तन्त्रालोक (प्रथम भाग - जयरथ विवृति सहित)

श्लो० १८ ] प्रथमाह्निकम् । ४५
इति । अतश्च भेद-भेदाभेदाभेदप्रतिपादकं शिवरु-
द्रभैरवाख्यं त्रिधैवेदं शास्त्रमुद्भूतम् इति सिद्धान्तः ।
तदुक्तं
'तन्त्रं जज्ञे रुद्रशिवभैरवाख्यमिदं त्रिधा ।
वस्तुतो हि त्रिधैवेयं ज्ञानसत्ता विजृम्भते ॥
भेदेन भेदाभेदेन तथैवाभेदभागिना ।'
इति । एवं च भेदाद्यात्मकमपीदं शास्त्रं परमेश्वरेश-
वामाघोरात्मकं षष्ठं त्रिकं परादिदेवीत्रयविश्रान्ति-
धामतया क्रोडीकृत्य,
'पुष्पे गन्धस्तिले तैलं देहे जीवो जले रसः ।
यथा तथैव शास्त्राणां कुलमन्तःप्रतिष्ठितम् ॥'
इत्याद्युक्त्या परमाद्वयामृतपरिप्लावितं विदध्यात्,
अन्यथा ह्यस्य परपदप्राप्तिनिमित्तत्वं न स्यात् । तदुक्तं

---

पं० ७ ख० पु० द्वयात्मकमप्येतदिति पाठः ।
पं० ८ ख० पु० षष्ठत्रिकमिति समस्तः पाठः ।
पं० १० क० पु० जलेऽमृतम् इति, ख० पु० जले घृतमिति पाठः ।
पं० १२ क० पु० परिप्लुतमिति पाठः । अन्यथा हत्यतो न स्यादित्यन्तः
वाक्यपाठः
क० ग० पुस्तकेयोर्नास्ति ।