ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

An authentic, line-by-line transcription of the Sanskrit page in Markdown:

द्वादशाध्याये एकादशः खण्डः । ४७३
भारद्वाजस्य पृश्नीति पदद्वयसमुदायात्मिका साम्नः संज्ञा ।
तत्संज्ञं साम अच्छावाकसाम(१) अच्छावाकस्य पृष्ठस्तोत्रं 'यो राजा
चर्षणीना'मिति तृचे कार्य्यम् ॥ २४ ॥
अथैतत्स्तौति—
अन्नं वै देवाः पृश्नीति वदन्त्यन्नाद्यस्याऽवरुद्ध्यै ॥ २५ ॥
नानावर्णमन्नमेव देवाः पृश्नीति प्रशस्तवर्णत्वात् पृश्निशब्दाभिधेयमिति
वदन्ति। अत एतत् पृश्नि क्रियमाणं साम अन्नाद्यस्य प्राप्त्यै भवति ॥२५॥
अथाऽस्य साम्नोऽह्ना सङ्गतिमाह—
इडाभिरैडं तथा ह्येतस्याऽह्नो रूपं॰स्तोमः ॥ २६ ॥
इडा २३ भा ३४३ औ २३४५ इडा इत्यनेन युक्तमिडाभिरैडम् । तथा
हि तादृशमेव खल्वेतस्य चतुर्थस्याऽह्