स्मृतिचन्द्रिका: व्यवहारकाण्ड (देवण्णभट्ट - दक्षिण भारत का मूर्धन्य न्याय-दर्शन महाग्रन्थ)

गोधूमेतरचणकादिपिष्टविकारस्यापूपप्रायस्यापि परिग्रहणार्थम् ।
सूपो मुद्गाढक्यादिकृतं व्यञ्जनम् । कृसरं भृष्टतिलचूर्णमि-
श्रमोदनम् । यवागूः अल्पतण्डुलचूर्णमिश्रं पेयरूपमन्नम् । पा-
यसं पयसा शृतमन्नम् । यच्चापूपादिभ्य उक्तेभ्योऽन्यदोदना-
दिकं स्नेहसंयुक्तं दधिघृतादिना स्नेहद्रव्येणाभिघारितं सत्पर्यु-
षितं सर्वं भोज्यं यावदशुक्तं वर्तते । यदा तु पर्युषितमपूपा-
दिकं स्नेहसंयुक्तमोदनादिकं वा शुक्तं जातं तदा तदपि वर्ज-
येदित्यर्थः । अभोज्यमित्यनुवृत्तौ वसिष्ठोऽपि--'अन्नं पर्युषितं
कामं तु दध्ना घृतेन यदभिघारितमुपयुञ्जीत' इति । अन्नं
पर्युषितमित्यत्रानुवृत्तेनाभोज्यमितिपदेन सम्बन्धः । दध्ना घृतेन
वाऽभिघारितं सत्पर्युषितमन्नं काममुपयुञ्जीत अश्नीयादित्यर्थः ।
अतएव मनुः--
यत्किञ्चित् स्नेहसंयुक्तं भक्ष्यभोज्यमगर्हितम् ।
तत्पर्युषितमप्याद्यं हविश्शेषं तु यद्भवेत् ॥
उपयोजयेदित्यनुवृत्तावापस्तम्बोऽपि--'उदकेऽवधाय कृतान्नं पर्यु-
षितम्' इति । यदा तु कृतान्नं उदकेऽवधायरात्रौ स्थापितं
तदा तदन्नं पर्युषितमप्युपयुञ्जीतेत्यर्थः । एवं काञ्जिकं सम्पा-
दयितुं तण्डुलक्षाळनोदके निहितस्यान्ननिस्त्रावस्य रात्र्यन्तरे
तस्य पर्युषितत्वेऽप्यभोज्यत्वं नास्तीति तज्जातस्य काञ्जिक-
स्याभोज्यत्वं सुतरां नास्तीति मन्तव्यम् । अश्नीयादित्यनुवृ-
त्तौ शङ्खलिखितावपि--'न पर्युषितमन्यत्र दधिगुडगोधूमयव-