पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

६४ पञ्चमसायके
देशसात्म्येन अन्यानि चुम्बनस्थानानि निर्दिशति—
कक्षायुगं वापि नितम्बिनीनां
कन्दर्प-राग-स्फुरण-प्रवीराः ।
चुम्बन्ति कामं तरलायताक्ष्या-
देशस्य सात्म्येन सदैव लाटाः ॥ ३९ ॥
अथ निमिताख्यं चुम्बनं लक्षयति—
कान्तोऽङ्गनाया वदने स्वकीय-
माक्षिप्य वक्त्रं कुतुकेन यत्र ।
न चुम्बति क्रोधवशेन नारी
स्याच्चुम्बनं तन्निमिताभिधानम् ॥ ४० ॥
अथ स्फुरिताख्यं चुम्बनं निरूपयति—
पत्युर्मुखे तु स्वमुखं निवेश्य
प्रेम्णा मनागञ्चति दन्तवेष्टम् ।
उर्ध्वेन गृह्णात्यपि कम्पितोष्ठी
प्रोक्तं मुनीन्द्रैः स्फुरितं विनोदात् ॥ ४१ ॥
अथ घृष्टाभिधानं चुम्बनं दर्शयति—
[L