्वैरता
कुल आलम यके दीदम, अरवाहे इखलास।
बद अमल बदकार दुई, पाक यारां पास ॥ 34 ॥
काल झाल तैं काढ कर, आतम अंग लगाइ।
जीव दया यहु पालिये, दादू अमृत खाइ ॥ 35 ॥
दादू बुरा न बांछै जीव का, सदा सजीवन सोइ।
परलै विषय विकार सब, भाव भक्ति रत होइ ॥ 36 ॥
सतगुरु संतों की यह रीत, आत्म भाव सौं राखैं प्रीत।
ना को बैरी ना को मीत, दादू राम मिलन की चीत ॥ 37 ॥
इति श्री दादूदास-विरचिते सतगुरु-प्रसादेन प्रोक्तं भक्तियोगनाम
तत्वसारमत-सर्वसाधुर्बुद्धिज्ञान-सर्वशास्त्र-शोधितं रामनाम सतगुरुशिक्षा
धर्मशास्त्र-सत्योपदेश-ब्रह्मविद्यायां मनुष्य जीवनाम् नित्य-श्रवणं पठनं
मोक्षदायकम् श्री दादूवाणीनाम् माहात्म्य
उन्तीसवां दया निर्वैरता काअंग सम्पूर्ण ॥ अंग 29 ॥ साखी 37 ॥

• 274 -

सुंदरी का अंग
www.dadooram.org
अथ सुन्दरी का अंग ३०
मंगलाचरण
दादू नमो नमो निरंजनं, नमस्कार गुरुदेवतः ।
वन्दनं सर्व साधवा, प्रणामं पारंगत: ।। 1 ।।
सुन्दरी विलाप
आरतवन्ती सुन्दरी, पल पल चाहे पीव ।
दादू कारण कंत के, तालाबेली जीव ।। 2 ।।
काहे न आवहु कंत घर, क्यों तुम रहे रिसाइ ।
दादू सुन्दरी सेज पर, जन्म अमोलक जाइ ।। 3 ।।

• 275 -

श्री दादूवाणी-सुन्दरी का अंग 30
आतम अंतर आव तूं, या है तेरी ठौर।
दादू सुन्दरी पीव तूं, दूजा नांही और ॥ 4 ॥
दादू पीव न देख्या नैन भर, कंठ न लागी धाइ।
सूती नहीं गल बाँह दे, बीच हि गई बिलाइ ॥ 5 ॥
सुरति पुकारै सुन्दरी, अगम अगोचर जाइ।
दादू विरहनी आत्मा, उठ उठ आतुर धाइ ॥ 6 ॥
साँई कारण सेज सँवारी, सब तैं सुन्दर ठौर।
दादू नारी नाह बिन, आण बिठाये और ॥ 7 ॥
कोई अवगुण मन बस्या, चित तैं धरी उतार।
दादू पति बिन सुन्दरी, हाँडै घर-घर बार ॥ 8 ॥
अन्य लगन व्यभिचार
प्रेम प्रीति सनेह बिन, सब झूठे श्रृंगार।
दादू आतम रत नहीं, क्यों मानै भरतार ॥ 9 ॥
दादू हौं सुख सूती नींद भर, जागै मेरा पीव।
क्यों कर मेला होइगा, जागै नांही जीव ॥ 10 ॥
सखी न खेलै सुन्दरी, अपने पीव सौं जाग।
स्वाद न पाया प्रेम का, रही नहीं उर लाग ॥ 11 ॥
पंच दिहाड़े पीव सौं, मिल काहे न खेले।
दादू गहली सुन्दरी, क्यों रहै अकेले ॥ 12 ॥
सखी सुहागिन सब कहैं, हौं री दुहागिन आहि।
पिव का महल न पाइये, कहाँ पुकारूँ जाहि ॥ 13 ॥
सखी सुहागिन सब कहैं, कंत न बूझै बात।
मनसा वाचा कर्मणा, मूर्च्छ मूर्च्छ जीव जात ॥ 14 ॥
सखी सुहागिन सब कहैं, पीव सौं परस न होइ।
निशवासर दुख पाइये, यहु व्यथा न जान कोइ ॥ 15 ॥

• 276 -

श्री दादूवाणी-सुन्दरी का अंग 30
सखी सुहागिन सब कहैं, प्रकट न खेलै पीव।
सेज सुहाग न पाइये, दुखिया मेरा जीव ॥ 16 ॥
अन्य लग्न व्यभिचार
पुरुष पुरातन छाड़ कर, चली आन के साथ।
सो भी संग तैं बीछुट्या, खड़ी मरोड़े हाथ ॥ 17 ॥
सुन्दरी विलाप
सुन्दरी कबहुँ कंत का, मुख सौं नाम न लेइ।
अपने पीव के कारणैं, दादू तन मन देइ ॥ 18 ॥
नैन बैन कर वारणै, तन मन पिंड पराण।
दादू सुन्दरी बलि गई, तुम पर कंत सुजान ॥ 19 ॥
तन भी तेरा, मन भी तेरा, तेरा पिंड पराण।
सब कुछ तेरा, तूँ है मेरा, यहु दादू का ज्ञान ॥ 20 ॥
सुन्दरी मोहे पीव को, बहुत भाँति भरतार।
त्यों दादू रिझवै राम को, अनन्त कला करतार ॥ 21 ॥
नदियाँ नीर उलंघ कर, दरिया पैली पार।
दादू सुन्दरी सो भली, जाइ मिले भरतार ॥ 22 ॥
सुन्दरी सुहाग
प्रेम लहर गह ले गई, अपने प्रीतम पास।
आत्म सुन्दरी पीव को, विलसै दादू दास ॥ 23 ॥
सुन्दरी को साँई मिल्या, पाया सेज सुहाग।
पींव सौं खेलै प्रेम रस, दादू मोटे भाग ॥ 24 ॥
दादू सुन्दरी देह में, साँई को सेवै।
राती अपने पीव सौं, प्रेम रस लेवै ॥ 25 ॥
दादू निर्मल सुन्दरी, निर्मल मेरा नाह।
दोन्यों निर्मल मिल रहे, निर्मल प्रेम प्रवाह ॥ 26 ॥

• 277 -

श्री दादूवाणी-सुन्दरी का अंग 30
साँई सुन्दरी सेज पर, सदा एक रस होइ ।
दादू खेलै पीव सौं, ता सम और न कोइ ॥ 27 ॥
इति श्री दादूदास-विरचिते सतगुरु-प्रसादेन प्रोक्तं भक्तियोगनाम
तत्वसारमत-सर्वसाधुर्बुद्धिज्ञान-सर्वशास्त्र-शोधितं रामनाम सतगुरुशिक्षा
धर्मशास्त्र-सत्योपदेश-ब्रह्मविद्यायां मनुष्य जीवनाम् नित्य-श्रवणं पठनं
मोक्षदायकम् श्री दादूवाणीनाम् माहात्म्य
तीसवां सुन्दरी का अंग सम्पूर्ण ॥ अंग 30 ॥ साखी 27 ॥

• 278 -

कस्तूरिया मृग
का
अंग
www.dadooram.org
अथ कस्तूरिया मृग का अंग ३१
मंगलाचरण
दादू नमो नमो निरंजनं, नमस्कार गुरुदेवतः ।
वन्दनं सर्व साधवा, प्रणामं पारंगतः ।। 1 ।।
दादू घट कस्तूरी मृग के, भ्रमत फिरै उदास ।
अन्तरगति जाणै नहीं, तातैं सूंघै घास ।। 2 ।।
सब घट में गोविन्द है, संग रहै हरि पास ।
कस्तूरी मृग में बसै, सूंघत डोलै घास ।। 3 ।।
दादू जीव न जानै राम को, राम जीव के पास ।
गुरु के शब्दों बाहिरा, तातैं फिरै उदास ।। 4 ।।

• 279 -

श्री दादूवाणी-कस्तूरिया मृग का अंग 31
दादू जा कारण जग ढूंढ़िया, सो तो घट ही मांहि।
मैं तैं पड़दा भरम का, तातैं जानत नांहि ॥ 5 ॥
दादू दूर कहैं ते दूर हैं, राम रह्या भरपूर।
नैनहुं बिन सूझै नहीं, तातैं रवि कत दूर ॥ 6 ॥
ओडो हूवो पाण खे, न लघाऊं मंझ।
न जाताऊं पाण में, तांई क्या ऊंपंध ॥ 7 ॥
दादू केई दौड़े द्वारिका, केई काशी जांहि।
केई मथुरा को चले, साहिब घट ही मांहि ॥ 8 ॥
दादू सब घट मांही रम रह्या, बिरला बूझै कोइ।
सोई बूझै राम को, जे राम सनेही होइ ॥ 9 ॥
दादू जड़मति जीव जाणै नहीं, परम स्वाद सुख जाइ।
चेतन समझै स्वाद सुख, पीवै प्रेम अघाइ ॥ 10 ॥
जागत जे आनन्द करै, सौ पावै सुख स्वाद।
सूते सुख ना पाइये, प्रेम गँवाया बाद ॥ 11 ॥
दादू जिसका साहिब जागणा, सेवक सदा सचेत।
सावधान सन्मुख रहै, गिर गिर पड़े अचेत ॥ 12 ॥
दादू साँई सावधान, हम ही भये अचेत।
प्राणी राख न जानहि, तातैं निष्फल खेत ॥ 13 ॥
सगुना निगुना कृतघ्नी
दादू गोविन्द के गुण बहुत हैं, कोई न जाणै जीव।
अपणी बूझै आप गति, जे कुछ किया पीव ॥ 14 ॥
इति श्री दादूदास-विरचिते सतगुरु-प्रसादेन प्रोक्तं भक्तियोगनाम तत्वसारमत-
सर्वसाधुर्बुद्धिज्ञान-सर्वशास्त्र-शोधितं रामनाम सतगुरुशिक्षा धर्मशास्त्र-
सत्योपदेश-ब्रह्मविद्यायां मनुष्य जीवनाम् नित्य-श्रवणं पठनं
मोक्षदायकम् श्री दादूवाणीनाम् माहात्म्य
इकतीसवां कस्तूरिया कअंग सम्पूर्ण ॥ अंग 31 ॥ साखी 14 ॥

• 280 -

निंदा का अंग
www.dadooram.org
अथ निन्दा का अंग ३२
मंगलाचरण
दादू नमो नमो निरंजनं, नमस्कार गुरुदेवतः ।
वन्दनं सर्व साधवा, प्रणामं पारंगत: ॥ 1 ॥
मत्सर ईर्ष्या
साधु निर्मल मल नहीं, राम रमै सम भाइ ।
दादू अवगुण काढ कर, जीव रसातल जाइ ॥ 2 ॥
दादू जब ही साधु सताइये, तब ही ऊँघ पलट।
आकाश धँसै, धरती खिसै, तीनों लोक गरक ॥ 3 ॥

• 281 -

श्री दादूवाणी-निंदा का अंग 32
निन्दा
दादू जिहिं घर निंदा साधु की, सो घर गये समूल ।
तिनकी नींव न पाइये, नांव न ठांव न धूल ॥ 4 ॥
दादू निंदा नाम न लीजिये, स्वप्नै ही जनि होइ ।
ना हम कहैं, न तुम सुनो, हमें जनि भाषै कोइ ॥ 5 ॥
दादू निन्दा किये नरक है, कीट पड़ैं मुख मांहि ।
राम विमुख जामै मरै, भग-मुख आवै जाहि ॥ 6 ॥
दादू निंदक बपुरा जनि मरै, पर उपकारी सोइ ।
हम को करता ऊजला, आपण मैला होइ ॥ 7 ॥
दादू जिहिं विधि आतम उद्धरै, परसे प्रीतम प्राण ।
साधु शब्द क्यूं निंदणां, समझैं चतुर सुजाण ॥ 8 ॥
मत्सर ईर्ष्या
अनदेख्या अनरथ कहैं, कलि पृथिवी का पाप ।
धरती अंबर जब लगै, तब लग करैं कलाप ॥ 9 ॥
अनदेख्या अनरथ कहैं, अपराधी संसार ।
जद तद लेखा लेइगा, समर्थ सिरजनहार ॥ 10 ॥
दादू डरिये लोक तैं, कैसी धरहिं उठाइ ।
अनदेखी अजगैब की, ऐसी कहैं बनाइ ॥ 11 ॥
अमिट पाप प्रचंड
दादू अमृत कूँ विष, विष को अमृत, फेरि धरैं सब नाम ।
निर्मल मैला, मैला निर्मल, जाहिंगे किस ठाम ॥ 12 ॥
मत्सर ईर्ष्या
दादू साचे को झूठा कहैं, झूठे को साचा ।
राम दुहाई काढिये, कंठ तैं वाचा ॥ 13 ॥
दादू झूठ न कहिये सच को, सच न कहिये झूठ ।
दादू साहिब मानै नहीं, लागै पाप अखूट ॥ 14 ॥

• 282 -

श्री दादूवाणी-निंदा का अंग 32
दादू झूठ दिखावै साच को, भयानक भयभीत ।
साचा राता साच सौं, झूठ न आनै चीत ॥ 15 ॥
साचे को झूठा कहैं, झूठा साच समान ।
दादू अचरज देखिया, यहु लोगों का ज्ञान ॥ 16 ॥
निन्दा
दादू निन्दक बुरा न कहिये, पर उपकारी अस कहाँ लहिये ।
ज्यों ज्यों निन्दैं लोग विचारा, त्यों त्यों छीजै रोग हमारा ॥ 17 ॥
इति श्री दादूदास-विरचिते सतगुरु-प्रसादेन प्रोक्तं भक्ति योगनाम
तत्वसारमत-सर्वसाधुबुद्धिज्ञान-सर्वशास्त्र-शोधितं रामनाम सतगुरुशिक्षा
धर्मशास्त्र-सत्योपदेश-ब्रह्मविद्यायां मनुष्य जीवनाम् नित्य-श्रवणं पठनं
मोक्षदायकम् श्री दादूवाणीनाम् माहात्म्य
बत्तीसवां निन्दा का अंग सम्पूर्ण ॥ अंग 32 ॥ साखी 17 ॥

• 283 -

निगुणा का
अंग
www.dadooram.org
अथ निगुणा का अंग ३३
मंगलाचरण
दादू नमो नमो निरंजनं, नमस्कार गुरुदेवतः ।
वन्दनं सर्व साधवा, प्रणामं पारंगतः ॥ 1 ॥
सगुणा निगुणा कृतघ्नी
दादू चंदन बावना, बसै बटाऊ आइ ।
सुखदाई शीतल किये, तीनों ताप नसाइ ॥ 2 ॥
काल कुहाड़ा हाथ ले, काटन लागा ढाइ ।
ऐसा यहु संसार है, डाल मूल ले जाइ ॥ 3 ॥

• 284 -

श्री दादूवाणी-निगुणा का अंग 33
अज्ञ स्वभाव अपलट
सतगुरु चन्दन बावना, लागे रहें भुवंग।
दादू विष छाडैं नहीं, कहा करै सत्संग ॥ 4 ॥
दादू कीड़ा नरक का, राख्या चंदन मांहि।
उलट अपूठा नरक में, चन्दन भावै नांहि ॥ 5 ॥
सतगुरु साधु सुजान है, शिष का गुण नहिं जाइ।
दादू अमृत छाड़ कर, विषय हलाहल खाइ ॥ 6 ॥
कोटि बर्ष लौं राखिये, बंसा चन्दन पास।
दादू गुण लिये रहै, कदे न लागै बास ॥ 7 ॥
कोटि वर्ष लौं राखिये, पत्थर पानी मांहि।
दादू आडा अंग है, भीतर भेदै नांहि ॥ 8 ॥
कोटि वर्ष लौं राखिये, लोहा पारस संग।
दादू रोम का अन्तरा, पलटै नांही अंग ॥ 9 ॥
कोटि वर्ष लौं राखिये, जीव ब्रह्म संग दोइ।
दादू मांहीं वासना, कदे न मेला होइ ॥ 10 ॥
सगुणा निगुणा कृतघ्नी
मूसा जलता देख कर, दादू हंस दयाल।
मान सरोवर ले चल्या, पंखा काटे काल ॥ 11 ॥
सब जीव भुवंगम कूप में, साधु काढैं आइ।
दादू विषहर विष भरे, फिर ताही को खाइ ॥ 12 ॥
दादू दूध पिलाइये, विषहर विष कर लेइ।
गुण का औगुण कर लिया, ताही को दुख देइ ॥ 13 ॥
अज्ञ स्वभाव अपलट
बिन ही पावक जल मुवा, जवासा जल मांहि।
दादू सूखै सींचतां, तो जल को दूषण नांहि ॥ 14 ॥

• 285 -

श्री दादूवाणी-निगुणा का अंग 33
सगुणा निगुणा कृतघ्नी
सुफल वृक्ष परमार्थी, सुख देवै फल फूल।
दादू ऊपर बैस कर, निगुणा काटै मूल ॥ 15 ॥
दादू सगुणा गुण करै, निगुणा मानै नांहि।
निगुणा मर निष्फल गया, सगुणा साहिब मांहि ॥ 16 ॥
निगुणा गुण मानै नहीं, कोटि करै जे कोइ।
दादू सब कुछ सौंपिये, सो फिर बैरी होइ ॥ 17 ॥
दादू सगुणा लीजिये, निगुणा दीजे डार।
सगुणा सन्मुख राखिये, निगुणा नेह निवार ॥ 18 ॥
सगुणा गुण केते करै, निगुणा न मानै एक।
दादू साधू सब कहैं, निगुणा नरक अनेक ॥ 19 ॥
सगुणा गुण केते करै, निगुणा नाखै ढाहि।
दादू साधू सब कहैं, निगुणा निष्फल जाइ ॥ 20 ॥
सगुणा गुण केते करै, निगुणा न मानै कोइ।
दादू साधु सब कहैं, भला कहाँ तैं होइ ॥ 21 ॥
सगुणा गुण केते करै, निगुणा न मानै नीच।
दादू साधू सब कहैं, निगुणा के सिर मीच ॥ 22 ॥
साहिबजी सब गुण करै, सतगुरु के घट होइ।
दादू काढै काल मुख, निगुणा न मानै कोइ ॥ 23 ॥
साहिबजी सब गुण करै, सतगुरु मांही आइ।
दादू राखै जीव दे, निगुणा मेटै जाइ ॥ 24 ॥
साहिबजी सब गुण करै, सतगुरु का दे संग।
दादू परलै राखिले, निगुणा न पलटै अंग ॥ 25 ॥
साहिब जी सब गुण करै, सतगुरु आडा देइ।
दादू तारै देखतां, निगुणा गुण नहिं लेइ ॥ 26 ॥

• 286 -

श्री दादूवाणी-निगुणा का अंग 33
सतगुरु दिया राम धन, रहै सुबुद्धि बताइ।
मनसा वाचा कर्मणा, बिलसै वितड़ै खाइ ॥ 27 ॥
किया कृत मेटै नहीं, गुण ही मांहि समाइ।
दादू बधै अनन्त धन, कबहुँ कदे न जाइ ॥ 28 ॥
इति श्री दादूदास-विरचिते सतगुरु-प्रसादेन प्रोक्तं भक्तियोगनाम
तत्वसारमत-सर्वसाधुर्बुद्धिज्ञान-सर्वशास्त्र-शोधितं रामनाम सतगुरुशिक्षा
धर्मशास्त्र-सत्योपदेश-ब्रह्मविद्यायां मनुष्य जीवनाम् नित्य-श्रवणं पठनं
मोक्षदायकम् श्री दादूवाणीनाम् माहात्म्य
तैंतीसवां निगुणा का अंग सम्पूर्ण ॥ अंग 33 ॥ साखी 28 ॥

• 287 -

विनती का
अंग
अथ विनती का अंग ३४
मंगलाचरण
दादू नमो नमो निरंजनं, नमस्कार गुरुदेवतः ।
वन्दनं सर्व साधवा, प्रणामं पारंगत: ॥ 1 ॥
करूणा
दादू बहुत बुरा किया, तुम्हें न करना रोष।
साहिब समाई का धनी, बन्दे को सब दोष ॥ 2 ॥
दादू बुरा बुरा सब हम किया, सो मुख कह्या न जाइ ।
निर्मल मेरा सांइयाँ, ताको दोष न लाइ ॥ 3 ॥
साँई सेवा चोर मैं, अपराधी बन्दा ।
दादू दूजा को नहीं, मुझ सरीखा गन्दा ॥ 4 ॥

• 288 -

श्री दादूवाणी-विनती का अंग 34
तिल तिल का अपराधी तेरा,रती रती का चोर ।
पल पल का मैं गुनही तेरा, बख्शो अवगुण मोर ॥ 5 ॥
महा अपराधी एक मैं, सारे इहि संसार ।
अवगुण मेरे अति घणे, अन्त न आवैं पार ॥ 6 ॥
बे मर्यादा मित नहीं, ऐसे किये अपार ।
मैं अपराधी बापजी, मेरे तुम्हीं एक अधार ॥ 7 ॥
दोष अनेक कलंक सब, बहुत बुरे मुझ मांहि ।
मैं किये अपराध सब, तुम तैं छाना नांहि ॥ 8 ॥
गुनहगार अपराधी तेरा, भाजि कहाँ हम जाहिं ।
दादू देख्या शोध सब, तुम बिन कहीं न समाहिं ॥ 9 ॥
आदि अंत लौं आय कर, सुकृत कछू न कीन्ह ।
माया मोह मद मत्सरा, स्वाद सबै चित दीन्ह ॥ 10 ॥
विनती
काम क्रोध संशय सदा, कबहूँ नाम न लीन ।
पाखंड प्रपंच पाप में, दादू ऐसे खीन ॥ 11 ॥
दादू बहु बंधन सौं बंधिया, एक बिचारा जीव ।
अपने बल छूटै नहीं, छोड़नहारा पीव ॥ 12 ॥
दादू बंदीवान है, तूँ बन्दी छोड़ दीवान ।
अब जनि राखो बंदि में, मीरां मेहरबान ॥ 13 ॥
दादू अंतर कालिमा, हिरदै बहुत विकार ।
प्रकट पूरा दूर कर, दादू करै पुकार ॥ 14 ॥
सब कुछ व्यापै राम जी, कुछ छूटा नांही ।
तुम तैं कहाँ छिपाइये, सब देखो मांही ॥ 15 ॥
सबल साल मन में रहै, राम बिसर क्यों जाइ ।
यहु दुख दादू क्यों सहै, साँई करो सहाइ ॥ 16 ॥

• 289 -

श्री दादूवाणी-विनती का अंग 34
राखणहारा राख तूँ, यहु मन मेरा राखि ।
तुम बिन दूजा को नहीं, साधू बोलैं साखि ॥ 17 ॥
माया विषय विकार तैं, मेरा मन भागे ।
सोई कीजे साँईयाँ, तूँ मीठा लागे ॥ 18 ॥
साँई दीजे सो रति, तूँ मीठा लागे ।
दूजा खारा होइ सब, सूता जीव जागे ॥ 19 ॥
ज्यों आपै देखे आपको, सो नैना दे मुझ ।
मीरां मेरा मेहर कर, दादू देखे तुझ ॥ 20 ॥
विनती
दादू पछतावा रह्या, सके न ठाहर लाइ ।
अर्थ न आया राम के, यहु तन योंही जाइ ॥ 21 ॥
दादू कहै- दिन दिन नवतम भक्ति दे, दिन दिन नवतम नांव ।
दिन दिन नवतम नेह दे, मैं बलिहारी जांव ॥ 22 ॥
साँई संशय दूर कर, कर शंका का नाश ।
भान भ्रम दुविध्या दुख दारुण, समता सहज प्रकाश ॥ 23 ॥
दया विनती
नांही प्रकट ह्वै रह्या, है सो रह्या लुकाइ ।
संइयाँ पड़दा दूर कर, तूँ ह्वै प्रकट आइ ॥ 24 ॥
दादू माया प्रकट ह्वै रही, यों जे होता राम ।
अरस परस मिल खेलते, सब जीव सब ही ठाम ॥ 25 ॥
दया करै तब अंग लगावै, भक्ति अखंडित देवै ।
दादू दर्शन आप अकेला, दूजा हरि सब लेवै ॥ 26 ॥
दादू साध सिखावैं आत्मा, सेवा दिढ कर लेहु ।
पारब्रह्म सौं विनती, दया कर दर्शन देहु ॥ 27 ॥

• 290 -

श्री दादूवाणी-विनती का अंग 34
साहिब साधु दयालु हैं, हम ही अपराधी ।
दादू जीव अभागिया, अविद्या साधी ॥ 28 ॥
सब जीव तोरैं राम सौं, पै राम न तोरे ।
दादू काचे ताग ज्यों, टूटै त्यों जोरे ॥ 29 ॥
सजीवन
फूटा फेरि संवार कर, ले पहुँचावे ओर ।
ऐसा कोई ना मिलै, दादू गई बहोर ॥ 30 ॥
ऐसा कोई ना मिलै, तन फेरि संवारै ।
बूढे तैं बाला करै, खै काल निवारै ॥ 31 ॥
परच करूणा विनती
गलै विलै कर बीनती, एकमेक अरदास ।
अरस परस करुणा करै, तब द्रवै दादू दास ॥ 32 ॥
साँईं तेरे डर डरूँ, सदा रहूँ भैभीत ।
अजा सिंह ज्यों भय घणा, दादू लिया जीत ॥ 33 ॥
पोख प्रतिपाल रक्षक
दादू पलक मांहि प्रकटै सही, जे जन करैं पुकार ।
दीन दुखी तब देखकर, अति आतुर तिहिं बार ॥ 34 ॥
आगे पीछे संग रहै, आप उठाये भार ।
साधु दुखी तब हरि दुखी, ऐसा सिरजनहार ॥ 35 ॥
सेवक की रक्षा करै, सेवक की प्रतिपाल ।
सेवग की वाहर चढै, दादू दीन दयाल ॥ 36 ॥
विनती सागर तरण
दादू काया नाव समंद में, औघट बूड़े आइ ।
इहि अवसर एक अगाध बिन, दादू कौन सहाइ ॥ 37 ॥
यहु तन भेरा भौजला, क्यों कर लंघे तीर ।
खेवट बिन कैसे तिरै, दादू गहर गंभीर ॥ 38 ॥

• 291 -

श्री दादूवाणी-विनती का अंग 34
पिंड परोहन सिन्धु जल, भव सागर संसार ।
राम बिना सूझै नहीं, दादू खेवनहार ॥ 39 ॥
यहु घट बोहित धार में, दरिया वार न पार ।
भैभीत भयानक देखकर, दादू करी पुकार ॥ 40 ॥
कलियुग घोर अंधार है, तिसका वार न पार ।
दादू तुम बिन क्यों तिरै, समर्थ सिरजनहार ॥ 41 ॥
काया के वश जीव है, कस कस बँध्या मांहि ।
दादू आत्माराम बिन, क्यों ही छूटै नांहि ॥ 42 ॥
दादू प्राणी बँध्या पंच सौं, क्योंही छूटै नांहि ।
निधणी आया मारिये, यहु जीव काया मांहि ॥ 43 ॥
तुम बिन धणी न धोरी जीव का, यों ही आवै जाइ ।
जे तूँ साँई सत्य है, तो बेगा प्रकटहु आइ ॥ 44 ॥
निधणी आया मारिये, धणी न धोरी कोइ ।
दादू सो क्यूं मारिये, साहिब सिर पर होइ ॥ 45 ॥
दया विनती
राम विमुख जुग जुग दुखी, लख चौरासी जीव ।
जामै मरै जग आवटै, राखणहारा पीव ॥ 46 ॥
पोष प्रति पाल रक्षक
समर्थ सिरजनहार है, जे कुछ करै सो होइ ।
दादू सेवक राख ले, काल न लागै कोइ ॥ 47 ॥
विनती
साँई साचा नाम दे, काल झाल मिट जाइ ।
दादू निर्भय ह्वै रहे, कबहूँ काल न खाइ ॥ 48 ॥
कोई नहिं करतार बिन, प्राण उधारणहार ।
जियरा दुखिया राम बिन, दादू इहि संसार ॥ 49 ॥

• 292 -