पञ्चसायक (कविशेखर ज्योतिरीश्वर - कामकला एवं रति-शास्त्र संस्कृत मूल पाठ)

चतुर्थः सायकः ६३
अथ तिलतण्डुलाख्यमालिङ्गनं निरूपयति-
“यद्बाहु-वक्षो-जघनेन गाढ-
मन्योन्य-संलग्न-शरीर-यष्ट्योः ।
कान्तस्य गाढं समुदाहृतोऽय-
मालिङ्गनं तत्तिलतण्डुलाख्यम् ॥ ३५ ॥
अथ क्षीरनीराख्यमालिङ्गनं वर्णयति=
गात्रो-पविष्टाऽथ तल्पमध्ये
संलीयते तन्मिथुनं शरीरे-
कामाभिमानात् कृतपूर्णचेष्ट-
मालिङ्गनं क्षीरजलं प्रदिष्टम् ॥ ३६ ॥
अथ लालाटिकमालिङ्गनं निरूपयति=
अन्योन्य-संलग्न-मुखं च बाहू
नेत्रं ललाटं हृदयं कपोलम् ।
आनन्द-भाव-श्रम-मीलिताक्षं
लालाटिकं तत्त्वविदो वदन्ति ॥ ३७ ॥
इत्यालिङ्गनसमुद्देशः ॥
अथ चुम्बनसमुद्देशः=
[३४] अथ चुम्बनस्थानानि गणयति=
गण्डस्थली मस्तक-दन्तवासो-
ग्रीवा-कुचोरः स्तनचूचुकानि ।
आलिङ्गनानन्तरमेव यूनोः-
स्थानानि चुम्बस्य वदन्ति सन्तः ॥ ३८ ॥
(१) 'तन्मिथुन'' इति समीचीनतरं प्रतिभाति ।
(२) "स्थल" इति षष्ठपुस्तके पाठान्तरम्
(३) "लज्जा " इति षष्ठपुस्तके दृश्यते ॥