तन्त्रालोक (प्रथम भाग - जयरथ विवृति सहित)

श्लोकः ६९ ] प्रथमाह्निकम् । १०९
'या सा शक्तिर्जगद्धातुः कथिता समवायिनी ।
इच्छात्वं तस्य सा देवि सिसृक्षोः प्रतिपद्यते ॥
एकापि सत्यनेकत्वं यथा गच्छति तच्छृणु ।'
इत्याद्युपक्रम्य
'एवमेषा द्विरूपापि पुनर्भेदैरनन्तताम् ।
अर्थोपाधिवशाद्याति चिन्तामणिरिवेश्वरी ।'
इति ॥६८॥
ननु एवमपीश्वराद्वयवादो न निर्व्यूढस्तदति-
रिक्तायाः स्वातन्त्र्यशक्तेरप्यभिधानात् इत्याशं-
क्याह
शक्तिश्च नाम भावस्य
स्वं रूपं मातृकल्पितम् ।
तेनाद्वयः स एवापि
शक्तिमत्परिकल्पने ॥६९॥
यतो भावस्य यस्य कस्यचन सतः पदार्थस्य
स्वमेव रूपं फलभेदात् भेदारोपेण शक्तिः इति
पं० ३ क० पु० सैकापि सत्यनन्तत्वमिति पाठः ।
पं० ५ क० पु० अनेकतामिति पाठः ।
पं० ६ क० पु० इवैश्वरी इति पाठः ।
पं० १५ क० पु० भावस्य कस्यचन इति यस्येति पदविहीनः पाठः ।