तन्त्रालोक (प्रथम भाग - जयरथ विवृति सहित)

श्लोकः ११६ ] प्रथमाह्निकम् । १५७
नामानि चक्रदेवीनां
तत्र कृत्यविभेदतः ।
सौम्यरौद्राकृतिध्यान-
योगीन्यन्वर्थकल्पनात् ॥ ११५ ॥
उक्ता इति पूर्वश्लोकाल्लिङ्गादिविपरिणामाद् यो-
ज्यम् । एक एव हि परमेश्वरः तत्तत्साधककामा-
नुसारं नियतां सौम्यरौद्रादिरूपाम् आकृतिमाभा-
स्य तां तां सिद्धिं नियच्छेत् । तदुक्तं
'येन येन हि रूपेण साधकः संस्मरेत्सदा ।
तस्य तन्मयतां याति चिन्तामणिरिवेश्वरः ॥'
इति । श्रीत्रिशिरोभैरवप्रथमपटलाच्च अयमर्थः
स्वयमेवाधिगन्तव्यः । अस्माभिस्तु ग्रन्थविस्तारभ-
यात् न प्रातिपद्येन संवादितम् ॥ ११५ ॥
तदेवाह
एकस्य संविन्नाथस्य
ह्यान्तरी प्रतिभा तनुः ।
पं० ६ ख० पु० साधकशमानुसारमिति पाठः ।