पाशुपत सूत्र (भगवान् लकुलीश - कौण्डिन्य प्रणीत पञ्चार्थभाष्य सहित पाशुपत दर्शन मूल)

प्रथमोऽध्यायः । . . ४९
अवध्य इति। अकारो भूतपूर्वं वध्यत्वं प्रतिषेधयति । यदा गुणैर्युक्तः
प्राप्तैश्वर्यः सिद्धस्तदा सर्वेषां चावध्यो भवतीत्यर्थः । एवं परकृतेष्वपि
देवादिशरीरेषु रूपेषु प्रभुत्वं विभुत्वं च व्याख्यातम् ॥ ३२ ॥
अत्रेदं षट्सूत्रीप्रकरणं परिसमाप्तम् ।
— आह—किमस्य सिद्धस्यैतदैश्वर्यं नित्यम् , आहोस्वित् पार्थिवा-
प्यतैजसवायव्यव्योममानसाहङ्कारिकमहदात्मकादिवदनित्यमिति ? ।
उच्यते—नित्यम् । यस्मादाह—
अभीतः ॥ ३३ ॥
अत्र अक्षयादि(अ० १, सू० ३४)वचनविरोधाद् अधीतश्चरतीति
पाठानुपपत्तिः । तस्मादतीतानागतवर्तमानकालभयं न विद्यत इत्यतो-
ऽभीतः ॥ ३३ ॥
आह—अभीतानामपि ब्रह्मादीनां संहारे क्षयः श्रूयते ।
तस्माद् नाभीतत्वात् नित्यम् । अभीतस्य वा किं लक्षणम् ? ।
तदुच्यते—
अक्षयः ॥ ३४ ॥
अत्र अकारः क्षयप्रतिषेधे । अत्र क्षयो नाम सति
पुरुषनित्यत्वे पूर्वमस्य ब्राह्मणस्य तैस्तैरैश्वर्यैरपकर्षः । आहङ्कारिक-
१. 'निरतिशयमपराधीनत्वमवध्यत्वम् । सत्त्वान्तरानभिभाव्यज्ञानसम्बन्धित्व-
मनावेश्यत्वम् । सत्त्वान्तराधीनजीवितरहितत्वमवध्यत्वम्'. गणकारिकाव्याख्या page 10.
२. This indicates there were some predecessors to this भाष्यकार.
३. 'समस्तभयातिक्रान्तत्वमभयत्वम्' . गणकारिकाव्याख्या page 10.
7