तन्त्रालोक (प्रथम भाग - जयरथ विवृति सहित)

६६ श्रीतन्त्रालोकः ।
इत्याश्रयपरावृत्तेः का वार्त्ता इति कृतं क्षणिकवा-
दिनां मोक्षेण । बन्धमोक्षौ च स्थिरैकादिपक्षे
युज्येते, बद्धो हि मोक्षाय प्रवर्तते, प्राप्य च निवृत्तो
भवति इति, सन्तानश्चैको न विद्यते, तस्य भेदा-
भेदविकल्पोपहृतत्वात् । 'अन्तः' संविद्रूपतायामपि
'शून्यो ऽ हं' भवामि इति ज्ञानं माध्यमिकानाम् । ते
खलु सर्वभावनैःस्वाभाव्यवादिनः संविदोऽपि नैःस्वा-
भाव्यान्मिथ्यात्वमभिदधतस्तच्छून्यतायामेव मोक्ष-
माचक्षीरन् । यदाहुः
'चित्तमात्रमिदं विश्वमिति यादेशना मुनेः ।
तत्रासपरिहारार्थं बालानां सा न तत्त्वतः ॥
सापि ध्वस्ता महाभागैश्चित्तमात्रव्यवस्थितिः ।'
इति, तदप्ययुक्तं,-संविदो हि मिथ्यात्वेन स्वतन्त्र-
रूपापाकरणेऽपि मिथ्यात्वे सत्तैव न भवेत्, तस्याः
नीलादिवत् परतन्त्ररूपत्वाभावात्, नीलादीनां
हि मिथ्यात्वेन स्वतन्त्ररूपापाकरणे ऽ पि संविदात्मत-
पं० १ ग० पु० आशयपरावृत्तेरिति पाठः ।
पं० ४ ख० पु० संतानश्चैकेन विद्यते इति पाठः ।
पं० ७ ख० पु० स्वभाववादिन इति, नैःस्वभावादिति च पाठः ।