स्मृतिचन्द्रिका: व्यवहारकाण्ड (देवण्णभट्ट - दक्षिण भारत का मूर्धन्य न्याय-दर्शन महाग्रन्थ)

यः शकुनसूचकत्वेन प्रसिद्धो हरितपीतवर्णः खर्वकायः पक्षि-
विशेषः स चाषः । मद्गुः जलकाकः 'मद्गुस्तु जलवायसः'
इति वैजयन्त्याम् । शेषाः प्रसिद्धाः । एवं यत्र यत्र प्रतिप-
द्येन प्रतिषेधस्स्मर्यते तत्र निषेधविधिमतिक्रम्य भक्षणे कृते
प्रत्यवायो न मांसमात्रभक्षण इत्यनुसन्धेयम् । अत एव शङ्खे-
नाप्रतिषिद्धानां मांसं भक्ष्यमिति दर्शयितुं केचन पक्षिमृगाणा-
मप्रतिषिद्धानामुपलक्षणतयोक्ताः ।
तित्तिरिं च मयूरं च लावकं च कपिञ्जलम्।
वार्ध्रीणसं वर्तिकं च भक्ष्यमाह यमस्सदा ॥
लावकः स्वजातीयैस्सह कलहकारी पक्षिविशेषः । कपिञ्जलः
शरुः । स च चित्रवर्णपक्षः । 'चित्रपक्षे शरुकपिञ्जलौ' इति
वैजयन्त्यामभिधानात् । वार्ध्रीणसः खड्गाख्यो मृगः 'गण्डके