प्रमाणवार्तिकम् (आचार्य धर्मकीर्ति - मनोरथनन्दि वृत्ति सहित बौद्ध न्याय महाग्रन्थ)

२५६ प्रमाणवार्त्तिके
व्यक्त्यसिद्धावपि व्यक्तं यदि व्यक्तमिदं जगत् ॥ ५४१ ॥
रुपलब्धेर्व्यक्तमर्थमिच्छतो व्यक्त्यसिद्धिर्युक्ता । यदि पुनर्व्यक्तेरसिद्धावपि
व्यक्तं वस्तूच्यते, तदा सर्वमिदं जगद् व्यक्तं स्यात् ; अव्यक्तव्यक्तिकत्वेन
विशेषाभावात् । तथा हि—अर्थो न सत्तामात्रेण प्रतीत उच्यते; प्रतिपत्तिसंयोगात् ।
नापि ज्ञानसत्तामात्रेण; परचित्तज्ञानेनापि संवेदनप्रसङ्गात् । किन्तु ज्ञानानुभवेना-
र्थप्रतीतिर्वाच्या । न चान्येन संवेदनं ज्ञानस्योपपद्यत इति स्वप्रकाशमेव
स्वभावतस्तद्व्यक्तमिति स्वसंवेदनसिद्धिः ॥ ५४१ ॥
इत्याचार्यश्रीमनोरथनन्दिकृतायां
प्रमाणवार्तिकवृत्तौ प्रत्यक्ष-
परिच्छेदो द्वितीयः