षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

सप्तमः खण्डः
अथ स्वाहाख्यां देवतां प्रश्नपूर्वकं निरूपयितुं प्रजापतिं प्रति
ब्रह्मवादिनां प्रश्नं तावदुपस्थापयति—
स्वाहा वै कुतः संभूता? कस्य दुहिता? केन प्रकृता?
किंगोत्रा? कत्यक्षरा? कतिपदा? कतिमात्रा? कतिवर्णा?
कत्युच्छ्वासा? किं चास्याः शरीरम्? कान्यङ्गानि? कानि
लोमानि? कति शिरांसि? कति वा चक्षूंषि? किमस्या
आस्यम्? किंप्रावृता? कौ बाहू? कौ पादौ? क च स्थिता?
किमाधिष्ठाना? कथं च स्वाहां प्रति गृह्णासि? ब्रूहि स्वाहारूपं
च दैवतं च ॥ १ ॥
निगदसिद्धमेतत् ॥ १ ॥
उत्तरमाह—
स्वाहा वै सत्यसंभूता । ब्रह्मणो दुहिता ।
ब्रह्मप्रकृता । लातव्यसगोत्रा । त्रीण्यक्षराणि । एकं पदम् ।
त्रयोऽस्यै वर्णाः । शुक्लः पद्मः सुवर्ण इति । चत्वारोऽस्यै
वेदाः शरीरम् । षडङ्गान्यङ्गानि । ओषधिवनस्पतयो
लोमानि । द्वे चास्याः शिरसी । एकं शिरोऽमावास्या
द्वितीयं पौर्णमासी । चक्षुश्चन्द्रादित्यौ । आज्यभागौ हुतम् ।
दक्षिणा प्रावृता । बृहद्रथन्तरम् । ऋग्यजुःसाम गतिः ।
सा स्वाहा । सा स्वधा । स वषट्कारः। सैषा देवेषु वषट्कार-
भूता प्रयुज्यते । पितृयज्ञेषु स्वधाभूता । शकटीमुखी