तन्त्रालोक (प्रथम भाग - जयरथ विवृति सहित)

१४ श्रीतन्त्रालोकः ।
कस्यचित्संभावनामात्रमपि माभूत्, इत्येवमुक्तं 'कोऽ
पर' इति, यत्र उपायत्वसंभावनापि स्यात् ॥१७॥
ननु यद्येवं तर्हि सर्वत्र प्रसिद्धोऽयं द्वैतव्य-
वहारः कथमपहूयते ? इत्याशङ्क्याह
इदं द्वैतमऽयं भेद
इदमद्वैतमित्यपि ।
प्रकाशवपुरेवायं
भासते परमेश्वरः ॥१८ ॥
द्वैतव्यवहारोऽपि प्रकाशमानत्वात्प्रकाशात्मैवेत्य-
भिप्रायः, एतच्च बहूनां वादिनां मतम् - इति द्योतयि-
तुम् 'अयं भेद' इति पुनरुपादानम्, यथा चाद्वैतप्रति-
भासे प्रकाशात्मा परमेश्वर एक एव प्रतिभासते तथा
द्वैतप्रतिभासेऽपि, इत्यर्थमौपम्यं कटाक्षयितुम् 'इदम-
द्वैतमित्यपि' इत्युपात्तम् ॥१८॥
ननु बाह्योऽर्थः प्रकाशमानत्वात्प्रकाशात्मैव इत्या-
स्ताम्, अन्योन्यं पुनरस्य भेदे किमायातम, इत्याप-
तितमेव द्वैतम् ? इत्याशङ्क्याह
पं० १३ क० पु० इत्युक्तमौपम्यमिति पाठः ।
पं० १६ क० पु० किमिदमापतितमिति पाठः ।