मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

अथ
श्रीमृगेन्द्रतन्त्रे ।
विद्यापादे ।
( द्वितीयः पटलः )
अथानादिमलापेतः
सर्वकृत्सर्वविच्छिवः ।
पूर्वव्यत्यासितस्याणोः
पाशजालमपोहति ॥ १ ॥
संबन्धाभिधेयप्रयोजनानि प्रथममेव वि-
वेचितानि । अथेत्यानुषङ्गिकसंबन्धादिकथना-
दनन्तरं विद्याख्यः पादः प्रक्रम्यते । अत्र च
शास्त्रे पतिपशुपाशाख्यास्त्रयः पदार्थाः । पशूना-
मस्वातन्त्र्यात् पाशानामाचैतन्यात् तद्विलक्षणस्य
पत्युः १पञ्चविधकृत्यकारित्वम्, तत्कारकाणि
स्वशक्तिरूपाणि मायादीनि च, क्रिया च दीक्षा-
ख्या, तत्फलं च पशूनामनुग्रहाख्येन कर्मणा
परकैवल्यासादनमित्यादि अभिधास्यमानम् ।
तद्गर्भीकारेणेदं मूलसूत्रम् । अनादिमलापेत
इति। अनादिशब्दः क्रियाविशेषणम् । अनादि
१ सृष्टिस्थितिसंहाराविर्भावतिरोभावात्मकं पञ्चविधं कृत्यम् ।