अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

३४ अनङ्गरङ्गः [सप्तमः
अयं कामेश्वरो मन्त्रः कदम्बकुसुमैः सह ।
पलाशकुसुमैर्वाथ⁵⁸ संजप्तो ऽयुतसंख्यतः⁵⁹ ॥२९॥
तथा⁶⁰ दशांशहोमेन सर्वसिद्धिप्रदः⁶¹ स्मृतः ।
अनेन जप्तं⁶² पुष्पादि दत्तं परममोहनम्⁶³ ॥३०॥
॥ अथ चामुण्डामन्त्रः ॥
ॐ चामुण्डे मोहयाथ वशतां⁶⁴ नय चामुकीम् ।
स्वाहापदान्त इत्युक्तश्चामुण्डामन्त्र उत्तमः ॥३१॥
पलाशकुसुमैरेतलक्षं जप्त्वा दशांशतः ।
होमेन वामविधिना सर्वसिद्धिं प्रविन्दति⁶⁵ ॥३२॥
इति मन्त्रेण जप्तानि सप्तधा कुसुमानि च ।
दत्तानि वशगां कुर्युः कामिनीं नात्र⁶⁶ संशयः ॥३३॥
॥ अथ पद्मिनीवशीकरणम् ॥
कामेश्वरपदं पूर्वमोंकाराद्यथ⁶⁷ मोहय ।
स्वाहान्तं क्रमतो मन्त्रं नागवल्लीदले लिखेत् ॥३४॥
पुंष्पेन मधुयुक्तेन रविवारे ऽभिमन्त्रितम्⁶⁸ ।
शतधा दीयमानं तत्पद्मिनीं वशतां नयेत् ॥३५॥
॥ अथ चित्रिणीवशीकरणम् ॥
ओङ्कारद्वितयं प्रोक्तं⁶⁹ विहङ्गमपदद्वयम् ।
कामदेवाय तन्मे च स्वाहेत्यस्त्रं मनोभुवः⁷⁰ ॥३६॥
पिष्ट्वा जातीफलं⁷¹ रम्भामूलतोयेन भावयेत् ।
संशोष्य भानुकिरणैर्नागवल्लीदले⁷² क्षिपेत् ॥३७॥
निमन्त्र्यानेन मन्त्रेण रविवारे प्रदापयेत् ।
एतद्भक्षणमात्रेण चित्रिणी वशगा भवेत्⁷³ ॥३८॥
॥ अथ शङ्खिनीवशीकरणम् ॥
ॐ मोहनश्वोमिति च⁷⁴ स्वाहान्तं च पदद्वयम्⁷⁵ ।