स्मृतिचन्द्रिका: व्यवहारकाण्ड (देवण्णभट्ट - दक्षिण भारत का मूर्धन्य न्याय-दर्शन महाग्रन्थ)

१८ स्मृतिचन्द्रिकायां
पिण्डनिर्वापणं चापि महापातकसम्मितम् ॥
इति । मनुरत्र ज्ञानवान्, मनुना तु प्रत्यक्षार्चनस्योक्तत्वात् ।
इति स्मृतिचन्द्रिकायां जीवत्पितृश्राद्धाधिकारनिर्णयः.
अथ श्राद्धकालाः.
तत्र याज्ञवल्क्यः-
अमावास्याऽष्टका वृद्धिः कृष्णपक्षोऽयनद्वयम् ।
द्रव्यं ब्राह्मणसम्पत्तिः विषुवत्सूर्यसङ्क्रमः ॥
व्यतीपातो गजच्छाया ग्रहणं चन्द्रसूर्ययोः ।
श्राद्धं प्रति रुचिश्चैव श्राद्धकालाः प्रकीर्तिताः ॥
इति । यस्यां तिथौ सूर्याचन्द्रमसोः सन्निकर्षः साऽमावा-
स्या । तस्यां तिथौ श्राद्धमावश्यकम् । तथाच लौगाक्षिः-
श्राद्धं कुर्यादवश्यं तु प्रमीतपितृकस्स्वयम् ।
इन्दुक्षये मासि मासि वृद्धौ प्रत्यब्दमेव च ॥
इति । इन्दुक्षयोऽमावास्या । अष्टका मार्गशीर्षादिमासचतुष्ट-
यापरपक्षाष्टम्यः, 'हेमन्तशिशिरयोश्चतुर्णामपरपक्षाणामष्टमीष्वष्ट-
काः' इति शौनकस्मरणात् । अत्रापि श्राद्धमावश्यकं-
अमावास्याव्यतीपातपौर्णमास्यष्टकासु च ।
विद्वान् श्राद्धमकुर्वाणः प्रायश्चित्तीयते तु सः ॥
इति पितामहस्मरणात् । वृद्धिः पुत्रादिः । अत्रापि श्राद्धमाव-
श्यकम्-