सात्वत संहिता (पाञ्चरात्र आगम - भगवान् सङ्कर्षण-नारद संवाद सान्वय सटीक)

५३६ सात्वतसंहिता
२६. ॐ सर्वज्ञाय विश्वात्मने विमलसर्वेश्वराय न्यग्रोधशयनाय नमः ॥८८-८९॥
भूतशब्दमथादाय भावनाय पदं ततः ।
शब्दं विश्वात्मने चाथ विमलेतिपदं ततः ॥ ९० ॥
निकेतनाय तदनु कन्थराय पदं ततः ।
अयं विंशतिभिर्वर्णैर्द्वयधिकैर्मन्त्रराट् स्मृतः ॥ ९१ ॥
विष्णवे पदमादाय निरस्तास्त्राय वै ततः ।
पदं ब्रह्ममयायाऽथ जटिने दण्डिने ततः ॥ ९२ ॥
२७. ॐ भूतभावनाय विश्वात्मने विमलनिकेतनाय कन्थराय नमः ॥९०-९२॥
दद्याद् विदितशब्दं वै तदन्ते विभवाय च ।
षड्विंशार्णस्त्वयं मन्त्रः परमस्मान्निबोधतु ॥ ९३ ॥
२८. ॐ विष्णवे निरस्तास्त्राय ब्रह्ममयाय जटिने दण्डिने विदितविभवाय
नमः ॥ ९३ ॥
सर्वशब्दमथादाय व्यापिने तदनन्तरम् ।
पदं सहस्रार्चिषे तु दद्यात् पञ्चाक्षरं शुभम् ॥ ९४ ॥
त्रिविक्रमायाथ पदं ततोऽपरिमितेति च ।
प्रभावाय पदं दद्यात् त्रयोविंशाक्षरः स्मृतः ॥ ९५ ॥
२९. ॐ सर्वव्यापिने सहस्रार्चिषे त्रिविक्रमाया परिमितप्रभावाय नमः ॥९४-९५॥
नरनाथाय शब्दं तु पुरुषप्रवराय वै ।
आत्मध्यानपरायेति णाय वै द्व्यक्षरं ततः ॥ ९६ ॥
३०. ॐ नरनाथाय पुरुषप्रवराय आत्मध्यानपरायणाय नमः ॥ ९६ ॥
एकविंशाक्षरो मन्त्रस्त्वतोऽन्यमवधारय ।
नारायणाय शब्दं तु दद्यान्निरति वै पदम् ॥ ९७ ॥
शयानन्दमयायेति पदं निरभिमान वै ।
पदासक्ताय तदनु पञ्चविंशाक्षरस्त्वयम् ॥ ९८ ॥
३१. ॐ नारायणाय निरतिशयानन्दमयाय निरभिमानपदासक्ताय नमः ॥९७-९८॥
पराय पदमादाय ततो वै परमात्मने ।
योगेश्वराय हरये मन्त्रोऽयं षोडशाक्षरः ॥ ९९ ॥
३२. ॐ पराय परमात्मने योगेश्वराय हरये नमः ॥ ९९ ॥