जैमिनीय ब्राह्मण (सामवेद का प्राचीनतम गूढ़ ब्राह्मण ग्रन्थ - सरस्वती विहार संस्करण)

१.६० ] जैमिनीयब्राह्मणम् [ १७
ब्रूयात् पराङ् वा अयम् इदम् अग्निहोत्रम् असिक्षत्¹ परासेक्ष्यते
ऽयं यजमान इति तथा हैव स्यात् । इत्थम् एव कुर्यात् ।
आहवनीय एव समिधम् अभ्याधायाहवनीयस्यैवोष्णं भस्म
निरूह्य तस्मिन्न् एनत्² तूष्णीं निनयेत् । तन् न हुतं नाहुतम् ।
अग्निर् अनुनिनयेत् । अग्निर् एवैनद् आप्नोति । अथ यद् अन्यद्
विन्देत् तेन जुहुयात् ॥
अथो खल्व् आहुर् यद् अववर्षेत् किं तत्र कर्म का प्रायश्चित्तिर्
इति । स विद्याद् उपरिष्टान् मा शुक्रम् आगात् प्रजातिर्³ मे
भूयस्य् अभूत् श्रेयान् भविष्यामीति । तथा हैव स्यात् ॥
अथो खल्व् आहुर् यत् पूर्वस्याम् आहुतौ हुतायाम् अङ्गारा
अनुगच्छेयुः कोत्तरां जुहुयाद् इति । य एव तत्र शकलो ऽन्तिकस्
[