तन्त्रालोक (प्रथम भाग - जयरथ विवृति सहित)

श्लो० १ ] प्रथमाह्निकम् । ९
‘कुलं पदमनामाख्यं....................।’
इत्यनाख्यरूपम्-इत्यर्थः । अन्यच्च कीदृक् ?—इत्या
ह ‘तदुभय’ इति । तच्च तत् व्याख्यास्यमानं सृष्टिसंहा-
रात्मकम् ‘उभयं’ तस्य ‘यामलं’ लोलीभावः, ततः
‘चक्रद्वयेऽन्तः कचति लोलीभूता परा स्थितिः।’
इति । तथा
‘प्रभवाप्यययोरन्तर्लोलीभावात्क्रमोऽवताराख्यः ।’
इत्यादिनीत्या स्फुरितसत्ताकः स्थित्यात्मा विविधः
सर्गस्तन्मयम् । परैव हि अनाख्या भगवती संवित्
स्वस्वातंत्र्यात् स्वात्मनि सृष्ट्यादि अवभासयति
विलाययति च—इत्यभिप्रायः । यदुक्तम्
‘यस्य नित्योदिता ह्येकाभासा कालक्षयंकरी ।
राजते हृदयाम्भोजविकासिगगनोदरे ॥
सृष्टिस्थित्युपसंहाररूपा तद्धरणे रता ।’
पं० १ ख० पु० कुलाकुलं पदमनामकमिति पाठः ।
पं० २ क० पु० इत्यनामा ख्यरूपमिति पाठः ।
पं० १० ख० पु० विलापयतीति पाठः ।
२