मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

कृत्वा मलापेतः स्वभावनिर्मलः परमेश्वरः१,
तथा अनादिश्चासौ मलापेतश्च तत्प्रसादात्२
प्रध्वस्तसमस्तमलो मुक्ताणुवर्गः, किंच अना-
देर्मलादपेतः स्वाभाविकमलविदारणात् पर-
मेश्वरेण प्रकटीकृतदृक्क्रियः३ किंचिदवशेषि-
तत्त्वादादिमता अधिकारमलेन युक्तो मन्त्रम-
न्त्रेश्वरमन्त्रमहेश्वरवर्ग इत्येवं समासत्रयकर-
णात् मुक्ताणुभिर्विद्येश्वरादिभिश्च सहितः प-
तिपदार्थः अत्र सूचितः। तस्य च त्रिविधस्यापि
सर्वज्ञता सर्वकर्तृत्वं च विद्यते, मुक्तात्मनां
तु सत्यपि सर्वार्थदृक्क्रियत्वे पाशजालापोहन-
सामर्थ्यमस्ति, नत्वपोहनकर्तृत्वम्। यतस्ते क-
रणीयस्याभावात् न प्रवर्तन्ते, अतः स्वात्मन्येव
श्रेयोयोगाच्छिवत्वमेतेषां, विद्येश्वराणां शिव-
पदप्राप्तिहेतुत्वात्, भगवतस्तु सर्वानुग्रहप्रवृ-
त्त्वात्। तथाच मुक्तात्मनामप्रवृत्तत्वात् वि-
द्येश्वराणां च परमेश्वरपारतन्त्र्यात् स्वतन्त्रः स
भगवान्। किं करोतीत्याह पूर्वव्यत्यासितस्याणोः
१ परमेश्वरः पतिः। २ अनादिरपि मुक्ताणुवर्गः ईश्वरप्रसादात् प्रध्वस्त-
समस्तमलः अधिकारमलरहितः। ३ प्रकटीकृते दृक्क्रिये यस्य सः, यस्य
परमेश्वरेण दृक्शक्तिः क्रियाशक्तिश्च प्रकटीकृते।
७