तन्त्रालोक (प्रथम भाग - जयरथ विवृति सहित)

२३४ श्रीतन्त्रालोकः ।
इह इति शाम्भवावसरे, तस्मात् इति विकल्पात्,
प्रतिपक्षे हि निरूपिते सुष्ठु पक्षनिरूपणं कृतं स्यात्
इति-नैतदप्रस्तुतं किंचिदभिहितमिति भावः ।
विकल्पे हि क्रमेण अखण्डवस्त्ववभासो भवति
अविकल्पे पुनरक्रमेण इति-प्राप्ताविकल्पस्थितिर्यत्र
कुत्रचिद्ववधत्ते तत्रास्य तदैव शिवतापत्तिः स्यात्
॥२१०॥
तदाह
अविकल्पपथारूढो
येन येन पथा विशेत् ।
धरासदाशिवान्तेन
तेन तेन शिवीभवेत् ॥२११॥
एतदेव उदाहरति
निर्मले हृदये प्राग्य-
स्फुरद्भूम्‍यंशभासिनि ।
प्रकाशे तन्मुखेनैव
संवित्परशिवात्मता ॥२१२॥

---

पं० ५ क० ग० पु प्राप्तविकल्पस्थितिरिति पाठः ।
पं० १० ग० पु० पथा व्रजेदिति पाठः ।
पं० १४ क० ख० पु० प्राग्रस्फुरदिति पाठः ।