प्रमाणवार्तिकम् (आचार्य धर्मकीर्ति - मनोरथनन्दि वृत्ति सहित बौद्ध न्याय महाग्रन्थ)

प्रत्यक्षपरिच्छेदः १६३
चित्रैकत्वविचारः
चित्रावभासेष्वर्थेषु यद्येकत्वं न युज्यते ।
सैव तावत् कथं बुद्धिरेका चित्रावभासिनी ॥ २०८ ॥
इदं वस्तुबलायातं यद् वदन्ति विपश्चितः ।
यथा यथार्थाश्चिन्त्यन्ते विशीर्यन्ते¹ तथा तथा ॥ २०९ ॥
किं स्यात् सा चित्रतैकस्याम्;
न स्यात् तस्यां मतावपि ।
यदीदं स्वयमर्थानां रोचते तत्र के वयम् ॥ २१० ॥
ननु चित्रं नानाकारोऽवभासो येषां पत्त्रादीनां तेष्वर्थेष्वेकत्वं न
युज्यते, यदि सैव चित्रार्थग्राहिणी बुद्धिश्चित्रावभासिनी चित्राकारा कथ-
मेका सम्मता ! यथा चित्रत्वेऽपि बुद्धिरेका, तथा कार्यद्रव्यञ्चैकं स्यात् ? ॥२०८॥
अत्राह—इदं वस्तुनोऽव्यभिचारि लिङ्गस्य बलादायातं यद् वदन्ति
विपश्चितो बुद्धा भगवन्तः ।
[L15