भोजनकुतूहल: प्रथम भाग (रघुनाथ नवहस्त - आहार-रसायन, पाकशाला-व्यवस्था व विरुद्धाहार)

प्रथमपरिच्छेदः ।
श्रीपर्णीकुसुमं शीतं तिक्तं सङ्ग्राहि वातलम् ।
कषायं मधुरं पाके पित्तास्रासृग्दरापहम् ॥
श्रीपर्णीपुष्पम् ।
पाटलाकुसुमं हृद्यं कषायमधुरं हिमम् ।
हिध्माकफातिसारघ्नं शोषघ्नं वारिवासनम् ॥
पाटलीपुष्पे ।
निर्गुण्डिपुष्पं तिक्तोष्णं क्रिमिवातकफापहम् ।
गुल्मप्लीहारुचिं कुष्ठं कण्डूं शोफं जयेत्कटु ॥
निर्गुण्डीपुष्पे ।
पुष्पमाखुविषं हन्यात् कपित्थस्य विशेषतः ।
कावठफूल ।
माधूकं मधुरं शीतमहृद्यं बृंहणं गुरु ॥
माधूकपुष्प ।
शाल्मलीपुष्पशाकं तु घृतसैन्धवसाधितम् ।
प्रदरं नाशयत्याशु दुस्साध्यं च न संशयः ॥
रसे पाके च मधुरं कषायं शीतलं गुरु ।
कफपित्तास्रजिद् ग्राहि वातलं च प्रकीर्तितम् ॥
शाल्मलीपुष्प ।
इति पुष्पाणि ।
अथ कवकम् ।
भूस्फोटं कवकं छत्रं भूमिच्छत्रं शिलान्ध्रकम् ।
क्षितिगोमयकाष्ठेषु वृक्षादिषु च तद्भवेत् ॥
श्रेष्ठाश्शुचिस्थलीकाष्ठवंशगोव्रजसम्भवाः ।
नातिदोषकरास्ते स्युः शेषास्तेभ्यो विगर्हिताः ॥
भूकन्दस्त्वतिदोषल इति वाग्भटः । भूकन्दः भूस्फोटः कवकं इति
यावत् ।
इति कवकानि ॥
१. P1. P2. सृग्ज्वरापहम् ।