षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

भवत्वेवम् । ततः किमित्यत्राह—
ते देवाः प्रजापतिमुपाधावन् वेदशरीरैर्वा इदममृत-
शरीरं न ह वा इदं मृत्योः समाप्स्यत इति तेऽब्रुवन् को
नामासी(से ?)ति ॥ ३ ॥
ततः ते देवा प्रजापतिं स्रष्टारम् उपाधावन् । उपेत्य च वेदशरीरैः
ऋग्वेदाद्यात्मकैः गार्हपत्यादिभिः यदिदम् अमृतशरीरमुत्पन्नं तद् इदं मृत्योर्न
समाप्स्यते समाप्तिं प्राप्नोतीति । ह वा इत्येतावैतिह्यद्योतनार्थौ । स पुरुषः
को नाम कः खल्वसीति एवं प्रजापतिमब्रुवन् । अन्तिम इतिकारो देवानां
प्रश्नपरिसमाप्तिद्योतनार्थः ॥ ३ ॥
प्रजापतेरुत्तरमाह—
स होवाच यज्ञो नामेति ॥ ४ ॥
स तैरेवं पृष्टः प्रजापतिः उवाच । यज्ञो नाम अग्निहोत्रयज्ञ एव
सोऽयं पुरुषः नान्यः कश्चिदिति ॥ ४ ॥
तदिदं विधित्सितमग्निहोत्रं सद्योयज्ञसंस्थात्मकत्वेन प्रशंसति—
तेषां प्रजापतिः सद्योयज्ञसंस्थामुपैति । सद्यो ह वा
एष यज्ञः संस्थामुपैति ॥ ५ ॥

---

3&7. M. समाप्स्यति for समाप्स्यते.
6. RI om. इदम्.
7. KMR. प्रापद् for प्राप्नोति ; KM. add भावः after इति ;
J. इतिशब्दस्त्वेतावद्योतनार्थः for हवा...द्योतनार्थौ; M. इति हीत्ये० for ह वा इत्ये०.
8. R. नामा त्वं, T. न(ा)मारम, K. नामारं for नाम ; RI(आ)त्मासीति, M. (आ)त्मंवेति for (आ) सेति.
12. M. तैरयं for तैरेवं ; MKI ०होत्रो० for ० होत्र ; J. अग्निहोत्रम् for अग्निहोत्र यज्ञ एव.
13. J. ततोऽन्यत् किंचिन्नास्तीति for नान्यः कश्चिदिति.
14. J. om. तदिदं विधित्सितम् .
16. RJ. यज्ञ० for यज्ञः.