तन्त्रालोक (प्रथम भाग - जयरथ विवृति सहित)

श्लोक २३८ ] प्रथमाह्निकम् । २५३
'आचार्यः स्वजनानां च कुलकोटिसहस्रशः ।
ज्ञानज्ञेयपरिज्ञानात्सर्वान्संतारयिष्यति ॥'
इति । अत्र हेतुः 'तावानेको यतो मुनिः' मुनिः
इति गुरुः ॥२३५॥२३६॥
एवं च सति अयत्नेन परोक्तदूषणोद्धारः सिद्धः
इत्याह
तेनात्र ये चोदयन्ति
ननु ज्ञानाद्विमुक्तता ।
दीक्षादिका क्रिया चेयं
सा कथं मुक्तये भवेत् ॥२३७॥
ज्ञानात्मा सेति चेज्ज्ञानं
यत्रस्थं तं विमोचयेत् ।
अन्यस्य मोचने वापि
भवेत्किं नासमञ्जसम् ।
इति ते मूलतः क्षिप्ता
यत्त्वत्रान्यैः समर्थितम् ॥२३८॥
पं० ११ क० पु० ज्ञानात्मा चेति चेज्ज्ञानमिति, ख० पु० ज्ञानात्मा चेदिति
ज्ञानमिति पाठः ।
पं० १४ क० पु० नाम सामञ्जसम् इति पाठः ।