अनङ्गरङ्ग (महाकवि कल्याणमल्ल - कामशास्त्र एवं रति-प्रयोग संस्कृत मूल पाठ)

स्थलः ] अनङ्गरङ्गः ३९
अयं महासिद्धिमन्त्रः कीर्तितः पूर्वसूरिभिः⁷⁶ ॥३९॥
मन्त्रेणानेन संजप्तं⁷⁷ मूलं तगरसम्भवम् ।
श्रीफलं चैव⁷⁸ संदद्याच्छङ्खिनीं वशतां नयेत्⁷⁹ ॥४०॥
॥ अथ हस्तिनीवशीकरणम् ॥
ओंकारो थिरियुग्मं ⁸⁰ च कामदेवाय चेत्यथ ।
तस्मै स्वाहेति कथितो मन्त्रः श्रेष्ठो⁸¹ मुनीश्वरैः ॥४१॥
कपोतपिच्छं संपिष्य⁸² मधुनाथ⁸³ निमन्त्रयेत् ।
मन्त्रेणानेन तहानाद्धस्तिनी वशगा भवेत्⁸⁴ ॥४२॥
॥ अथाङ्गरागादिकमुच्यते ॥
संमूर्च्छितानुरागाणां रत्युत्सवविलासिनाम् ।
कामिनां⁸⁵ प्रीतिजनन‌मङ्गरागादिकं ब्रुवे⁸⁶ ॥४३॥
चन्दनोशीरपथ्यार्ति (?) लोध्राम्रत्वक्समुद्भवः⁸⁷ ।
लेपः स्वेदजदौर्गन्ध्यं हरत्याशु विलासिनाम् ॥४४॥
पथ्या निम्बदलं⁸⁸ लोध्रं दाडिमीसप्तपर्णयोः⁸⁹ ।
वल्कलश्च⁹⁰ प्रलेपो ऽयमङ्गदुर्गन्धिनाशनः⁹¹ ॥४५॥
चिञ्चाफलं करञ्जस्य⁹² बीजैरथ⁹³ हरीतकी ।
बिल्वमूलेन कक्षादिदुर्गन्धिहरणं⁹⁴ द्वयम्⁹⁵ ॥४६॥
नागपुष्पागुरुशीरकोल‌मज्जाम्बुचन्दनैः⁹⁶ ।
लिप्ताङ्गो विनिहन्त्याशु⁹⁷ दुर्गन्धं घर्मवारिजम् ॥४७॥
खगं पीलुतरोः⁹⁸ पुष्पं तथा जम्बूफलं⁹⁹ समम् ।
एतद्देहे निदाघेषु लिप्तं घर्माम्बुनाशनम् ॥४८॥
पिचुमन्ददलाम्भोजलोध्रदाडिमवल्कलैः¹⁰⁰ ।
निदाघकाले लिप्ताङ्गो घर्मवारिचयं जयेत् ॥४९॥
शिरीषकेसरोशीरलोध्रैरङ्गविरूक्षणात् ।
तद्रक्षणाच्च घर्माम्बु निदाघे नैव विन्दति ॥५०॥