तन्त्रालोक (प्रथम भाग - जयरथ विवृति सहित)

७६ श्रीतन्त्रालोकः ।
इत्युच्यते, तत् कथमेतत् बुद्ध्यंशोपनिपाति न स्यात्
इत्याशंक्याह
तदज्ञानं न बुद्ध्यंशोऽध्यवसायाद्यभावतः ३८॥
एवमपि हि बुद्धेः
'अध्यवसायो बुद्धिः'
इत्याद्युक्तेरध्यवसाय एव मुख्यं रूपं, कथमस्य
एतदभावे तद्धर्मत्वं स्यात् ॥ ३८ ॥
अत एवाह
अहमित्थमिदं वेद्मीत्येवमध्यवसायिनी ।
षट्कञ्चुकाबिलागूत्थप्रतिबिम्बनतो यदा ॥३६॥
धीर्जायते तदा तादृग्ज्ञानमज्ञानशब्दितम् ।
बौद्धं तस्य च तत्पौंसं पोषणीयं च पोष्टृ च ४०॥
अस्याश्चैवमध्यवसाययोगित्वे हेतुः 'षट्कञ्चुक'
इति । षट्कञ्चुकैः
'कालकलानियतिबलाद्रागाविद्यावशेन संबद्धः ।

पं० ३ ख० पु० बुद्ध्यंशो व्यवसायेति पाठः ।
पं० ११ ख० पु० धीर्जायेतेति पाठः ।
पं० १५ क० पु० सम्बन्ध इति पाठः ।