ताण्ड्य महाब्राह्मण / पञ्चविंश ब्राह्मण (सायण भाष्य एवं चिन्नस्वामी शास्त्री टीका सहित)

चतुर्थाध्याये सप्तमः खण्डः । १२५
अस्य प्रगाथस्य प्रयोगः प्रजातिहेतुरित्याख्यानमुखेन दर्शयति—
वसिष्ठो वा एतं पुत्रहतोऽपश्यत् स प्रजया पशुभिः
प्राजायत यदेष प्रगाथो भवति प्रजात्यै ॥ ३ ॥
पुत्रहतो हतपुत्रः सौदासे अग्नौ प्रक्षेपात् शक्त्याख्ये पुत्रे हते इमं
प्रगाथं वसिष्ठोऽपश्यत् स तेन प्रगाथेन प्रजया च पशुभिश्च प्राजायत
यदेष प्रगाथो भवति गवामयने तत् सत्रिणां प्रजात्यै पुत्रादिरूपेण य-
जमानाय भवति ॥ ३ ॥
अस्मिन् प्रगाथे “जीवा ज्योतिरशीमही”ति जीवनप्रतिपादनात् सं-
वत्सरस्य क्षेमेण सन्तरणमेव प्रार्थ्यमित्याह—
जीवा ज्योतिरशीमहीति ये वै स्वस्ति सꣳवँत्सरꣳ-
सन्तरन्ति ते जीवा ज्योतिरश्नुवते ॥ ४ ॥
ये खलु यजमानाः स्वस्ति खलु क्रमेण संवत्सरं