अश्ववैद्यकम् (जयदत्त सूरि - विस्तृत अश्व-रोग निदान एवं शल्य-चिकित्सा महाग्रन्थ)

६० परिशिष्टे [१५ अध्यायः।
सामान्येन प्रदिष्टोऽयमगदो विषनाशनः।
पृथक् पृथग्विभागेन कर्त्तव्यं साम्यतः परम्¹ ॥ ३॥
त्रिविधं कीर्त्तितं चैव कृत्रिमञ्च ततःपरम्।
त्रिविधं कीर्त्तितं प्राज्ञैर्विषज्ञानविचक्षणैः ॥ ४॥
स्थावरं कन्दजं² प्रोक्तं जङ्गमं सत्वसंस्थितम्³।
कृत्रिमं योगजं प्रोक्तं त्रिविधं विषमुच्यते ॥ ५॥
यदा स्थिरं समश्नन्ति कदाचित्तुरगोत्तमाः।
तदा कार्यं विधानज्ञैरगदस्य प्रयोजनम्॥ ६॥
केशरं पद्मनालञ्च सौपर्णी⁴ बदरीफलम्।
तक्रमिश्रं हये दत्तं सर्व्वथा विषनाशनम्⁵ ॥ ७॥
सौपर्णी सिन्धुवारश्च नागवल्ली जटा तथा।
विषार्त्तं प्राप्य संमिश्रं दुग्धे स्यादायूधी हयः⁶ ॥ ८॥
अश्वगन्धा रुहा एला⁷ घृतमिश्रा प्रयोजिता।
विषनाशं नयत्याशु जङ्गमं हयगात्रतः॥ ६॥

---

१। कर्त्तव्यः संमतः परः। कः।
२। सङ्गजं। कः।
३। सत्त्वमाश्रितं। कः।
४। सौवर्णी। कः।
५। क्रममिश्रं हये दत्तं विषनाशनकरं परम्। कः।
६। क्षामा युधा हयः। कः।
७। पिष्टा। कः।