मन्त्र रामायण (नीलकण्ठ चतुर्धर - पं. रामकुमार राय सविस्तार हिन्दी व्याख्या सटीक)

सूर्यवंशो रामः शुक्लं शुद्धम् अर्णः समुद्रजलम् अरुहत् केनोपायेनेत्यत आह—
अयुक्तेति । यत् यतः हरितः पर्वततत्त्वसामान्यात् विराडंगुलिरूपान् पर्वतान्
अयुक्त सेतुरूपेण योजितवान् । वीतपृष्ठाः अनुच्चाः सुसमा इत्यर्थः ॥ तांश्च धीराः
हनुमदादयः उद्घाननावम् उदकदेशेन नावमिव अनयन्त आनीतवन्तः । अगाधे
जले कथमासां न मज्जनं जातम् अत आह-आशृण्वतीरिति । आशृण्वतीः-
आज्ञाकारिण्यः आपः समुद्ररूपाः अर्वान् अतिष्ठन् उपस्थानं दासवदकुर्वन् ॥ पक्षे
सूर्य आत्मा शुक्रमर्णः ब्रह्म समुद्रम् हरितः इन्द्रियनद्य आपो मनः ॥१२५॥
अश्मन्वती रीयते संरभध्वमुत्तिष्ठत प्रतरतासखायः ।
अत्रा जहीम ये असन्नशेवाः शिवान् वयमुत्तरेमाभि वाजान् ॥१२६
ऋ. १०. ५३, ८
सेनापति ने कहा