षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

[Header] ६६ षड्विंशब्राह्मणम्

प्रतिश्रवणे प्रतिध्वनी इत्येवम् । यत एवं तस्मात् पुरुषः सर्वा दिशः शृणोति ।
सर्वासु दिक्षु वर्तमानान् शब्दान् शृणोतीत्यर्थः । तस्य विवरणम् — पराङपि
यन् गच्छन् प्रत्यङ्ङपि सर्वतः शृणोति ॥ २० ॥
गाने नियममाह—
जगती छन्दसा । सौरी देवतया । दिवमेतया ध्यायन्
गायेत् ॥ २१ ॥
पूर्ववद्व्याख्येयम् ॥ २१ ॥
अथ हिन्वानो हेतुभिर्हितः (सा. ६५५) इत्यस्यां गानं विधत्ते—
पञ्चमीं गायति ॥ २२ ॥
तत्र विशेषमाह—
तां निनर्द्दन्निव गायति ॥ २३ ॥
तां चतुर्धा व्यावृत्य गायेदिति वचनाच्चतुःखण्डां पञ्चमीं कुर्यात् ।
हिंकारादूर्ध्वमेकः । त्रयः पूर्वे खण्डाः । तत्र पूर्वेषु त्रिष्वपि खण्डेषु अन्त्य-
मक्षरं निनर्देदित्यर्थः ॥ २३ ॥
तत्प्रशंसति—
आह बहुतमात्पुरुषादन्नमत्ति । अन्नादो भवति । य
एवं वेद ॥ २४ ॥

2. RJ तस्यैव for तस्य; M पराञ्चि प्रत्यञ्चि विषूगपि, J परागपि यन्
   गच्छन् प्रत्यङ्शब्दानपि for पराङपि...सर्वतः.
3. Bh J om. पूर्ववद्व्याख्येयम् .
4. J om. तत्र विशेषमाह...वचनात् (L. 12).
5. Bh M. चतुर्षु for चतुः; J नानाचतुरखनर्दा for चतुःखण्डा ;
   Bh JT पञ्चमी for पञ्चमीं; Bh J. कार्या for कुर्यात् · T om. कुर्यात्.
6. M. एकं for एकः, M. om. पूर्वे खण्डा ;
   M. om. तत्र and अपि; M. अपरखण्डेषु, J अत्रनर्देषु for खण्डेषु; R. om. खण्डेषु
7. Bh. किं च य एवं वेद सोऽप्यन्नादो भवति य एवं वेदेत्याह for तत्प्रशंसति.