मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

अथ
श्रीमृगेन्द्रतन्त्रे ।
विद्यापादे ।
( षष्ठः पटलः )
अथ विश्वनिमित्तस्य
प्राप्तं लक्षणमात्मनः ।
तदीशौक्तौ गतप्रायं
तथाप्युद्देश उच्यते ॥ १ ॥
अथेदानीं पाश्चात्यपटलान्तसूचिताभिधान-
स्यात्मनो लक्षणमुच्यत इति पाटलिकप्रा-
करणिकौ संबन्धौ ज्ञेयौ । सौत्रादयस्तु प्राग्व-
दुन्नेयाः प्रतिपटलमुच्यमाना अतिपौनरुक्त्य-
मावहन्ति । विश्वस्य जगतो निमित्तं प्रवर्तन-
हेतुरात्मा तद्भोगसाधनाय तनुकरणभुवना-
दीनामुत्पत्तेः । तस्यात्मनो लक्षणमीश्वरोक्त्यन-
न्तरमवसरप्राप्तं कथ्यते । तच्च यद्यपि
'तेन स्वभावसिद्धेन भवितव्यं जगत्कृता ।' (१।२।४)
इत्यत्र ईश्वरसिद्ध्यनुषङ्गेण