तन्त्रालोक (प्रथम भाग - जयरथ विवृति सहित)

४४ श्रीतन्त्रालोकः ।
इति । तैर्भिन्नं भेदोपभेदवैचित्र्यात्मना नानाप्रकार-
मित्यर्थः । यत्तु श्रीश्रीकण्ठ्यां तत्पुरुषवक्त्रमुद्दिश्य
'अष्टाविंशतिभेदैस्तु गारुडं हृदयं पुरा ।'
इत्यादि । तथा
'पश्चिमे भूततन्त्राणि....................।'
तथा
'दक्षिणे दक्षिणो मार्गश्चतुर्विंशतिभेदतः ।'
इत्यादि । तथा
'वामदेवात्तु यज्जातमन्यत्तत्साम्प्र [म्प्र]तं शृणु ।'
इत्यादि अन्यभेदोपभेदवैचित्र्यमुक्तं, तदेकैकस्य
वक्त्रस्य पञ्चवक्त्रात्मकत्वात् एतद्भेदजातोपभेदा-
त्मकमेव — इति तत एव संगृहीतम् इति न पृथगिह
आयस्तम् । तदुक्तं
'एकैकं पञ्चवक्त्रं च वक्त्रं यस्मात्प्रगीयते ।
दशाष्टादशभेदस्य ततो भेदेष्वसंख्यता ॥'
पं० १ क० पु० भेदोपभेदनानावैचित्र्येत्यादिपाठः ।
पं० १० क० पु० एकैकवक्त्रस्येति समस्तः पाठः ।
पं० १२ क० पु० पृथगिह नायस्तमित्येवंविधः पाठः ।