षड्विंश ब्राह्मण (सामवेद का अद्भुत ब्राह्मण - दैव-उत्पात शान्ति विधान सटीक)

भवत्वेवम् । अनेन चतुरृक्चे सामकरणं कथं सिध्यतीत्यत्राह—
न तेन स चतुरृक्चः । यत्तृचेऽन्यत् साम भवति
एकर्चेऽन्यद्यद्भाव । चतसृष्वेकं साम स एव चतुरृक्चः ॥ १३ ॥
तृचेऽन्यत् साम एकर्चे एकस्यामृचि अन्यत् साम भवतीति यत्
तेन स विवक्षितः चतुरृक्चो न भवति । किंतु चतसृषु एव ऋक्षु एकं साम
भवतीति यत् स एवात्र विवक्षितश्चतुरृक्च इति ॥ १३ ॥
यदुक्तं चतुरृक्चे साम गेयमिति तत् प्रशंसति—
साम भूयांसं पोषं पुष्यति । तमनु पोषं पोषुकॊ भवति ॥ १४ ॥
तत्रैव गीयमानं साम भूयांसं पोषं महतीं पुष्टिं पुष्यति प्राप्नोति । तं
साम्नः पोषमनु पश्चात् यजमानः पोषुकः पुष्टिवान् भवतीति ॥ १४ ॥
तदेतदसांप्रदायिकमित्याशङ्क्य श्रुति