तन्त्रालोक (प्रथम भाग - जयरथ विवृति सहित)

११६ श्रीतन्त्रालोकः ।
श्रीमत्किरणशास्त्रे च
तत्प्रश्नोत्तरपूर्वकम् ।
अनुभावो विकल्पोऽपि
मानसो न मनः शिवे ॥७५॥
अविज्ञाय शिवं दीक्षा
कथमित्यत्र चोत्तरम् ।
तत् इति शिवागमे शक्तेरुपायत्वमुक्तम् इति
वाक्यशेषः । एतदेव च शब्दार्थरूपत्वेन शास्त्रस्य
द्वैविध्येन प्रवृत्तेरर्थद्वारेण दर्शयति अनुभाव इत्या-
दिना । तत्र गरुडेन
'शिवतत्त्वं कथं शून्यं तच्छून्यं नाक्षगोचरः ।
प्रत्यक्षं चाक्षविज्ञानं तदतीतं न किंचन ॥'
इति प्रत्यक्षागोचरत्वाच्छिवतत्त्वं न किंचित् इति
पृष्टे, भगवता
'माया हेया शिवो ग्राह्यो ग्राहकः पुरुषः स्मृतः ।
मायाधर्मैः शिवः शून्यः..................॥'
इत्यादिना
'अतीन्द्रियं च यद्वस्तु तत्राप्यनुभवो न किम् ।
अनुभावो मनोऽध्यक्षः प्रसिद्धः क्षुद्यथा च तृट् ॥'
पं० १८ ख० पु० अनुभवेन किम् इत्येवंविधः पाठः ।