षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

१४६ षड्विंशब्राह्मणम्
तस्य रथन्तरं पृष्ठम् । बृहत् ब्रह्मसाम । एष वै
साम वज्रः । तमेवास्मै वज्रं प्रहरति स्तृत्यै ॥ १२ ॥
होतुः पृष्ठं रथन्तरं कुर्यात् । ब्रह्मसाम बृहत् कुर्यात् ॥ १२ ॥
एवं भ्रातृव्यहिंसाकामस्य होतुः पृष्ठं रथन्तरं, ब्रह्मसाम बृहदिति
दर्शयित्वा इदानीं जीवत एव भ्रातृव्यस्य पश्चादिराहित्यम् इच्छतो यजमानस्य
प्रयोगविशेषं दर्शयति—
यं कामयेत क्षीयेतेति तस्य बृहत् पृष्ठं कुर्यात् । रथन्तरं
ब्रह्मसाम । क्षत्रं वै बृहत् । पशवो रथन्तरम् । क्षत्रेणैवास्य
पशून् हन्ति । अपशुर्भवति क्षीयते ॥ १३ ॥
यं भ्रातृव्यं जीवन्तं क्षीयते पश्चादिभिर्हीयेतेति यो यजमानः कामयेत
तस्य होतुः पृष्ठं बृहत् कुर्यात् । ब्रह्मसाम रथन्तरम् । यतः क्षत्रं वीर्यमेव
बृहत् । प्रवृद्धत्वात् । पशव एव रथन्तरम् । कार्यकारणभावात् । तस्मात्
क्षत्रेणैवास्य भ्रातृव्यस्य पशून् हन्ति । तथा सति भ्रातृव्योऽपशुः पशु-
रहितो भवति । अतः क्षीयते अपक्षयं प्राप्नोति ॥ १३ ॥
अथ जीवत एव भ्रातृव्यस्य अप्रतिष्ठाकामस्य यजमानस्य प्रयोगविशेषं
विधत्ते—
यं कामयेत परां परावतामियान्न° प्रतितिष्ठेदिति
पवमाने रथन्तरं कुर्यात् । बृहत् पृष्ठम् । प्लवं ब्रह्मसाम ।
बृहद्रथन्तराभ्यामेवैनमेभ्यो लोकेभ्य उद्धृत्य प्लवेन
प्रप्लावयति । परां परावतमेति । न प्रतितिष्ठति ॥ १४ ॥
3. R om. होतुः...बृहत् कुर्यात् .
5. M. रहितस्य, T. राहित्यस्य for राहित्यम् .
6. J. प्रयोगं for प्रयोगविशेषं.
7. M. यः for यं; J. जीयेतेति for क्षीयेतेति ; RISK om. तस्य.
9. JR. जीयते for क्षीयते.
10. J. जीयेत for क्षीयेते.
12. R. बृद्धत्वात्, J. बृहत्त्वात् for प्रवृद्धत्वात् .
14. RSI. ॰हीनो॰ for ॰रहितो॰.
15. J. प्रयोगं for प्रयोगविशेषं.