भोजनकुतूहल: प्रथम भाग (रघुनाथ नवहस्त - आहार-रसायन, पाकशाला-व्यवस्था व विरुद्धाहार)

प्रथमपरिच्छेदः
जम्बूः कषायमधुरा श्रमपित्तदाह-
कण्ठार्तिदोषशमनी क्रिमिदोषहन्त्री ।
श्वासातिसारकफकासविनाशिनी च
विष्टम्भदा त्वपि च रोचनपाचनी च ॥
जांबूळ ।
विकण्टकः कषायः स्यात् कटुरूक्षो रुचिप्रदः ।
दीपनः कफहारी च वस्त्ररङ्गविधायकः ॥
हंसीफल, वारतोंडे इति नामान्तरम् ।
स्वादुपाक्यार्द्रमरिचं वातहृत्कफकृद् गुरु ।
आर्द्रमरीच ।
करीरः कटुकस्तीक्ष्णः छेद्युष्णो भेदनो जयेत् ।
दुर्नामकफवातामगरशोफक्रिमिन्ब्रणान् ॥
तस्य पुष्पं तु तुवरं वातकृत्कफपित्तजित् ।
फलं तिक्तं कषायोष्णं कटुकं रसपाकयोः ॥
१ विकारि मधुरं रूक्षं संग्राहि कफपित्तजित् ।
नेपती ।
फांपटस्य फलं तिक्तं श्लेष्मलं क्रिमिनाशनम् ।
पित्तलं गुरु विष्टम्भि रुच्यं चोष्णं परं स्मृतम् ॥
फांवेंटं ।
जीवन्तीफलमत्यर्थं मधुरं बृंहणं गुरु ।
दोडी ।
एरण्डफलमत्युष्णं गुल्मशूलानिलापहम् ।
यकृत्प्लीहोदराशोघ्नं कटुकं दीपनं परम् ॥
एरण्डफल ।
१. T₂. omits this line.