षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

(सा. ५०३) इति एकस्यां गायत्रं परस्यां वार्षाहरम् । आर्भवपवमाने यस्ते
मदो वरेण्यः (सा. ४७०) इति गायत्रवार्षाहरे एकस्यामेवेति कल्पकार-
वचनान्निश्चीयते । तथा सफौपगवे सामनी पवस्व (सा. ४७९) इन्द्र-
मच्छा (सा. ५६६) इत्यनयोः ऋचोः; नानदं—पुरोजिती वो
अन्धसः (सा. ५४५) इत्यस्याम् ऋचीति क्रूराणि शत्रुहिंसाकारीणि
सामानि संभरन्ति उद्गातारः संपादयन्ति । स्तुत्यै भ्रातृव्यस्येति ॥ १५ ॥
अथानुवाकशेषे यूपादीनां श्येनयागे प्राकृतेभ्यो विकारा अभिधीयन्ते ।
तत्र यूपस्य विकारं प्रथमं दर्शयति—
तैल्वको वा बाधको वा यूपः स्फचाग्रः ॥ १६ ॥
तिल्वको नामाप्रक्षीरः कश्चिद् वृक्षविशेषः तद्विकारो वा, बाधको नाम
राजवृक्षः तद्विकारो वा यूपः कर्तव्यः ।