स्मृतिचन्द्रिका: व्यवहारकाण्ड (देवण्णभट्ट - दक्षिण भारत का मूर्धन्य न्याय-दर्शन महाग्रन्थ)

श्राद्धकाण्डे मृताहापरिज्ञानविषयाणि 125
ससम्बन्धिन्या एकादश्या अपि प्रदर्शनार्थम् । अत एव
मरीचिः-
श्राद्धविघ्ने समुत्पन्ने अविज्ञाते मृतेऽहनि ।
एकादश्यां तु कर्त्तव्यं कृष्णपक्षे विशेषतः ॥
पूर्वोक्तया दिशेत्यस्यायमर्थः-यदि प्रस्थानमासमात्रं ज्ञातं
तदा तन्मासस्यामावास्यायां सांवत्सरिकश्राद्धं कार्यम् । यदि
प्रस्थानतिथिपक्षावेव ज्ञातौ तदामार्गशीर्षे माघे वा मासि ज्ञा-
तपक्षतिथिस्पृष्टदिने कार्यम् । यदा तु प्रस्थानादिनमासाद्यपि न
ज्ञातं तदा मरणवार्ताश्रवणमासपक्षतिथिस्पृष्टदिने कार्यम् ।
'अपरिज्ञाते अमावास्यायां श्रवणदिने वा' इति प्रचेतसोक्त-
त्वात् । यदा तु मरणवार्ताश्रवणस्याप्यभावः तदा त्वाह जातू-
कर्ण्यः-
पितरि प्रोषिते यस्य न वार्ता नैव चागतिः ।
ऊर्ध्वं पञ्चदशाद्वर्षात्कृत्वा तत्प्रतिरूपकम् ॥
कुर्यात्तस्य च संस्कारं यथोक्तविधिना ततः ।
तदादीन्येव सर्वाणि शेषकार्याणि सञ्चरेत् ॥
इति । सर्वाणीति वचनान्मृताहकार्यमपि दहनमासपक्षतिथि-
स्पृष्टदिने कर्त्तव्यमिति गम्यते ॥
इति स्मृतिचन्द्रिकायां मासपक्षतिथिस्पृष्टमृताहापरिज्ञान-
विषयाणि