नाट्यशास्त्र: भाग २ (भरत मुनि - प्रदीप हिन्दी व्याख्या सहित: संगीत, वाद्य, ताल एवं रस-विधान)

चत्वारिंशत्तथाष्टौ च सहस्राणि शतानि च ।
पञ्चषट्सप्ततिश्चैव वृत्तानां १परिमाणतः ॥ ६५ ॥
तथा शतसहस्राणां प्रकृतौ विंशतिर्भवेत् ।
सप्त वै गदितान्यत्र नवतिश्चैव सङ्ख्यया ॥ ६६ ॥
सहस्राणि शतञ्चैकं द्विपञ्चाशत्तथैव च ।
वृत्तानि परिमाणेने वृत्तज्ञैः गदितानि तु ॥ ६७ ॥
चत्वारिंशत्तथैकञ्च सहस्राणां शतानि तु ।
तथा चेह सहस्राणि नवतिश्चतुरोत्तरा ॥ ६८ ॥
शतत्रयं समाख्यातं ह्याकृत्याञ्चतुरोत्तरम् ।
ज्ञेयं शतसहस्राणामशीतिस्त्र्यधिका बुधैः ॥ ६९ ॥
अष्टाशीतिसहस्राणि वृत्तानां षट्शतानि च ।
अष्टौ चैव तु वृत्तानि विकृत्यां गदितानि तु ॥ ७० ॥
तथा शतसहस्राणि सप्तषष्टिश्च सप्ततिः ।
सप्त चैव सहस्राणि षोडश द्वे शते तथा ॥ ७१ ॥
कोटिश्चैवेह वृत्तानि सङ्कृतौ कथितानि वै ।
तथा शतसहस्राणि पञ्चत्रिंशच्च संख्यया ॥ ७२ ॥
तिस्रः कोट्यः सहस्राणि चतुष्पञ्चाशदेव च ।
१. प्रविभागशः—क० ।
२. शतसहस्राणि—क० ।
३. कलितानि तु । विंशतिर्नवतिश्चैव सप्त चैव हि संख्यया—क० ।
४. प्रविभागेन—क० ।
५. बुधैः शतसहस्राणि चत्वारिंशत्ततः परम् । नवतिश्चैव चत्वारि सहस्राणि
शतत्रयम् । चत्वारि चैव वृत्तानि कथितान्याकृतौ बुधैः ॥—क० ।
६. तथा शतसहस्राणामशीतित्रिकसंयुता । अष्टाशीति सहस्राणि षडष्टौ च
शतानि च । वृत्तानि विकृतौ छन्दस्युद्दिष्टानीह संख्यया—क० ।
७. कोटिष्षडधिका नित्यं सप्तसप्ताधिका पुनः । सप्त चैव सहस्राणि वृत्ता-
नाञ्च शतद्वयम् । षोडशोत्तरमाख्यातं सङ्कृत्यां परिमाणतः ॥—क० ।
८. कोटित्रयञ्चाभिकृत्यां पञ्चत्रिंशद्विरन्वितम् । पञ्चाशद्भिः सहस्रैस्तु
चतुर्भिरधिकैस्तथा । चतुष्टयं शतानां च द्वात्रिंशद्भिः समन्वितम् ।—क० ।