षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

चतुर्थोऽध्यायः (४) · १५७

वैयश्वमेव साम यतः परितुब्धेदं परितुब्धमिडेति निधनं यस्य तत्
तथोक्तम् । योन्यामृचि इडेति हि निधनम् । अतस्तेन एनं भ्रातृव्यं
परिवृश्चत्येव ॥ ७ ॥
तेन पुनः प्रयोगविशेषं दर्शयति—
वार्षाहरे पवमानमुखे भवतः। काशीतौपगवे नानदं
साम क्रूराणि सामानि संभवन्ति स्तुत्यै ॥ ८ ॥
पवमानमुखे माध्यंदिनार्भवयोः पवमानयोः मुखे वार्षाहरे सामनी
भवतः । माध्यंदिनपवमाने अर्षो सोम द्युमत्तमः (सा. ५०३) इत्येकस्यां
गायत्रवार्षाहरे । आर्भवे तु यस्ते मदो वरेण्यः (सा. ४७०) इत्यत्र । यत्र
गायत्रवार्षाहरम् (रे ?) इति वचनात् । तथा पवस्व (सा. ६९२) इन्द्रमच्छ
(सा. ६९७) इति अनयोः ऋचोः काशीतौपगवे सामनी । पुरोजिती वो
अन्धसः (सा. ५४५) इत्यत्र नानदं साम । इति क्रूराणि हिंसाकारीणि
सामानि भवन्ति । उद्गातारः संपादयन्ति । स्तुत्यै भ्रातृव्यस्येति ॥ ८ ॥
अत्र प्रकृतितः प्राप्तं सप्तदशं निषेधति—
निस्सप्तदशस्तेन क्रूरः ॥ ९ ॥
अयं संदंशयागो निस्सप्तदशः सप्तदशस्तोमेन हीनः कार्यः । तेन
पशव्यस्य सप्तदशस्तोमस्य राहित्येन क्रूरः भ्रातृव्यस्य पशुहानिकर इति ॥ ९ ॥
अत्र श्येनवैशेषिकान् धर्मानतिदिशति—
समानमितरच्छ्येनेन ॥ १० ॥

10. RJMIK. वार्षाहरम् for गायत्रवार्षाहरम्.
11. J om. इति M. ०कराणि for ०कारीणि.
12. J adds उत्पादयन्ति before संपादयन्ति.
13. T. ०दशस्तोमं for ०दशं.
14. T. पुनः कार्यम् for हीनः कार्यः.
15. J. पशून् विकरोति for पशुहानिकरः.
16. RKMI om. अत्र...०दिशति.
17. MIK om. समानम्....०च्छ्येनेन.