पाशुपत सूत्र (भगवान् लकुलीश - कौण्डिन्य प्रणीत पञ्चार्थभाष्य सहित पाशुपत दर्शन मूल)

तृतीयाऽध्यायः । ८९
एवमध्यायपरिसमाप्तिं कृत्वा युक्तं वक्तुम्—
अत्रेदं ब्रह्म जपेत् ॥ २० ॥
इति । अस्य पूर्वोक्तोऽर्थः ॥ २० ॥
किंपुनस्तद् ब्रह्मेति ? । तदुच्यते—
( अघोरेभ्यः ॥ २१ ॥
अथवा ब्रह्मणा सह ब्रह्मसम्बन्धो भवति । कथम् ? । मनो-
ग्रहणाद् रूपादिविहीना अर्थाः । किं तानि सुरूपाणि सलक्षणानि,
विलक्षणानि, उत सलक्षणविलक्षणानीति ? । किं परिमितानि, उत
अपरिमितानि, उत परिमितापरिमितानि ? । उच्यते—कारणत्वबहु-
त्वेनोक्तस्य भगवतो रूपनानात्वं वैलक्षण्यावैलक्षण्यं परिमितापरि-
मितत्वं चोच्यते—अघोरेभ्यः । अकारो रूपाणां घोरत्वं प्रतिषेधति ।
अघोराण्यतिशान्तानि अनुग्रहकराणीत्यर्थः । एभ्य इत्यपरिमितापरि-
संख्यातेभ्य इत्यर्थः ॥ २१ ॥
आह—किमेतान्येव, एभ्य एव वा ? । तदुच्यते—न। यस्मादाह—
अथ घोरेभ्यः ॥ २२ ॥
अत्र अथशब्दो घोररूपोपाधिको द्रष्टव्यः । घोराणि अशिवानि
अशान्तानि अननुग्रहकारीणीत्यर्थः । एभ्य इत्यपरिमितापरिसंख्या-
तेभ्य इत्यर्थः ॥ २२ ॥
आह—किमेतान्येव, द्विसंस्थानसंख्येभ्य(?) एव वा ? । उच्यते—
यस्मादाह—
१. 'सुखकरानन्तशरीराधिष्ठातृत्वम् अघोरत्वम्' । गणकारिकाव्याख्या page 11.
12