पाशुपत सूत्र (भगवान् लकुलीश - कौण्डिन्य प्रणीत पञ्चार्थभाष्य सहित पाशुपत दर्शन मूल)

"अहिंसा ब्रह्मचर्यं च सत्यसंव्यवहारकौ ।
अस्तेयमिति पञ्चैते यमा वै संप्रकीर्तिताः ॥ १ ॥
अक्रोधो गुरुशुश्रूषा शौचमाहारलाघवम् ।
अप्रमादश्च पञ्चैते नियमाः संप्रकीर्तिताः ॥"
तदिदमस्माकं न भवति । कस्मात् ? । नियमनिवृत्तिदर्शनात् ।
अस्मिन् हि तन्त्रे कालान्तरेण नियमा (नि)वर्तन्ते । (कथम् ?)
आ देहपाताद् यमानां न निवृत्तिरस्ति । कस्मात् ? । हिंसादि-
दोषात् । तस्मादहिंसाद्या दश सर्वे ते यमाः प्रत्यवगन्तव्याः ।
आह—यद्येवं नियमनिवृत्तौ भ्रष्टनियमस्य पतनप्रसङ्गः ।
उच्यते—अवसितप्रयोजनत्वान्न पतनप्रसङ्गः । किञ्च यमानां
प्राधान्यात् । उक्तं हि—
"पतति नियमवांस्तु यमेष्वसक्तो
न तु यमवान् नियमैरलसोऽवसीदेत् ।
इति यमनियमौ समीक्ष्य बुद्ध्या
यमबहुलेष्वतिसन्दधीत बुद्धिम् ॥"
तस्मान्न पतनप्रसङ्गः । अतः प्रसिद्धा यमा अहिंसादयः ।
आह—किं प्रसिद्धा इति कृत्वा गृह्यन्ते ?, आहोस्विच्छक्यमेतेषां
यमानां सर्वज्ञोक्तशास्त्रतः सद्भावो वक्तुम् ? । उच्यते—यद्यन्यत्र
प्रसिद्धा इति किं ? । तत्र चिन्त्यते । (*) कस्मात् ? कृतापदेशात् ।
१. See सूतसंहिता ज्ञानयोगखण्ड, अ० १२ for १० यम...
२. See Manu IV, 204.

• It seems few lines are missing here.