तन्त्रालोक (प्रथम भाग - जयरथ विवृति सहित)

श्लोक ८ ] द्वितीयमाह्निकम् । ७
उपायस्यापीति अपिशब्दो भिन्नक्रमः, तेन नो वार्या
तदन्यत्वादपि, इति व्याख्येयम्, एतच्च प्रथमाह्निक
एव वितत्य निर्णीतम्, इति — नेह पुनरायस्तम् ॥६॥
एवमेतत् प्रसंगादभिधाय प्रकृतमेवाह
तत्र ये निर्मलात्मानो
भैरवीयां स्वसंविदम् ।
निरुपायामुपासीना-
स्तद्विधिः प्रणिगद्यते ॥७॥
ये केचन तीव्रतीव्रशक्तिपातानुविद्धा विकल्पक-
लंकान्मुक्ताः, भैरवीयां पूर्णाम्, अत एवानुपायम् —
अनपेक्षाम्, आत्मसंविदमाविष्टाः, तेषां विधिः —
पूर्णसंविदावेशक्रमात्मा प्रकारः, प्रकर्षेण निगद्यते —
युक्तियुक्तत्वेन भण्यते इत्यर्थः ॥ ७ ॥
तदेवाह
तत्र तावत्क्रियायोगो
नाभ्युपायत्वमर्हति ।
पं० ९ क० पु० शक्तिपातविकल्पान्मुक्ता इति पाठः ।
पं० १२ क० पु० आवेशात्मप्रकार इति पाठः ।